ᒥᒃᓵᓄᖓᔪᒃ

ᐃᑦᑕᖅ ᐱᒋᐊᖅᑎᑕᐅᓂᒃᑰᔪᖅ 2005ᖑᑎᓪᓗᒍ ᐱᓕᕆᖃᑎᒌᓄᑦ ᑲᖏᖅᑐᒑᐱᖕᒥᐅᑕᓄᑦ ᖁᕙᓯᓕᖅᓯᒪᖕᒪᕆᑦᑐᒥᑦ ᖃᐅᔨᓴᕐᓂᕐᒥ ᖃᓄᐃᓕᐅᕐᓂᐅᔪᓂᑦ ᓄᓇᕗᒻᒥ - ᖃᐅᔨᓴᕐᓃᑦ ᓄᓇᓕᖕᓂ ᐅᖃᖃᖏᓐᓂᒥᓂᑦ, ᐱᖃᓯᐅᑎᓪᓗᒋᑦ ᓄᓇᓕᖕᓂᒥᐅᑖᑦ ᐅᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᑦ, ᐅᕙᓘᓐᓃᑦ ᑐᑭᓯᐅᒪᓂᖅ ᓄᓇᓕᐅᑉ ᐱᔪᒪᔭᖏᓐᓂᑦ. ᐱᓕᕆᖃᑎᒌᑦ ᓄᓇᓕᖕᒥ ᓴᙱᓂᖅᓴᒥᒃ ᐱᓕᕆᓂᖃᕈᒪᔪᒻᒪᑕ ᖃᐅᔨᓴᕐᓂᕐᒥ ᖃᓄᐃᓕᐅᕐᓂᐅᔪᓂᑦ ᐊᒻᒪᓗ ᖃᐅᔨᓴᕐᓂᕐᒥ ᓯᕗᓕᖅᑎᐅᓂᕐᒥ. ᐊᖏᖃᑎᒌᔪᒻᒪᑕ ᑲᖏᖅᑐᒑᐱᒃ ᐱᑕᖃᑦᑎᐊᕐᓂᖓᓄᑦ ᑭᓱᒃᑯᑖᓂᑦ ᐊᒻᒪᓗ ᐱᓕᕆᓂᕐᓃᑦ ᐊᑐᐃᓐᓇᐅᔪᓐᓇᖅᑐᓂᑦ ᐳᓚᕆᐊᖅᓯᒪᔪᓄᑦ ᖃᐅᔨᓴᕐᓂᕐᒥ ᐱᓕᕆᐊᓕᖕᓄᑦ, ᑕᐃᒫᖑᓂᖓᓄᑦ ᑲᖏᖅᑐᒑᐱᖕᒥᐅᑖᑦ ᐃᒫᖑᔪᓐᓇᕐᓗᑏᑦ ᐊᒻᒪᓗ ᓯᕗᓕᖅᑎᐅᔪᓐᓇᕐᓗᑏᑦ ᓇᖕᒥᓂᖅ ᖃᐅᔨᓴᕐᓂᕐᒧ ᐱᓕᕆᐊᖏᓐᓂᑦ, ᐊᒻᒪᓗ ᖃᐅᔨᓴᕐᓂᕐᒧ ᐊᒻᒪ ᐃᑦᑕᕐᓂᓴᓕᕆᓂᕐᒧ ᐱᓕᕆᕕᒃ ᓄᑖᖑᓪᓗᓂ ᓄᓇᓕᖕᓂ ᑭᓐᓇᐅᔭᒃᓵᖃᕋᓱᖕᓂᕐᒥ ᐱᓕᕆᐊᖅᑎᒎᖅᑐᓂᑦ.  

ᑕᐃᒫᙵᓂᑦ, ᐃᑦᑕᖅ ᐱᕈᖅᓯᒪᓕᖅᐳᖅ. ᐱᓕᕆᖃᑎᖃᖅᓯᒪᓕᖅᐳᒍ ᐊᒥᓱᓂᑦ ᓄᓇᓕᖕᒥᐅᑕᓂᑦ ᐊᒻᒪᓗ ᐳᓚᕆᐊᖅᓯᒪᔪᓂᑦ ᖃᐅᔨᓴᕐᑎᓂᑦ ᐱᓕᕆᐊᖃᕆᐊᖅᑐᖅᑐᓂᑦ. ᐃᑲᔪᖅᓰᓯᒪᕗᒍᓪᓗ ᐊᒥᓲᔪᓂᑦ ᐃᑦᑕᕐᓂᓴᓕᕆᓂᕐᒥ ᐱᓕᕆᐊᓂᑦ ᓄᓇᓕᑦᑎᒎᖅᑐᓂᑦ, ᐱᓗᐊᖅᑐᒥᒃ ᑕᕐᕆᔮᒃᓴᓕᕆᓂᒃᑰᖅᑐᓂᑦ ᐱᓕᕆᐊᑦᑎᖕᓂᑦ, ᐱᓕᕆᐊᖑᓪᓗᓂᓗ ᐊᐅᓚᑦᑎᐊᓛᖑᓪᓗᓂ ᐊᕐᕌᒎᔪᓂᑦ ᕿᒪᒃᓯᒪᓕᖅᑕᑦᑎᖕᓂᑦ. ᐃᑲᔪᖅᓰᖃᑦᑕᖅᓯᒪᒋᕗᒍᑦ ᓄᓇᓕᑦᑎᖕᓂ ᐱᓕᕆᒋᐊᓕᖅᑎᑦᑎᓂᕐᒥ ᐃᑲᔪᖅᓰᓂᓕᖕᓂ ᒪᒃᑯᑦᑐᓂᑦ, ᖃᐅᔨᒪᔭᑐᖃᕆᔭᑦᑎᖕᓂᓪᓗ ᑎᒍᓯᔾᔪᑎᒋᓪᓗᑎᒍ, ᖃᐅᔨᓴᖅᑐᑎᒍᓪᓗ ᐊᕙᑎᒋᔭᕗᑦ, ᐊᒻᒪᓗ ᐊᑐᓕᖅᑎᑦᑎᖔᖅᑐᑕ ᐃᓕᖅᑯᓯᑦᑎᖕᓂᑦ, ᐅᖃᐅᓯᑦᑎᖕᓂᑦ, ᐊᒻᒪᓗ ᐱᔪᓐᓇᐅᑎᑦᑎᖕᓂᑦ. ᐱᓕᕆᔪᒪᓂᖃᖅᐳᒍ ᑭᓱᒃᑯᑖᑎᒍᑦ ᐊᑐᐃᓐᓇᐅᔪᒪᓪᓗᑕ ᓄᓇᓕᒋᔭᑦᑎᖕᓄᑦ ᐊᒻᒪᓗ ᐊᓯᖏᓐᓄᑦ ᓄᓇᕗᒻᒥᑦᑐᓄᑦ ᓄᓇᓕᖕᓄᑦ ᓴᖅᑮᓂᕐᒥ ᐱᓕᕆᓂᓪᓚᕆᓂᑦ ᐊᒻᒪᓗ ᐊᑐᐃᓐᓇᕈᐃᓂᕐᒥ ᐊᔾᔨᒌᖏᑦᑐᑕᓂᑦ ᑐᑭᓯᒋᐊᕈᑎᓂᑦ, ᖃᐅᔨᒪᔭᑐᖃᕐᓂᑦ, ᖃᐅᔨᓴᕐᓂᕐᒥ, ᐃᓕᓐᓂᐊᕐᓂᒃᑰᖅᑐᓂᑦ ᐱᓕᕆᐊᓂᑦ, ᐊᒻᒪᓗ ᐊᓯᖏᓐᓂᑦ ᑭᓱᒃᑯᑖᖑᔪᓂᑦ.

ᑲᑎᒪᔨᕋᓛᓂᑦ 8ᓂᑦ ᓄᓇᓕᖕᓂᒥᐅᑕᓂᑦ ᑲᑎᒪᔨᕋᓛᖃᖅᐳᒍ ᐱᖃᓯᐅᔾᔨᓯᒪᔪᓂᑦ ᑭᒡᒐᖅᑐᐃᔪᓂᑦ ᕼᐋᒻᒪᓚᒃᑯᑦ ᑲᑎᒪᔨᖏᓐᓂᑦ ᐊᒻᒪᓗ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓂᑦ, ᐃᑲᔪᖅᐸᑦᑐᑏᓪᓗ ᑐᕋᕆᐊᓕᑦᑎᒎᖅᑐᓂᑦ ᐃᑦᑕᒃᑯᓂᑦ. ᐃᑦᑕᖅ ᐅᓂᒃᑳᓕᐅᓯᐅᖑᒻᒥᔪᖅ ᐃᓕᓴᖅᓯᕕᒃᑯᑦ ᑲᑎᒪᔨᖏᓄᑦ ᐊᒻᒪᓗ ᑲᑎᒪᔨᕋᓛᑦ ᕿᒥᕐᕈᓂᖃᓲᑦ ᐊᒻᒪᓗ ᐅᖃᐅᓯᒃᓴᖅᑖᓂᓪᓗ ᑐᓂᓯᐅᖅᑲᐃᓲᑦ ᓄᓇᕗᒻᒥ ᖃᐅᔨᓴᕐᓂᕐᒧ ᐱᓕᕆᕕᖓᓄᑦ ᖃᐅᔨᓴᕐᓂᕐᒥ ᓚᐃᓴᑖᕋᓱᑦᑐᓄᑦ ᐱᓇᓲᑎᓄᑦ ᑐᓂᔭᒥᓂᕐᓄᑦ ᓄᓇᓕᖕᓄᑦ.

ITTAQ staff

Ittaq Committee and Staff, from left:
Aisa Piungituq, Jerry Natanine, Apiusie Apak, Shari Gearheard, Tina Kuniliusie, Atakaalik Palluq, Peter Paneak, Mike Jaypoody, and Robert Kautuk. Robert Kautuk, Ittaq staff and photographer, captured this shot with his drone.