ᖁᕙᓯᓕᖅᓯᒪᓕᕐᓂᖓ ᓄᓇᕐᔪᐊᑦ ᐊᒻᒪᓗ ᐃᒡᓗᖃᕐᕖᑦ ᓴᓇᔭᐅᓯᒪᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ

ᐅᓪᓗᒥᐅᔪᒧᑦ ᒪᓕᑦᑐᒍ, ᖃᐅᔨᓴᕐᓂᖅ ᓄᓇᐅᓂᕐᒥ ᐃᓕᖅᑯᓯᑐᖃᖅᑎᒍᑦ ᖃᐅᔨᓴᕐᓃᑦ ᐊᒥᓲᓗᐊᖅᓯᒪᙱᓚᑦ, ᐊᒻᒪᓗ ᑕᑯᒃᓴᕈᐃᓪᓗᓂ, ᐊᖅᑭᒃᓱᖅᓯᒪᔪᑎᒍᑦ, ᐊᖅᑭᒃᓱᖅᓯᒪᑦᑎᐊᖏᒻᒪᕆᑦᑐᓂᑦ ᐃᓄᐃᑦ ᓴᓇᓯᐅᖏᓐᓂᑦ ᓄᓇᒥᑦᑐᓂᑦ ᐊᒻᒪᓗ ᐃᒡᓗᖃᕐᕕᑦᑎᒍᑦ ᓴᓇᕕᐅᓲᓂᑦ. ᐃᓕᖅᑯᓯᑐᖃᖅᑎᒍᑦ ᖃᐅᔨᓴᖅᑎᒻᒪᕆᑦ ᐊᒻᒪᓗ ᐃᓕᖅᑯᓯᑐᖃᖅᑎᒍᑦ ᓄᓇᙳᐊᓕᕆᔩᑦ ᖃᓄᖅᑐᕆᐊᕈᑎᖃᓲᑦ ᐃᓄᖕᓄ ᓴᓇᔭᒥᓂᕐᓂᑦ ᐊᖅᑮᒋᐊᕐᓂᕐᒥ ᐊᒻᒪᓗ ᓄᑖᑎᒍᑦ ᓴᓇᔭᐅᓲᓂᑦ ᓴᖅᑭᑦᑐᒥᓂᖅᑎᒍᑦ ᓄᓇᕐᔪᐊᒥᑦ “ᐊᑐᕐᓂᖃᑦᑎᐊᖏᑦᑑᓪᓗᑏᑦ ᐊᑐᖅᑏᑦ” ᐊᑐᙱᖓᖅᑐᒥᒃ ᐊᑕᐅᓯᑐᐃᓐᓇᒦᙵᖅᑐᓂᑦ ᐊᒻᒪᓗ ᐃᒻᒥᒃᑯ ᐊᐅᓚᓂᖃᓪᓗᐊᑕᖅᑐᓂᑦ. ᑕᐃᒫᖑᒐᓗᐊᖅᑎᓪᓗᒍ, ᑕᒃᑯᐊ ᖃᐅᔨᓴᕐᓃᑦ ᐊᖏᓇᖅᓯᒪᓂᒃᑯᑦ ᑕᑯᒋᐊᕐᓂᖃᕐᓂᖅᓴᑦ ᖃᓄᐃᓕᐅᕐᓂᐅᔪᓂᑦ ᐊᒻᒪᓗ ᐊᖅᑭᒃᓱᖅᑕᐅᓯᒪᔪᓂᑦ ᒐᕙᒪᒃᑯᑎᒍᑦ ᐃᒡᓗᓕᐅᕈᓯᖏᓄᑦ, ᐊᖅᑭᒃᓱᖅᑕᐅᓂᖓ ᐊᑐᕈᒪᙱᑲᓗᐊᖅᑐᒍ ᐊᒻᒪᓗ ᓇᖕᒥᓂᖅ ᓴᓈᖃᕐᓂᖅ ᒪᓕᑦᑐᒍ ᖃᓄᐃᓕᐅᕐᓂᕐᓂ ᓴᖅᑭᔮᓱᓂᑦ ᐃᒡᓗᖃᕐᕕᑦᑎᒍᑦ. ᑕᒃᑯᐊ ᖃᐅᔨᓴᕐᓃᑦ ᐅᓂᑳᓕᐅᕐᓂᖃᓱᖑᑎᓪᓗᒋᑦ ᑕᐃᒪᑦᑎᐊᒃᑯᖓᖏᑦᑐᓂᑦ ᑲᓇᑕᐅᑉ ᒐᕙᒪᖓᑕᓗ ᐃᒡᓗᓕᐅᕈᓯᖏᑦ, ᒥᑭᑦᑐᑕᓂᑦ ᐃᓕᑦᑐᖃᖅᓯᒪᕗᖅ ᐃᓄᐃᑦ ᐊᖅᑭᒋᐊᕐᓂᕆᓲᖏᓐᓂᑦ ᐊᒻᒪᓗ ᓄᑖᓂᑦ ᓴᓇᔭᐅᓱᓂᑦ. ᑕᐃᒫᖑᒐᓗᐊᖅᑎᓪᓗᒍ ᑕᒃᑯᐊ ᓴᓇᔭᐅᔪᑦ ᐊᖅᑭᒃᓱᖅᓯᒪᓂᖃᓲᑦ ᓴᓇᔭᐅᖃᑦᑕᕐᓂᖏᑕ ᒐᕙᒪᒃᑯᑦ ᐃᒡᓗᓕᐅᓲᖏᑦ, ᐊᒻᒪᓗ ᐱᑕᖃᕆᐊᖃᕐᓂᖓᓂ ᖃᐅᔨᒪᔾᔪᑎᐅᓪᓗᓂ ᐱᐅᓂᖅᓴᒥᒃ ᑐᑭᓯᓇᖅᑐᓂ ᐱᑕᖃᕆᐊᖃᕐᓂᖓᓂᑦ ᐃᓄᐃᑦ ᐃᓕᖅᑯᓯᖓᒍᖅᑐᑦ ᓴᐳᒻᒥᒋᐊᕈᓐᓇᕐᓂᖏᓄᑦ ᐱᖃᑕᐅᒃᐸᑕ ᓴᓇᓂᒃᑯᑦ/ᐊᖅᑭᒃᓱᐃᓂᒃᑯᑦ ᐱᓕᕆᔾᔪᑎᒥᒃ ᐊᑐᕐᓗᑏᑦ. ᐊᕐᕌᒍᑦ 50ᐅᓗᐊᖅᑐᑦ ᐊᓂᒍᖅᓯᒪᓕᖅᑎᓪᓗᒋᑦ, ᑕᐃᒪᖑᒐᓗᐊᖅᑎᓪᓗᒍ, ᓄᓇᓕᖕᓂ ᐸᕐᓇᐃᓂᖅ ᐃᒡᓗᓕᕆᓂᖅᑎᒍᑦ ᑲᖏᖅᑐᒑᐱᖕᒥ ᒪᓕᑦᑎᓯᒪᕗᑦ ᐅᐊᑦᑎᐊᕈᕐᓇᓴᐅᓗᐊᓕᖅᑐᓂᑦ ᑐᑭᓯᔾᔪᑎᓂᑦ ᐊᑐᑦᑎᐊᖏᓐᓂᖃᒻᒪᕆᑦᑐᒥᒃ ᐊᐅᓚᓂᓕᖕᒥ. ᑕᓐᓇ ᖃᐅᔨᓴᕐᓂᖅ ᓴᖅᑭᑦᑎᒻᒪ ᐃᓄᖕᓂᑦ ᐱᒻᒪᕆᐅᑎᑦᑎᓗᓂ ᓴᓇᓯᐅᖑᓂᖏᓄᑦ ᐊᒻᒪᓗ ᓇᖕᒥᓂᖅ ᐱᓕᕆᓇᓱᐊᓲᖑᓂᖏᓄᑦ ᓴᓇᓂᒃᑯᑦ, ᐱᔪᓐᓇᐅᑎᓪᓚᕆᖃᖏᒃᑲᓗᐊᕋᒥᒃ ᐊᒻᒪᓗ ᐊᖅᑭᒃᓱᐃᔾᔪᑎᖃᓪᓚᕆᖏᒃᑲᓗᐊᕋᒥᒃ, ᓴᓇᓂᕐᒥ ᑕᑯᒃᓴᐅᑎᑦᑎᒃᑲᓐᓂᖅᑐᓂᑦ ᐊᑐᕐᑕᐅᑦᑎᐊᕈᓐᓇᖅᑐᓂᑦ ᐊᒻᒪᓗ ᐊᑐᕈᓐᓇᑦᑎᐊᖅᑐᓂᑦ ᐅᑭᐅᖅᑕᖅᑐᒥ ᐃᒡᓗᖃᕐᓂᐅᔪᒥᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᓲᓴᐃᓐ ᕼᐋᓪᕕᐃᑲ - ᒪᒡᒋᐅᓪ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2014ᒥᑦ 2015ᒧᑦ