ᐃᒡᓕᓃᑦ (ᐃᒡᓕᓃᑦ) ᐱᓕᕆᐊᖓ

ᐃᓄᒃᑎᑐᑦ ᐅᖃᕐᓗᒍ, ᐃᒡᓕᓃᑦ ᐱᒃᓯᖃᖅᑐᖅ ᐃᒡᓕᓃᑦ ᐊᐅᓪᓚᖅᓯᒪᔪᓄᑦ ᐊᑐᖅᑕᐅᓲᑦ. ᐊᒥᓱᒻᒪᕆᑦ ᐃᒡᓕᓂᕆᔭᐅᓲᑦ ᖃᐅᔨᒪᔭᐅᔪᑦ ᐊᒻᒪᓗ ᐊᑐᖅᑕᐅᖃᑦᑕᖅᓯᒪᔪᑦ ᐃᓄᖕᓄᑦ ᐊᒻᒪᓗ ᑕᒃᑯᐊ ᐃᒡᓕᓃᑦ ᑲᓇᑕᐅᑉ ᐅᑭᐅᖅᑕᖅᑐᖏᓐᓂᑦᑐᓂᑦ ᐃᓂᖃᕐᑑᓪᓗᑎᑦ ᐊᒻᒪᓗ ᐅᑭᐅᖅᑕᖅᑐᒥᑦ. ᐃᓂᖃᕐᕕᖓ, ᐊᑐᖅᑕᐅᓂᖓ, ᖃᓄᐃᓕᖓᓂᖓ, ᐊᒻᒪᓗ ᐊᓯᔾᔨᖅᓯᒪᓂᖏᑦ ᐃᒡᓕᓃᑦ ᐊᒻᒪᓗ ᐃᓂᒋᔭᖏᑦ ᐃᑲᔪᕐᓂᖃᕈᓐᓇᖅᑐᑦ ᑐᑭᓯᔾᔪᑎᒋᓗᑎᒍ ᐊᕙᑎᒋᔭᑦᑎᖕᓂᑦ ᐊᒻᒪᓗ ᐃᓄᑦᑎᒍᑦ ᐊᕙᑎᐅᓂᕐᒥ ᐱᓕᕆᓂᐅᔪᓂᑦ. ᐃᒡᓕᓃᑦ ᐊᒻᒪᓗ ᐊᑐᖅᑕᐅᓂᖏ ᐃᒡᓕᓃᑦ ᐃᑲᔪᕐᓂᖃᔪᕗᑦ ᐃᒡᓕᓃᑦ ᐱᓕᕆᐊᖓᓂᓪᓗ ᑲᔪᓯᑎᑦᑎᑎᐊᕈᓐᓇᔪᓪᓗᓂ, ᐱᓕᕆᐊᖑᓂᖓ ᑲᑎᒻᒪᕆᖃᔪᑎᓪᓗᒍ ᐃᓄᐃᑦ ᓯᑯᒥᒃ ᐊᑐᕐᓂᖓ ᐊᒻᒪᓗ ᐊᑐᖅᑕᐅᓂᖓᓄᑦ ᐱᓕᕆᐊᑦ ᐱᕕᖃᔪᓪᓗᓂᓗ ᓄᓇᕐᔪᐊᓕᒫᒥᑦ ᑲᔾᔨᖓᒍᑦ ᐱᓕᕆᓂᖅᑕᖃᖅᑎᓪᓗᒍ (2007ᒥᑦ 2008ᒧᑦ).

ᐃᒡᓕᓃᑦ ᐱᓕᕆᐊᖓᓂᑦ, ᐊᖑᓇᓱᑦᑎᖏᑦ ᑲᖏᖅᑐᒑᐱᖕᒥ ᐊᒻᒪᓗ ᓄᓇᙳᐊᓕᐅᖅᑏᑦ ᐃᓕᓐᓂᐊᖅᑏᑦ ᓯᓚᑦᑐᖅᓴᕐᕕᔪᐊᖓᓂᙵᖅᑐᑦ ᑲᓪᒍᕆ ᓱᒃᑰᓕᒃ ᐃᓕᓐᓂᐊᕐᕕᖓ ᐱᓕᕆᔾᔪᑎᑎᒍᖅᑐᑦ, ᐱᓕᕆᖃᑎᒌᔪᕗᑦ ᓴᖅᑭᓪᓗᑎᑦ ᐱᓕᕆᔾᔪᑎᒥᒃ ᐊᖑᓇᓱᑦᑎᓄᑦ ᐊᑐᖅᑕᐅᔪᓐᓇᖅᑐᒥᒃ ᑎᑎᕋᕈᑎᐅᓗᓂ ᑕᑯᕙᓪᓕᐊᔭᖏᓂᑦ ᐊᐅᓪᓚᖅᓯᒪᑎᓪᓗᒋᑦ. ᑕᓐᓇ ᐱᓕᕆᔾᔪᑎᐅᔪᖅ ᐊᒥᓲᔪᓂᑦ ᐊᑐᕐᓂᖃᖃᑦᑕᖅᑐᖅ, ᐱᖃᓯᐅᑎᓗᒋᑦ ᐱᔾᔪᑎᖏᑕ ᐊᖑᓇᓱᑦᑎᐅᑉ ᐊᑐᖅᐸᓪᓕᐊᔭᖏᓐᓂᑦ, ᐊᒻᒪᓗ ᓯᕗᓕᖅᑎᐅᔾᔪᑎᖃᕐᓂᖅ, ᐊᕙᑎᑎᒎᖅᑐᓂᑦ ᖃᐅᔨᓴᕐᓂᕐᒥ ᐊᒻᒪᓗ ᖃᐅᔨᓇᓱᖕᓂᕐᒥ ᐱᓕᕆᔾᔪᑎᒃᑰᖅᑐᓂᑦ.

ᐃᒡᓕᓃᑦ ᐱᓕᕆᔾᔪᑎᖓ ᓴᖅᑭᔪᕗᖅ ᑕᒪᒃᑮᓄᑦ ᐊᑐᐃᓐᓇᐅᔪᒃᑯᑦ ᐱᓕᕆᔾᔪᑎᑎᒍᑦ: ᖃᕋᓴᐅᔭᕋᓛᖅ, ᑕᒻᒪᕆᒃᑯᑎᒧᑦ ᕿᓂᕈᑎᒃ, ᐊᒻᒪᓗ ᓯᓚᓐᓂᐊᕈᑎᒃ. ᐊᖅᑭᒃᓱᖅᓯᒪᓂᖏ ᒪᓕᑦᑐᒋ ᐊᖑᓇᓱᑦᑎᖏᑕ ᑲᖏᖅᑐᒑᐱᐅᑉ, ᓄᓇᙳᐊᓕᐅᖅᑏᑦ ᐃᓕᓐᓂᐊᖅᑎᖏ ᐃᓚᓕᐅᔾᔨᔪᕗᑦ ᐱᓕᕆᔾᔪᑎᐅᔪᓐᓇᖅᑐᒥᑦᑕᐅᖅ, ᐃᒡᓕᓃᑦ ᖃᕋᓴᐅᔭᒃᑯᑦ ᐱᓕᕆᔾᔪᑎᖏᓐᓂᑦ ᐊᖑᓇᓱᑦᑎᓂᑦ ᓴᖅᑭᕙᓪᓕᐊᓲᒥᑦ ᑕᑯᕙᓪᓕᐊᔭᒥᓂᑦ ᐊᕙᑎᐅᓂᕐᒦᑦᑐᓂᑦ, ᐊᑦᑐᖅᑐᒍ ᓇᓗᓇᐃᖅᓯᔾᔪᑎᓕᖕᒥ ᑕᑯᒃᓴᐅᓂᖓᓗ ᐃᓄᒃᑎᑐᑦ ᐅᕙᓘᓐᓃᑦ ᖃᓪᓗᓈᑎᑐᑦ ᑎᑎᕋᖅᓯᒪᔪᓐᓇᖅᑐᓂ. ᑕᒃᑯᐊ ᓇᕿᑦᑕᒐᖏᑦ ᐊᖅᑭᒋᐊᕋᒃᓴᑦᑎᐊᖑᔪᑦ ᐊᒻᒪᓗ ᓂᕈᐊᕆᔭᐅᓯᒪᓪᓗᑏᑦ ᐊᖑᓇᓱᑦᑎᐅᔪᓄᑦ ᑕᑯᕙᓪᓕᐊᔭᕐᒥᓂᒃ ᓇᓗᓇᐃᖅᓯᕙᓪᓕᐊᔪᓄᑦ. ᐃᒡᓕᓃᑦ ᐱᓕᕆᐊᖓᓂᑦ, ᖃᐅᔨᓴᔪᕗᒍᑦ ᐃᒡᓕᓃᑦ ᐱᓕᕆᐊᖓᓂᑦ ᐊᕐᕌᒍᓐᓂᒃ ᒪᕐᕉᓂᒃ, ᐊᑐᕐᓗᐊᑕᖅᑐᑕ 30ᓂᑦ ᓇᕿᑦᑕᒐᕐᓂᑦ (ᑕᑯᔭᐅᕙᓪᓕᐊᔪᓂᑦ) ᐊᒻᒪᓗ ᐊᓯᖏᑦ “ᐃᓗᐊᓃᖃᓯᐅᑎᓪᓗᑏᑦ” - ᓇᕿᑦᑕᒑᑦ ᐃᑲᔪᑎᖃᕈᓐᓇᖅᑐᑦ ᑐᑭᓯᒋᐊᕈᑎᒃᓴᒃᑲᓐᓂᕐᓂᑦ ᑕᑯᔭᐅᕙᓪᓕᐊᔪᑦᑎᒍᑦ, ᓱᕐᓗᖃᐃ “ᐅᒪᔪᖅᑕᐅᔪᖅ” (ᑕᑯᒋᐊᙳᐊᕐᓗᒍ, ᐅᒪᔪᖅ ᐅᒪᔪᖅᑕᒥᓂᖅ, ᑕᑯᔭᐅᑐᐃᓐᓇᖅᓯᒪᖏᑦᑐᖅ), ᐊᒻᒪᓗ “ᐊᒃᑕᕐᓇᖅᑑᑦ” (ᑕᑯᒋᐊᙳᐊᕐᓗᒍ, ᐊᔪᕋᖅ ᓯᑯᓂᕐᒥᑦᑐᖅ ᐊᑦᑕᕐᓇᖅᑑᔪᖅ).

ᖃᕋᓴᐅᔭᒃᑯᑦ ᐱᓕᕆᔾᔪᑎᑎᒍᑦ ᓴᖅᑭᑕᒥᓃᑦ ᐃᒡᓕᓃᑦ ᐱᓕᕆᐊᖓᒍᑦ ᐊᖅᑭᒋᐊᕆᐊᖃᒃᑲᓐᓂᔪᕗᑦ, ᐊᒻᒪᓗ ᖃᐅᔨᓴᕐᓃᑦ ᓄᓇᓖᑦ ᐊᓯᖏᑎᒎᖅᑐᑦ (ᐊᔾᔨᑲᓴᖏᑦ ᐱᓕᕆᔾᔪᑏᑦ ᐅᓪᓗᒥᐅᔪᖅ ᐊᑐᖅᑕᐅᔪᖅ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓄᑦ). ᐃᑲᔪᕐᓂᖃᕈᓐᓇᖅᑐᖅ ᐊᒥᓲᔪᓂᑦ ᐅᑭᐅᖅᑕᖅᑐᒥ ᖃᓄᐃᓕᐅᕐᓂᐅᔪᓂᑦ ᐱᖃᓯᐅᑎᓪᓗᒋᑦ ᐊᕙᑎᐅᔪᒥᒃ ᖃᐅᔨᓴᕐᓂᖅ, ᐆᒪᔪᕐᓂᑦ ᖃᐅᔨᓴᕐᓂᖅ ᐊᒻᒪᓗ ᖃᐅᔨᓇᓱᐊᕐᓂᖅ, ᓄᓇᒥᑦ ᖃᐅᔨᓴᕐᓃᑦ, ᐱᖅᑯᓯᑐᖃᖅᑎᒍᑦ ᐊᒻᒪᓗ ᐃᓄᒥᓂᖅᑎᒍᑦ ᖃᐅᔨᓴᕐᓃᑦ, ᓄᓇᐃᑦ ᐊᑎᖏᓐᓂᑦ ᐊᑦᑎᖅᓱᐃᓃᑦ, ᐊᒻᒪᓗ ᕿᓂᕐᓂᕐᒧ ᐊᒻᒪᓗ ᐸᖅᓴᐃᓂᕐᒧᑦ ᖃᓄᐃᓕᐅᕐᓃᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᓯᐅᕆ ᒋᐅᕼᐆᑦ - ᐃᑦᑕᖅ, ᐊᒻᒪᓗ ᑲᓚᑎᐅᓪ ᐊᐳᐊᕐᑕ - ᑲᓗᑖᓐ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2006ᒥᑦ 2010ᒧᑦ