ᑲᖏᖅᑐᒐᐱᖕᒥ ᖃᐅᔨᒪᔮᕆᔭᕐᓂᑦ ᓄᓇᙳᐊᓕᐅᕐᓂᖅ

ᐅᑭᐊᒃᓵᖓᑕ 2015, ᐃᑦᑕᖅ ᓴᖅᑭᑦᑎᔪᕗᖅ ᖃᕋᓴᐅᔭᒃᑯᑎᒍᑦ ᓄᓇᙳᐊᓕᕆᔾᔪᑎᓕᖕᒥ ᐱᓕᕆᐊᒥᒃ ᖃᐅᔨᒪᔮᕆᔭᕐᓂᑦ ᑲᖏᖅᑐᒑᐱᐅᑉ ᐊᕙᑎᐊᒎᖅᑐᓂᑦ ᐊᑐᖅᑕᐅᓲᓂᑦ ᑐᕌᖓᓪᓗᐊᑕᖅᑐᓂᑦ ᐱᓕᕆᓂᖃᓲᓄᑦ. ᐱᒋᐊᖅᑎᓯᒪᓂᓕᖕᒥ ᑕᑯᒋᐊᕐᓯᒪᓂᕐᒥ ᐃᒪᕐᒥ ᐊᕙᑎᐅᔪᒥᑦ, ᐊᕐᕌᒍᐃᑦ ᐊᒡᒋᖅᑐᓄᑦ ᐊᑐᕐᓂᖃᕐᓂᐊᖅᑐᒥᑦ, ᐊᖅᑭᒃᓱᐃᓂᖃᕐᓂᐊᖅᐳᒍ ᖃᐅᔨᒪᔮᕆᔭᕐᓂᑦ ᐊᒻᒪᓗ ᐃᓚᓕᐅᔾᔨᓗᑕ ᓄᑖᓂᑦ ᐃᓚᓕᐅᑎᔭᒃᓴᓂᑦ ᑭᓱᒃᑯᑖᓂᙵᖅᑐᓂᑦ. ᓯᕗᓪᓕᐅᔾᔨᒋᐊᕋᔭᖅᐳᒍ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᐸᕐᓈᕆᓯᒪᓪᓗᑎᒍᑦ ᐊᑐᕐᓗᒍ ᓴᖅᑮᒋᐊᕐᓂᖃᕐᓗᑕ, ᑕᕐᕆᔭᒃᓴᓕᕆᔾᔪᑎᑎᒍᑦ, ᐊᒻᒪᓗ ᖃᕋᓴᐅᔭᒃᑯᑦ ᐊᖅᑭᒃᓱᕋᒃᓴᑎᒍᑦ ᓄᓇᙳᐊᓕᕆᔾᔪᑎᑎᒍᑦ. ᑕᑯᒃᓴᕈᖅᑎᑦᑎᒐᔭᖅᐳᒍ ᖃᐅᔨᒪᔭᑐᖃᖏᑕ ᐃᓐᓇᑐᖃᐃᑦ ᐊᒻᒪᓗ ᐆᒪᔪᕋᓱᑦᑎᐅᓲᓂᑦ ᐱᓕᕆᓂᖃᓪᓗᐊᑕᓲᓂᑦ ᓄᓇᓕᖕᓂ ᐊᔾᔨᓕᐅᕆᔨᐅᓲᓂᑦ ᐊᒻᒪᓗ ᑕᕐᕆᔮᒃᓴᓕᐅᕆᓲᓂᑦ, ᑎᑎᕋᖅᐸᓪᓕᐊᓗᑕᓗ ᖃᐅᔨᒪᔮᕆᔭᕐᓂᑦ ᐃᒪᕐᒨᖓᔪᓂᑦ, ᓯᑯᒨᖓᔪᓂᑦ, ᐊᒻᒪᓗ ᓄᓇᒨᖓᔪᓂᑦ. ᐱᓕᕆᖃᑎᖃᕋᔭᕐᒥᔪᒍᑦ ᓄᓇᓕᖕᓂ ᖃᐅᔨᒪᔨᒻᒪᕆᓂᑦ ᑕᑯᒋᐊᕐᓂᖅᑎᒍᑦ ᐅᐸᒃᑕᐅᓪᓗᐊᑕᓲᑦ ᖃᓄᐃᑦᑑᓂᖏᓂᑦ, ᑎᑎᕋᕐᓗᑕᓗ ᐅᓂᒃᑳᓂᑦ ᓄᓇᐅᑉ ᐊᑎᖅᑎᒎᖅᑐᓂᑦ, ᓴᖅᑮᓗᑕᓗ ᐃᓕᓐᓂᐊᕋᒃᓴᓂᑦ ᑭᓱᒃᑯᑖᖑᔪᓂᑦ ᒥᒃᓴᓅᖓᔪᓂᑦ ᓂᕐᔪᑏᑦ, ᐊᒻᒪᓗ ᐊᓯᒃᑲᓐᓂᖏᑦ. ᑕᑯᒋᐊᖃᑦᑕᖅᓯᐅᑉ ᖃᕋᓴᐅᔭᒃᑯᑦ ᑐᒃᑕᕐᕕᕗᑦ ᐃᓕᒃᑲᓐᓂᓛᕋᕕᒃ ᑕᒃᓱᒪ ᒥᒃᓴᓅᖓᔪᓂᑦ ᐱᓕᕆᐊᖑᔪᖅ ᓄᑖᖑᓪᓗᓂ ᐱᓕᕆᐊᒍᕙᓪᓕᐊᑎᓪᓗᒍ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᐅᓛᕗᑦ ᑲᐅᑐᖅ ᐊᒻᒪᓗ ᓯᐅᕆ ᒋᐅᕼᐆᑦ - ᐃᑦᑕᖅ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2015ᒥᑦ ᐊᒻᒪᓗ ᑲᔪᓯᕙᓪᓕᐊᖏᓇᖅᑐᖅ