ᐃᓄᐃᑦ ᐊᕐᓇᖏᑦ ᐊᒻᒪᓗ ᑭᓐᓇᐅᔭᒃᓵᖃᕋᓱᖕᓂᑦ: ᐃᓄᓕᕆᓂᖅ ᐊᒻᒪᓗ ᐊᕙᑎᐅᔪᖅ ᐊᓯᔾᔨᖅᓯᒪᓂᖅ

ᑐᕌᒐᖓᓕ ᐱᓕᕆᐊᖑᔪᑦ ᖃᐅᔨᓴᕐᓗᓂ ᐊᕐᓇᐃᑦ ᖃᓄᐃᓕᐅᓲᖏᓐᓂᑦ ᐊᑦᑐᐃᓂᓕᖕᓂᑦ ᐆᒪᔪᕋᓱᖕᓂᕐᒥ ᐊᒻᒪᓗ ᓂᕿᓕᕆᔾᔪᑎᓂᑦ ᐃᓄᒃᓯᐅᑎᓂᑦ ᐊᒻᒪᓗ ᑭᓱᒃᑯᑖᓂᑦ. ᖃᐅᔨᓴᕐᓂᕐᒥ ᐱᓕᕆᖃᑎᒌᑦ ᖃᐅᔨᓴᔪᕗᑦ ᐃᓄᓯᓕᕆᓂᒃᑯᑦ ᐊᑐᐃᓐᓇᖃᖃᑎᒋᓐᓂᒃᑯᑦ ᐊᒻᒪᓗ ᓄᐊᑦᑎᓂᒃᑯᑦ, ᐱᓕᕆᓂᒃᑯᑦ, ᑐᓐᓂᖅᓱᐃᓂᒃᑯᑦ, ᐊᒻᒪᓗ ᓂᕆᖃᑦᑕᕐᓂᖅ ᑭᓱᓂᑦ ᐊᒻᒪᓗ ᐱᔨᑦᑎᕋᕈᑎᓂᑦ (ᐱᖃᓯᐅᑎᓪᓗᒋᑦ ᐃᓄᐃᑦ ᓂᕿᓪᓚᕆᖏᑦ, ᑭᓱᒃᑯᑖᑦ, ᑭᓐᓇᐅᔭᖅ ᐊᒻᒪᓗ ᓂᐅᕕᕐᕕᑦᑎᒍᑦ ᓂᐅᕕᐊᕆᔭᒃᓵᑦ ᓂᖀᑦ) ᐊᒻᒪᓗ ᑕᑯᒋᐊᕐᓂᖃᖅᑐᑏᑦ ᖃᓄᖅ ᐃᓄᐃᑦ ᑕᑯᓐᓇᕐᓂᖏᓄᑦ ᑭᓐᓇᐅᔭᒃᓵᖃᕋᓱᖕᓂᕐᒧ ᐱᓕᕆᔾᔪᑎᑎᒍᑦ ᐊᓯᔾᔨᖅᓯᒪᓕᖅᑐᓄᑦ ᐊᕐᕌᒍᐃᑦ 50 ᐊᓂᒍᖅᓯᒪᓕᖅᑎᓪᓗᒋᑦ ᐊᒻᒪᓗ ᐅᓪᓗᒥᐅᔪᒃᑯᑦ ᐅᓗᕆᐊᓇᖅᑐᒦᒍᓐᓇᕐᓂᖓᑕ ᐊᐅᓚᓂᕆᔭᖓᓄᑦ. ᐱᓕᕆᐊᖅ ᐱᕕᖃᔪᕗᖅ ᕿᑭᖅᑕᕐᔪᐊᕐᒥ ᐊᒻᒪᓗ ᑲᖏᖅᑐᒑᐱᒻᒥ, ᐱᓕᕆᐊᖃᑦᐸᑦᑐᑏᑦ ᐊᐱᖅᓱᕐᓂᕐᒥ ᐊᕐᓇᐃᑦ ᓂᕆᓲᖏᓂᑦ, ᑭᓱᓂᑦ ᐊᒻᒪᓗ ᐱᔨᑦᑎᕋᕐᓂᕐᓂᑦ, ᐊᒻᒪᓗ ᑭᓇᒃᑯᓐᓂᑦ ᐊᑐᐃᓐᓇᖃᕐᑎᑦᑎᓱᖑᓂᖏᓄᓪᓗ ᑕᒃᑯᓂᖓ. ᐅᓂᒃᑳᑎᒍᑦ ᐅᐊᑦᑎᐊᕈᕐᓇᓴᐃᑦ ᐃᓐᓇᑐᖃᕐᓂᙵᖅᑐᑦ ᑎᑎᕋᖅᑕᐅᔪᒻᒥᔪᑦ ᖃᐅᔨᔾᔪᑎᐅᓇᓱᑦᑐᑎᑦ ᖃᓄᖅ ᐊᕐᓇᐃᑦ ᐃᓅᓯᖏᑦ ᐊᓯᔾᔨᖅᓯᒪᓕᕐᒪᖔᑕ ᓄᓇᓕᐅᔪᓄᑦ ᓅᓚᐅᖅᑎᓐᓇᒋᑦ ᐅᓪᓗᒥᐅᔪᖅ ᓄᓇᖃᕐᕕᐅᓕᖅᑐᓄᑦ ᐊᒻᒪᓗ ᖃᓄᖅ ᓄᓇᐅᔪᖅ ᐊᑐᖅᑕᐅᓂᕆᔭᖓᓂᑦ ᐊᔾᔨᒌᖏᑦᑐᑕᓂᑦ. ᑕᓐᓇ ᐱᓕᕆᐊᖅ ᐊᐅᓪᓚᖅᓯᒪᓂᕐᒥ ᐱᑕᖃᖅᑎᑦᑎᔪᒻᒥᔪᖅ, ᐊᕐᓇᐅᖃᑎᒌᓂᓪᓗ ᑲᑎᙵᑎᑦᑎᓪᓗᓂ ᑕᒪᒃᑮᓂᒃ ᓄᓇᓕᓐᓂᖔᖅᑐᓂᑦ ᐅᐱᙱᑎᑦᑎᓪᓗᓂᓗ ᐊᒻᒪᓗ ᓄᓂᕙᑦᑎᑦᑎᓗᓂ ᐸᐅᕐᖓᓂᑦ ᐱᕕᖃᔪᓪᓗᑎᓪᓗ ᐱᓇᓱᐊᕈᓯᐅᓪᓗᐊᖅᑐᒥᒃ ᓯᓚᑖᓂᑦᑎᐊᖅ ᑲᖏᖅᑐᒑᐱᐅᑉ. ᐊᐅᓪᓚᖅᓯᒪᓂᖅ ᐱᓕᕆᐊᒃᓴᑎᒍᑦ ᐃᓂᖃᖅᑎᑦᑎᔪᕗᖅ ᐊᕐᓇᐅᔪᓂᑦ ᐱᓕᕆᐊᖃᖅᑐᓂᑦ ᐱᓕᕆᐊᒥᓪᓗ ᐊᑐᐃᓐᓇᖃᑦᑎᐊᕐᓂᕐᒥ ᓇᓗᓇᐃᖅᓯᔾᔪᑎᐅᓪᓗᓂ ᐊᒻᒪᓗ ᓴᙱᔪᓕᖅᑎᑦᑎᒋᐊᕐᓂᕐᒥ ᐃᑲᔪᖅᓰᓂᒃᑯᑦ ᐱᓕᕆᓪᓗᐊᑕᓲᓂᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᒫᑕ ᑕᐅᔅᓖ - ᓚᐃᒃᕼᐄᐊᑦ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2008ᒥᑦ 2012ᒧᑦ