ᖃᖓᑦᑕᖅᑎᑕᐅᓯᒪᔪᓄᑦ ᖃᐅᔨᓴᕐᓂᖅ ᑲᓇᑕᒥ: ᓄᓇᕐᔪᐊᓕᒫᒧᖓᔪᖅ ᓯᓚᐃᓐᓇᕐᒥ ᖃᐅᔨᓴᕐᓂᖅ

ᖃᖓᑦᑕᖅᑎᑕᐅᓯᒪᔪᑎᒍᑦ ᖃᐅᔨᓴᕐᓂᖅ ᓄᓇᕐᔪᐊᓕᒫᒧᖓᔪᓪᓗᓂ ᖃᐅᔨᓴᐅᑏᑦ ᖃᐅᔨᓇᓱᑎᑦ ᓯᓚᕐᔪᐊᑉ ᐊᕙᑎᒋᔭᖓᓂᑦ. ᑲᓇᑕᐅᑉ ᐱᖃᑕᐅᓂᖓ ᓄᓇᕐᔪᐊᓕᒫᒧᖓᔪᖅ ᐱᓕᕆᖃᑎᖃᕐᓂᒃᑯᑦ ᑲᓇᑕᒥ ᐱᓕᕆᕕᓖᑦ ᐅᑯᓇᓃᑦᑐᓂᑦ: ᓴᒃᑲᑑᓐ, SK; ᑲᖏᖅᑐᒑᐱᒃ, NU; ᐳᕇᓐ ᔪᐋᔾ, BC; ᑲᖏᖅᖠᓂᖅ, NU; ᐊᒻᒪᓗ ᐃᓅᕕᒃ, NWT. ᓯᓚᐃᓐᓇᕐᒥ ᖃᐅᔨᓴᕐᓂᖅ ᑲᓇᑕᒥ ᐱᓕᕆᓂᖃᓲᖅ ᑐᑭᓯᐅᒪᔾᔭᐅᓇᓱᑦᑐᓂ ᓯᓚᐃᓐᓇᖅᑎᒍᑦ ᐊᓄᕆᐅᑉ ᐊᑦᑐᐃᓲᖑᓂᖓᓂ ᐊᐅᓚᓂᕆᓲᖏᓐᓂᑦ ᐸᓚᐃᙳᐊᖅᑎᒍᑦ, ᐊᐅᒻᒪᖁᑎᖃᕐᕕᓄᑦ, ᐊᒻᒪᓗ ᖃᐅᔨᓇᓲᑎᑎᒍᑦ ᐱᓕᕆᔾᔪᑎᑎᒍᑦ ᓄᓇᕐᔪᐊᓕᒫᒥᑦ. ᑎᑎᕋᖅᓯᒪᓂᖏᑦ ᓯᓚᐃᓐᓇᕐᒥ ᖃᐅᔨᓴᐅᑏᑦ ᑐᑭᓯᓇᖅᓯᑎᑦᑎᓲᖅ ᓯᓚᐃᓐᓇᐅᑉ ᓯᓚᒋᔭᖓᓂᑦ ᐊᒻᒪᓗ ᓴᖅᑭᒃᓯᒪᑲᐃᓐᓇᕈᓐᓇᖅᑐᓂᑦ ᓯᓚᐃᓐᓇᖅᑎᒍᑦ ᖃᓄᐃᔾᔪᓯᐅᔪᓂᑦ, ᓱᕐᓗᖃᐃ ᓂᐱᖅᑲᓇᔭᖅᑐᓂ ᐊᓄᕆᒃ ᐊᑦᑐᐃᓚᐅᖅᓯᒪᔪᖅ 1989ᖑᑎᓪᓗᒍ ᑯᐱᐊᒃᒥᓪᓗ ᖃᒥᔾᔪᑕᐅᒻᒪᕆᑦᑐᓂ. ᓯᓚᐃᓐᓇᕐᒥ ᖃᐅᔨᓴᕐᓂᖅ ᑲᓇᑕᒥ ᐊᑐᐃᓐᓇᕈᐃᓯᐅᖑᒻᒥᔪᖅ ᐃᑲᔪᖅᓯᔪᒥᒃ ᑲᓇᑕᒥ ᐊᒻᒪᓗ ᓄᓇᕐᔪᐊᓕᒫᒥᑦ ᓯᓚᐃᓐᓇᕐᒥᒃ ᐱᓕᕆᓂᐅᔪᓂᑦ. ᓄᓇᕐᔪᐊᓕᒫᒥ ᓯᕗᓕᖅᑎᐅᖃᑕᐅᓂᖓ ᐱᓪᓗᒍ ᐸᓚᐃᙳᐊᖅᑎᒍᑦ ᓯᓚᒥᒃ ᖃᐅᔨᓴᕐᓂᕐᒥ, ᓯᓚᐃᓐᓇᕐᒥ ᖃᐅᔨᓴᕐᓃᑦ ᐃᒪᐃᓕᐅᕋᔭᕐᒥᔪᖅ: ᐊᑐᐃᓐᓇᕈᖅᓯᒪᓂᖅ ᓯᓚᐃᓐᓇᕐᒥ ᖃᐅᔨᓴᕐᓂᖅ ᐱᓕᕆᔾᔪᑎᑎᒍᑦ ᐅᒃᐱᕐᓇᖅᑑᑦᑎᐊᕐᓗᓂ ᐱᓕᕆᖃᑎᒌᓄᑦ ᐱᓕᕆᕕᑦᑎᒎᖅᑐᓂᑦ, ᖃᐅᔨᓴᕐᓂᒃᑯᖅᑐᓂᑦ, ᖃᕋᓴᐃᔭᑦᑎᒍᑦ ᐱᓕᕆᔾᔪᑎᑎᒎᖅᑐᓂᑦ ᐊᒻᒪᓗ ᒐᕙᒪᓕᕆᓂᖅ; ᐊᐅᓚᑦᑎᓂᖅ ᓄᑖᓂᑦ ᐱᓕᕆᔾᔪᑎᓂᑦ ᓯᓚᐃᓐᓇᕐᒥ ᖃᐅᔨᓴᕈᑎᐅᓲᓂᑦ; ᐊᒻᒪᓗ ᓯᓚᐃᓐᓇᕐᒥ ᖃᐅᔨᓴᕐᓂᕐᒥ ᐱᓕᕆᑦᑎᐊᕐᓂᖅ ᐊᑐᕐᓗᓂ ᖁᑦᑎᖕᒪᕆᑦᑐᓂᑦ ᐊᑐᕐᓂᐅᔪᓂᑦ, ᐊᐅᓚᓂᖃᑦᑎᐊᖅᑐᓂᓪᓗ ᐸᓚᐃᙳᐊᖅᑎᒎᖅᑐᓂᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᑲᑑᕋᓐ ᒪᒃᐅᐃᓕᐊᔅ, ᑭᐊᕙᓐ ᑯᕉᔪᓪ - ᓯᓚᑦᑐᖅᓴᕐᕕᔪᐊᖓ ᓯᑲᑦᓱᐅᐋᓐ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2012ᒥᑦ - ᑲᔪᓯᕙᓪᓕᐊᑐᐃᓐᓇᖅᑐᖅ