ᐱᕙᓪᓕᐊᔪᑦ

1 ᓄᕕᐱᕆ 2015

ᐃᑦᑕᖅ ᖁᕕᐊᓲᑎᖃᖅᐳᖅ ᓄᑖᓂᑦ ᑭᓐᓇᐅᔭᓂᑦ ᑐᓂᕐᕈᓯᐊᓚᐅᕐᓂᖏᓄᑦ Tides    Canada-ᑯᓐᓂᑦ ᐃᑲᔪᖅᓰᔾᔪᑎᒃᓴᓄᑦ ᖃᐅᔨᓴᕐᓂᒥ ᑲᖏᖅᑐᒑᐱᐅᑉ ᐃᒪᖓᑕ ᐊᕙᑎᖓᓂᑦ. ᑭᓐᓇᐅᔭᑦ ᐃᑲᔪᖅᓰᒐᔭᖅᐳᑦ ᐃᑦᑕᖅ ᓯᕗᓕᖅᑎᐅᓗᓂᒃ ᐱᓕᕆᐊᒥᒃ ᑲᑐᔾᔨᖃᑎᒌᑎᑦᑎᒐᔭᖅᑐᒥᑦ ᐃᓐᓇᑐᖃᕐᓂᑦ, ᐆᒪᔪᕋᓱᑦᑎᓂᑦ, ᒪᒃᑯᑦᑐᓂᑦ, ᐊᒻᒪᓗ ᓄᓇᓕᖕᓂ ᐊᔾᔨᓕᐅᕆᔨᓂᑦ ᐊᒻᒪᓗ ᑕᕐᕆᔭᒃᓴᓕᐅᖅᑎᓂᑦ. ᐱᓕᕆᐊᖅ ᐃᓗᓕᖃᐅᕋᔭᖅᑐᖅ, ᐱᖃᓯᐅᑎᓗᒋᑦ ᑎᑎᕋᕐᓂᖅ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᐃᒪᕐᒥ ᓯᑯᒥᓪᓗ ᑐᕌᖓᔪᓂᑦ, ᐱᖃᓯᐅᑎᒻᒥᓗᒋᓪᓗ ᐃᓕᖅᑯᓯᑐᖃᕗᑦ ᐊᒻᒪᓗ ᐃᑦᑕᕐᓂᓴᓕᕆᔾᔪᑎᕗᑦ ᐊᑦᑐᐊᓂᓖᑦ ᐊᕙᑎᒋᔭᑦᑎᖕᓂᒃ. ᐱᓕᕆᖃᑎᖃᕋᔭᖅᐳᒍ ᐱᓕᕆᐊᒥᒃ ᓄᓇᓕᐅᑉ ᓯᕗᓕᖅᑎᖏᓂᑦ, ᖃᐅᔨᓴᖅᑎᖏᓂᑦ ᐊᒻᒪᓗ ᐊᓯᖏᓂᑦ. ᑲᖏᖅᑐᒑᐱᖕᒥ ᖃᐅᔨᒪᔮᕆᔭᑐᖃᕐᓄᑦ ᓄᓇᙳᐊᖅ ᐃᑲᔫᑎᒋᒐᔭᖅᑕᕗ ᐋᖅᑭᒃᓱᐃᔾᔪᑎᒋᓗᑎᒍ ᐊᒻᒪᓗ ᖃᐅᔨᒪᔭᑐᖃᓂᑦ ᐅᖃᖃᑎᒌᒍᑎᒋᓗᑎᒍᑦ ᑕᕙᙶᖅᑐᓂᑦ ᓄᑖᒥᒃ ᐱᓕᕆᐊᖑᓛᖅᑐᒥᒃ.

1 ᓄᕕᐱᕆ 2014

ᐃᑦᑕᖅ ᐃᖅᑲᓇᐃᔭᖅᑎᖓ ᐊᒻᒪᓗ ᑕᕐᕆᔮᒃᓴᓕᐅᖅᑎ ᒪᐃᒃ ᔭᐃᐴᑎ ᖁᑦᑎᓛᖓᑕ ᓴᓚᒃᓴᐅᓯᐊᕆᓲᖓᓂ 2014 ᔭᓗᓇᕖᒥ ᑕᕐᕆᔮᒃᓴᓕᕆᓂᕐᒥ ᑲᑎᙵᓂᖃᖅᑎᓪᓗᒋᑦ ᐊᖅᑭᒃᓱᓚᐅᖅᑕᒥᓄᒃ ᑑᓂ, ᐅᑎᕐᓂᖅ ᐊᓂᕐᓂᕐᓘᔪᒥ ᓴᓚᒃᓴᓚᐅᕐᓂᖓᓄ ᑕᕐᕆᔮᒃᓴᓕᐊᕋᓛᒥᓂᕐᓄᑦ ᑐᕌᖅᑐᓄᑦ. ᐅᐱᒍᓱᑦᑎᐊᖅᑕᕗ ᒪᐃᒃ, ᐊᒻᒪᓗ ᐱᖃᓯᐅᑎᓗᒍᒃ ᑑᓂ ᑲᓪᓗᒃ, ᐅᓂᒃᑳᖓ ᑕᕐᕆᔮᒃᓴᓕᐊᖑᓚᐅᕐᓂᖓᓄᑦ. ᑑᓂ ᐅᖃᓪᓚᐅᔾᔨᔨᐅᔪᖅ ᐃᓕᓴᖅᓯᕕᖕᒥ ᑲᖏᖅᑐᒑᐱᖕᒥ. ᐅᖃᓕᒫᒃᑲᓂᕆᑦ ᑕᕐᕆᔮᒃᓴᐅᑉ ᒥᒃᓵᓄᖓᔪᓂᑦ ᐊᒻᒪᓗ ᓴᓚᒃᓴᐅᓯᐅᖓᓱᑦ ᒥᒃᓵᓄᑦ ᐅᕗᙵᕐᓗᑎᑦ ᖃᕆᓴᐅᔭᒃᑯᑦ ᑐᒃᑕᕐᕕᐅᔫᓐᓂᒃ:  www.nunatsiaqonline.ca ᐊᒻᒪᓗ ᑑᓂ, ᐅᑎᕐᓂᖅ ᐊᓂᕐᓂᕐᓘᔪᒥ..