ᐊᐅᓚᓂᖃᑦᑎᐊᖅᑐᖅ ᓯᕗᓂᒃᓴᕆᔭᖓᑕ ᐅᑭᐅᖅᑕᖅᑑᑉ

ᐊᐅᓚᓂᖃᑦᑎᐊᖅᑐᖅ ᓯᕗᓂᒃᓴᕆᔭᖓᑕ ᐅᑭᐅᖅᑕᖅᑑᑉ ᐊᕐᕌᒍᓄᑦ ᐱᖓᓱᓄᑦ ᐊᐅᓚᓂᓕᒃ ᑲᓇᑕᓕᒫᒧᑦ ᖃᐅᔨᓴᕐᕕᑦ ᐱᓕᕆᕕᖓᒍᑦ ᑭᓐᓇᐅᔭᖃᖅᑎᑕᐅᓪᓗᓂ ᐱᓕᕆᐊᖅ ᑕᑯᒋᐊᕐᓂᖃᓪᓗᐊᑕᖅᑐᖅ ᓴᖅᑮᒋᐊᕐᓂᕐᒥ ᐱᐅᓂᖅᓴᒃᑯᑦ ᑐᑭᓯᐅᒪᓂᕐᒥ ᐊᑦᑐᐃᓂᖃᓲᓄᑦ ᐅᑯᓄᖓᓪᓗᐊᑕᖅ: 1) ᓂᖀᑦ; 2) ᐃᒪᖅ; 3) ᐊᐅᒻᒪᖅᑯᑎᓯᐅᑎᓂᑦ ᐊᑐᐃᓐᓇᖃᑦᑎᐊᖅᓂᖅ ᐊᒻᒪᓗ 4) ᓄᓇᒥᑲᐅᑎᒋᔪᑦ ᑭᓱᒃᑯᑖᓂᑦ ᓴᖅᑮᒋᐊᕐᓂᖅ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᑉ ᖃᓂᒋᔮᓂᑦᑐᓂᑦ ᓄᓇᓕᐅᔪᓂᑦ. ᐊᐅᓚᓂᖃᑦᑎᐊᖅᑐᖅ ᓯᕗᓂᒃᓴᕆᔭᖓᑕ ᐅᑭᐅᖅᑕᖅᑑᑉ ᐱᓕᕆᔨᓖᑦ ᖃᐅᔨᓴᖅᑎᓂᑦ ᐊᒻᒪᓗ ᐱᓕᕆᔨᒻᒪᕆᓂᑦ ᑲᓇᑕᒦᙵᖅᑐᓂᑦ ᐊᒻᒪᓗ ᐊᒥᐊᓕᑲᐃᑦ ᓄᓇᖓᓃᙵᖅᑐᓂᑦ ᐱᓕᕆᓪᓗᐊᑕᕐᓂᖃᓲᓂᑦ ᐊᔾᔨᓕᐅᕆᓂᕐᒥ ᐱᓕᕆᔾᔪᑎᓕᕆᓂᕐᒥ ᐅᑭᐅᖅᑕᖅᑐᑉ ᓄᓇᓕᖃᕐᕕᖏᓐᓂᑦ ᐊᒻᒪᓗ ᐃᓕᓐᓂᐊᕐᓂᖃᕋᔭᖅᑐᑏᑦ ᓄᓇᓕᓐᓂᒥᐅᑕᖏᑕ ᕗᕆᔅᑐ ᑲᖏᖅᑐᖓᑕ, ᑯᑦᔨᕘᓪ ᓴᐆᓐ, ᐊᒻᒪᓗ ᕿᑭᖅᑖᓗᑉ ᓄᓇᓕᖁᑎᖏᓐᓂᑦ ᐃᓕᓐᓂᐊᕐᓂᕆᔭᐅᓲᑦ ᒥᒃᓵᓄᖓᔪᓂᑦ ᐊᒻᒪᓗ ᐱᓕᕆᕕᒻᒥᒍᑦ ᐃᖅᑲᓇᐃᔭᖅᑐᓕᕆᓂᖅᑎᒍᑦ ᐱᔪᒪᔮᕆᔭᐅᓲᓂᑦ. ᑕᒃᑯᐊ ᐱᔪᒪᔭᕆᔭᑦ ᐊᒻᒪᓗ ᐊᐳᕈᑏᑦ ᑲᑎᖅᓱᖅᑕᐅᓂᖃᓲᑦ ᐅᐊᑦᑐᐊᕈᕐᓇᓴᓂᑦ ᐊᒻᒪᓗ ᓯᓚᐅᑉ ᒥᒃᓵᓄᖓᔪᓂᑦ ᑎᑎᕋᖅᑕᐅᓯᒪᔪᓂᑦ ᑭᐅᔾᔪᑎᖃᓲᓂᑦ ᐅᑯᓂᖓ ᐱᖓᓱᓂᑦ ᐊᐱᖅᑯᑎᐅᔪᓂᑦ: (i) ᖃᓄᖅ ᐅᐊᑦᑎᐊᕈᓂᑦ ᐊᓯᔾᔨᖅᓯᒪᕙ ᓯᓚᒋᔭᖓ, ᐊᕙᑎᒋᔭᖓ, ᐱᓕᕆᔾᔪᑎᒋᔭᖏᑦ, ᐊᒻᒪᓗ ᑭᓐᓇᐅᔭᑎᒍᑦ ᐱᕙᓪᓕᕈᑎᖏᑦ ᐊᑦᑐᖅᑕᐅᓂᒃᑯᖅᑐᑦ ᐊᕙᑎᑎᒍᑦ ᐊᑐᐃᓐᓇᐅᔪᓂᑦ ᖃᐅᔨᓴᕐᕕᐅᑉ ᐃᓂᒋᔮᓂᑦᑐᓂᑦ? (ii) ᖃᓄᖅ ᐅᓪᓗᒥᐅᔪᒃᑯᑦ ᐊᓯᔾᔨᖅᓯᒪᓂᖏᑦ ᓱᕐᓗᖃᐃ ᓯᓚᐅᔪᖅ ᐅᖅᑯᓯᕙᓪᓕᖅᓯᒪᑎᓪᓗᒍ ᐊᒻᒪᓗ ᓴᖅᑭᔭᖅᑐᖃᖃᑦᑕᓕᕐᓂᖓᓄ ᐊᑦᑐᖅᑕᐅᓂᕐᓂ ᐅᓪᓗᒥᐅᒃᑰᖅᑐᓂᑦ ᐊᒻᒪᓗ ᓯᕗᓂᒃᓴᐅᓛᖅᑐᒃᑯᑦ ᐊᕙᑎᖃᑦᑎᐊᕋᓱᖕᓂᕐᒥ? ᐊᒻᒪᓗ (iii) ᑭᓱᓂᑦ ᖃᐅᔨᒪᔮᕆᔭᕐᓂᑦ ᐊᒻᒪᓗ ᐱᓕᕆᕕᖕᓂᑦ ᐱᑕᖃᕐᒪᖓᖅ ᓴᖅᑭᔭᖅᑎᑦᑎᔪᓂᑦ ᐊᕙᑎᓕᕆᓂᕐᒥ ᐊᑐᐃᓐᓇᖃᑦᑎᐊᕆᐊᕐᓂᕐᒥ, ᐊᒻᒪᓗ ᑭᓱᓂᑦ ᐊᐳᕈᑎᓂᑦ ᐱᑕᖃᕐᒪᖓᖅ ᐊᑐᖅᑕᐅᔪᑎᒍᑦ ᓴᖅᑭᑦᑐᒥᓂᕐᓂ ᓄᑖᓂᑦ ᐱᓕᕆᔾᔪᑎᒃᑰᖅᑐᓂᑦ?

ᐱᓕᕆᓂᕐᒧᑦ ᓯᕗᓕᖅᑏᒃ: 
ᐊᑑᕆ ᐱᓕᐲ ᓗᐊᕇᓐ - ᓯᓚᑦᑐᖅᓴᕐᕕᔪᐊᖓ ᐊᓛᒃᑳ ᕕᐅᓪᕙᓐ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2013ᒥᑦ - ᑲᔪᓯᕙᓪᓕᐊᑐᐃᓐᓇᖅᑐᖅ