ᐱᔾᔪᑎᖓᓕ ᐱᓕᕆᐊᖑᔪᑦ ᓄᐊᑦᑎᓂᖅ ᐃᒥᕐᒥ ᖃᐅᔨᓴᖅᑕᒥᓂᕐᓂᑦ ᐊᔾᔨᒌᖏᑦᑐᑕᓂᑦ 7ᓂᑦ ᑰᖑᔪᓂᑦ ᐊᒻᒪᓗ ᐊᑦᑐᐃᓂᕆᔭᖏᑎᒍᑦ ᓄᓇᐅᓂᕐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ ᑐᑭᓯᔾᔪᑎᒋᓇᓱᑦᑐᒍ ᐱᑕᖃᓲᖑᒻᒪᖓᖅ ᐅᕙᓘᓐᓃᑦ ᐱᑕᖃᓲᖑᖏᒻᒪᖓᖅ ᐃᒪᕐᓗᕐᓂᑦ ᑭᓱᒃᑯᑕᓂᑦ ᐊᔾᔨᒌᖏᑦᑐᑕᓂᑦ ᐊᖏᓂᖅᓴᓂᙵᖅᑐᓂᑦ ᐊᒡᒍᖅᐸᓯᐊᑕ ᐊᒥᐊᓕᑲᐅᑦ ᑰᖏᑕ ᓱᕐᓗᖃᐃ ᒪᑳᓐᓯ ᐊᒻᒪᓗ ᔨᐅᑳᓐ ᑰᖏᒃ. ᐃᓕᓐᓂᐊᖅᑎᑕᐅᓯᒪᔪᑦ ᓄᓇᓕᓐᓂᒥᐅᑖᑦ ᐃᑲᔪᖅᐸᑦᑐᑏᑦ ᓄᐊᑦᑎᓪᓗᑎᑦ ᐃᒪᕐᒥᑦ ᖃᐅᔨᓴᕋᒃᓴᓂᑦ ᐊᑐᖅᑐᑏᑦ 1ᓖᑕ ᖃᓪᓗᑎᓪᓗᐊᖅ ᐃᒪᕐᒧ ᖃᐅᔨᓴᐅᑎᑎᒍᑦ ᐊᑕᕕᓕᖅᓯᒪᔪᒧᑦ ᓇᐸᔪᒧᑦ. ᑰᑦᑎᒍᓚᐅᖅᑐᑎᑦ ᐊᒻᒪᓗ ᐊᑐᓕᕆᓪᓗᑎᑦ ᓇᐸᔾᔪᑎᓕᖕᓂᑦ ᓄᐊᑦᑎᔪᓂᑦ ᖃᓪᓗᑎᓪᓗᐊᑦ ᒪᕐᕉᒃ ᐱᖓᓱᓪᓘᓐᓃᑦ ᐃᒪᕐᒥ ᐃᒪᓕᖕᒥ ᖃᓂᒋᔮᓂᙵᖅᓯᒪᔪᓂᑦ ᑰᖑᔪᐃᑦ, ᑕᒃᑯᐊᓗ ᓱᕈᕐᔭᐃᒃᑯᑎᖃᖅᑐᑎᑦ ᑰᖑᓂᐅᑉ ᐊᒻᒪᓗ ᖃᓂᒋᔭᓂᑦᑐᓂᑦ ᐃᒪᐅᓂᕐᒥ ᑯᒃᐸᓪᓕᐊᓂᓕᖕᓄᑦ ᒥᑭᓂᖅᓴᓄᓪᓗ ᐃᒥᒃᑯᕕᕋᓛᓄᑦ ᐳᖅᑲᖅᑕᐅᓪᓗᑎᑦ ᖃᐅᔨᓵᖑᕙᑦᑐᑎᑦ ᐃᒥᕐᓗᑦᑕᖃᕐᒪᖓᖅ. ᐱᖃᓯᐅᑎᒻᒥᓗᒍ ᑕᒃᓱᒧᖓ ᐱᓕᕆᐊᒧᑦ, ᒥᑭᑦᑐᖅ, ᐳᓪᓚᑦᑕᖅᑐᖅ ᐅᒥᐊᕋᓛᖅ ᐊᖅᑭᒃᓱᕐᕕᒋᓯᒪᔪᖅ ᐱᓕᕆᔾᔪᑎᓕᖕᓂᑦ, ᐊᐅᓚᐅᑎᖃᖅᑐᓂᓗ ᐃᒪᖅᓯᐅᑎᓂᒃ ᐊᑐᖅᑕᐅᓲᑦ ᓄᐊᑦᑎᔾᔪᑎᐅᓪᓗᑏᑦ ᐃᒪᕐᒥ ᖃᐅᔨᓴᕋᒃᓴᓂᑦ ᐃᒪᐅᓂᕐᒦᑦᑐᓂᑦ ᐊᒻᒪᓗ ᓯᔾᔭᐅᓂᕐᒦᑦᑐᓂᑦ ᑰᖃᕐᓂᐅᔪᓂᑦ. ᐱᓕᕆᐊᖑᔪᖅ ᖃᐅᔨᓴᕐᓂᖃᓲᖅ ᓇᒧᙵᖅᐸᓪᓕᐊᓂᕐᒥ ᑰᑦᑎᒍᖅᑐᓂᑦ ᐊᒻᒪᓗ ᐃᒪᑦᑎᐊᕙᐅᓂᕐᒧᑦ ᐃᓯᓕᕐᓂᖓᓂᑦ ᐊᒻᒪᓗ ᑲᖏᖅᑑᓂᖏᑕ ᑲᓇᑕᐅᑉ ᐃᓄᖃᕐᕕᒋᔭᖓᒍᑦ.
