ᕿᒥᕐᕈᐊᕐᓂᖅ ᐃᓂᒋᔭᖓᑕ ᐃᒐᓕᖅᑑᖅ ᐊᓯᐅᔾᔭᐃᖅᑕᐅᕕᖓᑕ

ᐱᔾᔪᑎᒋᔭᖓᓕ ᖃᐅᔨᓴᕐᓂᐅᑉ ᐱᓕᕆᐊᖑᔪᑦ ᐅᐊᑦᑎᐊᕈᓂᑦ ᐃᒐᓕᖅᑑᖅ ᐊᓯᐅᔨᕕᐅᑦᑕᐃᓕᒪᔪᒪᓪᓗᓂ. ᐊᐱᖅᓱᕐᓃᑦ ᐊᑐᖅᑕᐅᔪᕗᑦ ᑭᒡᒐᖅᑐᐃᔪᓂᑦ ᐊᔾᔨᒌᖏᑦᑐᑕᓂᑦ ᓄᓇᓕᓐᓂᖔᖅᑐᓂᑦ, ᓄᓇᕗᒻᒥᖔᖅᑐᓂᑦ, ᐊᒻᒪᓗ ᑲᓇᑕᓕᒫᒃᑯᖓᔪᓂᑦ. ᑕᑯᒋᐊᙳᐊᕈᑎᒃᓴᑦ ᐱᖃᓯᐅᔾᔨᓯᒪᕗᑦ ᐃᒐᓕᖅᑑᖅ ᑲᑎᒪᔨᕋᓛᖏᑎᒍᑦ, ᑲᓇᑕᒥᒃ ᐊᓯᐅᔾᔭᖅᑎᑦᑎᔨᑦ ᑲᑐᔾᔨᖃᑎᒌᖏᒍᑦ, ᒥᙳᐃᖅᓯᕐᕕᓕᕆᔨᒃᑯᑦ ᑲᓇᑕᒥ, ᐊᒻᒪᓗ ᑲᓇᑕᒥ ᐆᒪᔪᓕᕆᓂᕐᒥ ᐱᔨᑦᑎᕋᖅᑎᒃᑯᓄᑦ. ᑎᑎᕋᖅᑕᐅᓯᒪᓂᑦ ᑐᕌᖓᓂᓖᑦ ᐅᐊᑦᑎᐊᕈᕐᓇᓴᐄᑦ ᐊᒻᒪᓗ ᓇᓗᓇᐃᖅᓯᒪᐅᖅᑐᑦ ᐅᐱᒍᓱᓐᓇᖅᑐᑦ, ᐊᐳᕈᑎᐅᔪᑦ, ᐊᒻᒪᓗ ᐊᑐᖅᑕᐅᔪᒥᓂᕐᓂᑦ ᐱᓕᕆᓂᖃᕐᑎᓪᓗᒋᑦ ᐊᓯᐅᔾᔭᐃᖅᓯᓂᕐᒥ ᐊᒻᒪᓗ ᐊᕙᑎᒃᑯᖓᔪᒥᑦ ᒐᕙᒪᓕᕆᓂᖃᖅᑐᒥᒃ.

ᐱᓕᕆᐊᖑᔪᒥᓃᑦ ᑕᒃᑯᓄᖓ ᐊᓯᐅᔾᔭᐃᖅᓯᓇᓱᑦᑐᓄᑦ ᓴᖅᑭᑦᑐᒥᓃᑦ ᐊᑐᖅᑕᐅᓪᓗᓂ ᑲᓇᑕᓕᒫᒥᑦ ᐆᒪᔪᐃᑦ ᐃᓂᖃᕐᕕᖏᑕ ᓇᒦᓐᓂᖏᒍᑦ ᐊᒻᒪᓗ ᓴᐳᒻᒥᔭᐅᕕᓕᑦᑎᒍᑦ ᑐᒃᓯᕋᐅᑎᖓᒍᑦ ᐃᒐᓕᖅᑑᖅ ᐃᓂᖃᕐᕕᖓᓂᑦ 1990ᐅᑉ ᐊᕐᕌᒍᖏᓐᓂᑦ. ᑕᐃᒃᓱᒪᓂᐅᑎᓪᓗᒍ, ᐊᔩᖃᑎᒋᓂᖅ ᐱᒋᐊᔪᕗᖅ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐱᕙᓪᓕᕈᑏᑦ ᐊᖏᕈᑎᖓᓂ. ᐊᔨᖃᑎᒋᑦᑎᓪᓗᒋ ᓴᖅᑭᑦᑐᖃᔪᕗᖅ ᐊᓯᐅᔾᔭᐃᖅᓯᖁᔨᓂᕐᒥ, ᖃᐅᔨᓴᕐᓂᕐᒥ ᐊᒻᒪᓗ ᐃᓕᓐᓂᐊᒐᒃᓴᓕᐅᕐᓂᕐᒥ, ᐊᒻᒪᓗ ᑭᓐᓇᐅᔭᒃᓵᖃᕐᕕᖃᕋᓱᖕᓂᕐᒥ. ᑕᒃᑯᐊ ᓴᖅᑭᓚᐅᖅᑐᑦ ᑐᕋᒐᒃᑯᖅᑐᒥᓂᑦ ᐊᓯᐅᔾᔭᐃᖅᓯᖁᔨᓂᖅ ᐱᓪᓗᒍ. ᖃᐅᔨᓴᕈᑎᒥᓃᑦ ᑕᑯᓪᓗᒋᑦ ᐊᔩᖃᑎᖃᕐᓂᖅ ᓂᖏᖓᓂᖅ ᑲᓇᑕᓕᒫᒧᖓᔪᖅ ᐆᒪᔪᕐᓄᑦ ᐃᓂᖃᕐᕕᖕᓄᑦ ᓴᖅᑭᑕᐅᔪᕗᖅ ᒪᓕᑦᑕᐅᖁᔭᐅᓪᓗᓂ ᓄᓇᕗᒻᒥ ᑭᖑᓪᓕᖅᐹᒥᒃ ᐊᖏᕈᑎᖓᒍᑦ ᓴᖅᑭᑕᐅᓇᓱᑦᑐᓪᓗ ᐊᑯᓂᐊᓗᒃ ᐱᕕᖃᔪᓪᓗᑎᑦ, ᐊᒻᒪᓗ ᑕᐃᒃᓱᒪᓂᐅᑎᓪᓗᒍ ᓯᕗᓪᓕᐅᔨᖁᔨᓂᖅ ᓴᖅᑭᑕᐅᔪᒻᒪ ᑲᓇᑕᓕᒫᒧᖓᔪᖅ ᐆᒪᔪᕐᓄᑦ ᐃᓂᖃᕐᕕᑦ ᑐᑭᓯᐅᒪᓂᖃᑦᑎᐊᖅᑐᒥ ᐊᓯᐅᔾᔭᐃᖅᓯᓂᒃᑯᑦ ᒪᓕᑦᑐᒥ. ᑕᐃᒫᖑᔪᕗᖅ ᓱᖃᐃᒻᒪ ᒪᓕᒐᖅᑎᒍᑦ ᓴᐳᒻᒥᔭᐅᓯᒪᓃᑦ ᓱᕐᓗ ᑲᓇᑕᓕᒫᒧᖓᔪᖅ ᐆᒪᔪᕐᓄᑦ ᐃᓂᖃᕐᕖᑦ, ᑐᒃᓯᕋᖑᔪᒥᓂᖅ ᐊᑐᐃᓐᓇᐅᓚᐅᖏᒻᒪ ᓴᖅᑭᑕᐅᓇᓱᑦᑐᓂ. ᐊᔩᖃᑎᒋᔾᔪᑎᐅᓯᒪᑎᓪᓗᒍ ᐊᒻᒪᓗ ᑭᖑᓪᓕᖅᐸᕈᓯᕐᒧᖅᑕᐅᑎᓪᓗᒍ, ᐃᓱᒪᒋᔭᑦ ᖃᓄᖅ ᐊᓯᐅᔾᔭᐃᓯᒪᕕᑦ ᐊᓯᔾᔨᖅᓯᒪᓱᖑᓂᖏᓄᑦ ᓄᓇᕐᔪᐊᓕᒪᖅ ᐊᒻᒪᓗ ᑲᓇᑕᓕᒫᖅ ᒪᓕᑦᑐᒍ. ᓇᒥᓐᓂᕆᔭᖏᑕ ᐊᓯᐅᔾᔭᐃᖅᓯᒪᕕᑦ ᑲᓇᑕᒥ ᒪᓐᓇᐅᔪᖅ ᖃᓂᒋᑦᑐᒥᒃ ᐱᓕᕆᓂᒃᑯᑦ ᓴᖅᑭᔭᓯᐅᖑᓕᖅᑐᖅ ᓄᓇᓕᑦᑎᒍᖅᑐᓂᑦ ᓴᖅᑭᖁᔭᕐᓂᑦ ᐊᒻᒪᓗ ᐊᐅᓚᑦᑎᔾᔪᑎᒋᔭᕐᓂᑦ. ᓴᖅᑭᑕᐅᓯᒪᓕᖅᐸᑦ, ᑲᓇᑕᓕᒫᒧᑦ ᐱᓕᕆᔾᔪᑎᒥᒃ ᓴᖅᑮᒐᔭᖅᐳᑦ. ᖃᐅᔨᒪᓇᖏᓚᖅ ᑲᖏᖅᑐᒑᐱᒃ ᐅᓪᓗᒥᐅᔪᖅ ᐊᓯᐅᔾᔭᐃᓯᒪᓂᕐᒥ ᐱᑕᖃᖁᔨᖕᒪᖔᑕ; ᑕᐃᒫᖑᒐᓗᐊᖅᑎᓪᓗᒍ, ᐊᐱᖅᓱᕐᓃᑦ, ᒪᓕᑦᑕᐅᔭᕆᐊᓕᑦᑎᒍᑦ ᑎᑎᕋᖅᓯᒪᓃᑦ, ᐊᒻᒪᓗ ᐃᓕᓐᓂᐊᖅᑎᑎᒍᑦ ᖃᐅᔨᓴᕐᓃᑦ ᐊᑐᖅᑕᐅᓪᓗᐊᑕᓲᑦ ᐊᓯᐅᔾᔭᐃᖅᓯᓂᕐᒥ ᐱᓕᕆᔪᖃᖅᑎᓪᓗᒍ ᐱᖃᓯᐅᔾᔨᓯᒪᒋᐊᓖᑦ: ᐱᔪᓐᓇᕐᓂᕐᒥ ᐊᒻᒪᓗ ᑐᑭᓯᓇᖅᑑᔪᓂᑦ ᐊᑐᐃᓐᓇᖃᕐᓂᕐᒥ, ᑭᓐᓇᐅᔭᓕᕆᓂᕐᒥ ᐊᒻᒪᓗ ᐃᓄᓕᕆᓂᕐᒧ ᑐᕌᖅᑐᓂᑦ, ᐊᑐᕈᑎᖃᑦᑎᐊᕐᓂᕐᒥ ᐊᒻᒪᓗ ᐊᐅᓚᓂᖃᑦᑎᐊᖅᑑᔪᒥ, ᐊᒻᒪᓗ ᐊᑦᑐᐃᓂᕆᓲᖏᓄᑦ ᐊᔾᔨᒌᖏᑦᑐᑕᓄᑦ ᐱᓕᕆᕕᓕᖕᓄᑦ ᒪᓕᑦᑎᐊᕋᓗᐊᕐᒪᖓᖅ ᐊᑐᖅᑕᐅᖁᔭᕐᓂᑦ: ᑕᐃᒫᖑᓂᖓᓄᑦ, ᐃᓕᓐᓂᐊᕈᑎᒋᓕᕐᓗᒍ ᐊᓯᐅᔾᔭᐃᖅᓯᓂᕐᒥ, ᑭᓐᓇᐅᔭᒃᓴᔾᔪᑎᖃᑦᑎᐊᖅᑐᒥ ᐱᕙᓪᓖᓂᕐᒥ, ᐊᒻᒪᓗ ᖃᐅᔨᓴᕐᓂᕐᒥ ᐊᒻᒪᓗ ᐃᓕᓐᓂᐊᕐᓂᕐᒥ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᔮᓐ ᑯᐅᓐ, ᒧᐊᕇᓐ ᐅᕇᑦ - ᓯᓚᑦᑐᖅᓴᕐᕕᔪᐊᖓ ᓯᑲᑦᓲᖓᐊᓐ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2009ᒥᑦ 2011ᒧᑦ