ᓯᑯ-ᐃᓄᐃᑦ-ᕼᐄᓚ (ᓯᑯ-ᐃᓄᐃᑦ-ᓯᓚᐅᔪᖅ) ᐱᓕᕆᐊᖅ

ᓯᑯ-ᐃᓄᐃᑦ-ᕼᐄᓚ (ᓯᑯ-ᐃᓄᐃᑦ-ᓯᓚᐅᔪᖅ) ᐱᓕᕆᐊᖅ ᑲᑎᙵᔪᓂᑦ ᐱᖃᑕᐅᑎᑦᑎᔪᖅ ᐃᓐᓇᑐᖃᕐᓂᑦ ᐊᒻᒪᓗ ᐊᖑᓇᓱᑦᑎᓂᑦ ᓄᓇᖃᖅᑐᓂᑦ ᕙᐅᓪᕉᓪ (ᐋᓚᒃᑳ), ᑲᖏᖅᑐᒑᐱᒃ (ᓄᓇᕗᑦ) ᐊᒻᒪᓗ ᖄᓈᖅ (ᐊᑯᑭᑦᑐᐃᑦ ᓄᓈ) ᐳᓚᕆᐊᓲᓂᑦ ᖃᐅᔨᓴᖅᑎᒻᒪᕆᓂᑦ ᐱᓕᕆᖃᑎᒌᑦᑐᑎᑦ ᖃᐅᔨᓴᕐᓂᖃᓲᑦ ᓯᑯᑉ ᒥᒃᓵᓄᓪᓗ ᓄᐊᑦᑎᔨᐅᓲᖑᓪᓗᑏᑦ. ᑲᑎᙵᓪᓗᑏᑦ, ᐱᓕᕆᖃᑎᒌᑦ ᐊᐅᓪᓚᖃᑎᒌᔪᕗᑦ ᐊᑐᓂᑦ ᐱᖓᓱᓄᑦ ᓄᓇᓕᖏᑕ ᐃᓂᖃᕐᕕᖏᓄᑦ ᐊᒻᒪᓗ ᑲᑎᖃᑎᖃᖅᐸᑦᑐᑏᑦ ᓄᓇᓕᖕᓂ ᖃᐅᔨᒪᔨᒻᒪᕆᐅᔪᓂᑦ. ᐊᑐᕐᑐᑎᑦ ᐊᐅᓚᔾᔪᑎᓂᑦ ᓄᓇᕐᔪᐊᓕᒫᒥᑦ ᐊᑐᖅᑕᐅᓲᓂᑦ, ᐱᓕᕆᔾᔪᑎᑎᒍᓪᓗ ᖃᓄᐃᑦᑐᕈᓗᐃᔭᖅᑎᒍᑦ, ᐊᒻᒪᓗ ᐃᓕᖅᑯᓯᖃᑎᒋᖏᓐᓂᒃᑯᑦ ᐱᓕᕆᐊᒃᓴᖅᑕᖅᑎᑦᑎᓲᖑᓪᓗᓂ ᓯᑯᒃᑰᖅᓯᒪᔪᓂᓪᓗ ᖃᐅᔨᒪᔭᖏᓐᓂᑦ ᐊᑐᐃᓐᓇᕈᐃᕕᐅᑦᑎᐊᖅᓯᒪᓪᓗᑎᑦ, ᐱᓕᕆᖃᑎᒌᑦ ᖃᐅᔨᓴᕐᓂᖃᔪᕗᑦ ᐊᔾᔨᒌᖏᑦᑐᑕᓂᑦ ᐃᓂᖃᕐᕕᐅᔪᓂᑦ. ᑲᑎᖅᑐᐃᓯᒪᓂᖅ ᐊᔾᔨᒌᖏᑦᑐᑕᓂᑦ ᖃᐅᔨᒪᔭᕐᓂᑦ, ᐱᓕᕆᖃᑎᒋᑦ ᑎᑎᕋᖅᐸᓪᓕᐊᔪᕗᑦ ᖃᐅᔨᒪᔭᕐᓂᑦ ᐊᒻᒪᓗ ᐅᓂᒃᑳᓂᑦ ᓯᑯᑉ ᒥᒃᓵᓄᖓᔪᓂᑦ ᐱᖃᓯᐅᑎᓪᓗᒋᑦ: (i) ᖃᓄᐃᑦᑑᓂᖏ ᓯᑯᐃᑦ ᐊᒻᒪᓗ ᐊᑐᖅᑕᐅᓂᖏᑦ ᐃᓄᖏᓄᑦ, ᐱᖃᓯᐅᑎᓪᓗᒋᑦ ᐃᓄᐃᑦ-ᓯᑯᓪᓗ ᐱᓕᕆᓂᕐᑎᒍᑦ ᓴᖅᑭᔭᕐᓂᖏᑦ ᐃᓄᓕᕆᓂᖅᑎᒍᑦ ᑲᑐᔾᔨᖃᑎᒌᒃᑯᖅᑐᓂᑦ ᐊᒻᒪᓗ ᐃᓕᖅᑯᓯᖅᑎᒍᑦ ᐱᖓᓲᔪᒃᑯᖅᑐᓂᑦ ᓄᓇᓕᖕᓂᑦ, (ii) ᐊᓯᔾᔨᖅᓯᒪᓕᕐᓂᖏᑦ ᐃᓄᐃᑦ ᐊᑐᕐᓂᖓᑕ ᓯᑯᒥᑦ ᑕᐃᒪᙵᓂᐊᓗᒃ, (iii) ᐊᓯᔾᔨᕐᓂᖓ ᓯᑯᑉ, ᑕᑯᒋᐊᕐᓂᖃᓪᓗᐊᑕᖅᑐᒥ ᖃᓄᐃᑦᑐᓂᕐᓄ ᒪᓕᑦᑎᓯᒪᔪᓂᑦ ᐃᓄᖕᓄᓪᓗ ᐊᑐᖅᑕᐅᓲᓂᑦ, (iv) ᐃᓄᖕᓄ ᐊᑐᖅᑕᐅᓯᒪᓕᖅᑐᑦ ᐊᓯᔾᔨᖅᓯᒪᓕᕐᑎᓪᓗᒍ ᓯᑯᔪᖅ, ᐊᒻᒪᓗ (v) ᓱᓕᔪᕆᔭᑦ ᐊᑦᑐᐃᓃᑦ. ᐃᓄᐃᑦ ᓯᕗᓕᕐᓂᖓ ᐊᒻᒪᓗ ᐃᓄᐃᑦ ᑲᐅᔨᒪᔭᑐᖃᖏᑦ ᐱᖓᓱᓂᑦ ᓄᓇᓕᓐᓂᖔᖅᑐᑦ ᐱᓕᕆᐊᑉ ᐃᓗᐊᓂᓪᓗᐊᑕᓚᐅᖅᐳᑦ ᐱᖃᓯᐅᔾᔨᓯᒪᓚᐅᕐᒥᔪᑦ ᓯᑯᒥᑦ ᖃᐅᔨᓴᕐᓂᖅ ᑕᒃᑯᓇᙵ ᐱᖓᓲᔪᓂᑦ ᓄᓇᓕᖕᓂᑦ. ᐊᑕᐅᓯᕐᓕ ᐊᖏᓛᖑᓪᓗᓂ ᓴᖅᑭᓪᓗᐊᑕᓚᐅᖅᑐᖅ ᐊᖏᔪᓪᓗᓂ ᕿᒥᕐᕈᐊᒐᓕᐊᖑᓯᒪᔪᖅ, “ᑐᑭᖓ ᓯᑯᑉ: ᐃᓄᖏᑦ ᐊᒻᒪᓗ ᓯᑯᖏᑦ ᐱᖓᓲᑦ ᐅᑭᐅᖅᑕᖅᑑᑉ ᓄᓇᓕᖏᓐᓂᑦ”. ᕿᒥᕐᕈᐊᒐᖅ ᓴᓚᒃᓴᓚᐅᖅᓯᒪᔪᖅ ᐅᑭᐅᖅᑕᖅᑐᒧᖓᔪᓄᑦ ᕿᒥᕐᕈᐊᒐᖃᕐᕕᖕᒦᑦᑐᓄᑦ 2014ᖑᑎᓪᓗᒍ ᒥᐆᓪ ᓴᓚᒃᓴᐅᓯᐊᖓᒍᑦ ᐱᐅᓛᒃᑯᖅᑐᒥᓂᕐᒥ ᕿᒥᕐᕈᐊᒐᓕᐊᖑᓯᒪᔪᑎᒍᑦ ᐅᑭᐅᖅᑕᖅᑐᑉ ᒥᒃᓵᓄᖓᔪᓪᓗᓂ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᓯᐅᕆ ᒋᐅᕼᐆᑦ - ᐃᑦᑕᖅ ᐊᒻᒪᓗ ᓯᓚᑦᑐᖅᓴᕐᕕᔪᐊᖓ ᑳᓗᕋᑐ ᐊᒻᒪᓗ ᓕᓃ ᑭᐅᓪᓵᓐ ᕼᐋᒻ - ᐃᓄᐃᑦ ᐅᑭᐅᖅᑕᖅᑐᖓᓂᑦ ᑲᑎᒪᔨᖏᑦ ᐊᑯᑭᑦᑐᐃᑦ ᓄᓈᓐᓂ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2006ᒥᑦ 2013ᒧᑦ