ᓄᓇᙳᐊᖅ: ᑎᓴᒪᐃᓕᖓᔪᖅ ᑕᑯᓐᓇᙳᐊᕋᒃᓴᖅ ᓯᓚᐅᑉ ᐊᓯᔾᔨᖅᓯᒪᓕᕐᓂᖓᓄᑦ ᖃᓄᖅᑑᕐᓂᕐᒥ

ᐱᓕᕆᐊᖑᔪᖅ ᑕᓐᓇ, ᓯᕗᓕᖅᑕᐅᓯᑰᔪᖅ ᐱᓕᕆᖃᑎᒌᓐᓂᒃᑯᑦ ᓄᓇᓕᕆᓂᕐᒥ ᐸᕐᓇᐃᓂᕐᒥ ᓯᓚᑦᑐᖅᓴᕐᕕᔪᐊᖓᒍᑦ ᕗᕆᔅ ᑲᓚᓐᕕᐊ, ᐱᕕᖃᓚᐅᖅᓯᒪᔪᖅ 2009ᒥᑦ 2012ᒧᑦ. ᐱᔾᔪᑎᒋᔪᔭᖓᓕ ᐱᓕᕆᐊᖑᔪᑉ ᓴᖅᑮᒋᐊᕐᓂᖅ ᐊᒻᒪᓗ ᖃᐅᔨᓴᕐᓂᖅ ᐊᑐᑦᑎᐊᖅᑐᒥᒃ ᑕᑯᓐᓇᙳᐊᕋᒃᓴᒥᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄ ᖃᓄᖅᑑᕆᐊᕐᓂᕐᒥ ᐅᑭᐅᖅᑕᖅᑐᒥ. ᐊᔾᔨᑲᓴᖏᑦ ᐱᓕᕆᔾᔪᑎᑦ ᐊᑐᖅᑕᐅᒻᒪᕆᖃᑦᑕᖅᓯᒪᕗᑦ ᖃᓪᓗᓈᑦ ᓄᓇᖏᓐᓂᑦ, ᓄᓇᓕᕋᓛᖑᓂᖅᓴᓂᑦ, ᑭᓯᐊᓂ ᐅᑭᐅᖅᑕᖅᑐᒥᒃ ᕼᐋᒻᒪᓚᒋᔭᐅᔪᒥᑦ ᖃᐅᔨᓴᖅᑕᐅᓚᐅᖅᓯᒪᓂᖃᕐᓇᓂ. ᑲᖏᖅᑐᒑᐱᖕᒥ, ᐱᓕᕆᐊᖅ ᓇᓗᓇᐃᖅᓯᔪᕗᖅ ᓯᕗᓪᓕᐅᑎᔭᕆᐊᓕᖕᒥ ᐸᕐᓇᐃᓂᕐᒥ ᐱᓕᕆᔪᖃᖅᑎᓪᓗᒍ ᓄᓇᓕᖕᓂ ᑲᑎᒪᓂᒃᑰᖅᑐᒥᓂᕐᒥ ᐊᒻᒪᓗ ᑲᑎᒪᖃᑎᖃᕐᓂᒃᑯᑦ ᕼᐋᒻᒪᓚᒃᑯᑦ ᑲᑎᒪᔨᖏᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᖏᓐᓂᑦ. ᓄᕖᐱᕆ 2009ᖑᑎᓪᓗᒍ, ᓯᓚᑦᑐᖅᓴᕐᕕᔪᐊᖓᓂᙶᖅᑐᑦ ᕗᕆᔅ ᑲᓚᓐᕕᐊ ᖃᐅᔨᓴᖅᑎᖏᑦ ᓄᓇᓕᖕᓂ ᑲᑎᒪᑎᑦᑎᔪᕗᑦ ᐅᖃᐅᓯᖃᓪᓗᐊᑕᖅᑐᑎᑦ ᓄᓇᓕᓐᓅᖓᓪᓗᐊᑕᖅᑐᓂᑦ.

ᓄᓇᙳᐊᓕᕆᓂᕐᒥ ᑲᑎᒪᓂᕐᒥ ᐱᑕᖃᔪᕗᖅ ᓄᓇᓕᖕᓂᒥᐅᑕᓂᑦ ᐊᒻᒪᓗ ᓄᓇᒥᑲᐅᑎᒋᔪᓂᑦ ᑭᓱᒃᑯᑖᓂᑦ ᑲᓇᑕᒥ ᖃᐅᔨᓴᕐᑎᒻᒪᕆᖏᓐᓂᑦ ᒪᑦᓯ 2010ᖑᑎᓪᓗᒍ ᓄᐊᑦᑎᓪᓗᑎᑦ ᑐᑭᓯᒋᐊᕈᑎᓂᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓅᖓᔪᓂᑦ ᐊᑦᑐᐃᓂᕆᓱᖏᓐᓂ ᓄᓇᐅᓂᕐᒥᑦ ᐅᓗᕆᐊᓇᖅᑑᖓᓕᖅᑕᖅᑐᓂᑦ. ᐃᓚᓕᐅᑎᓪᓗᒋᑦ ᐅᓗᕆᐊᓇᖅᑐᔪᓐᓇᕐᓂᖏ, ᐊᓯᖏ ᐅᖃᐅᓯᒃᓴᑦ ᓇᓗᓇᐃᖅᑕᐅᔪᒻᒥᔪᑦ ᐃᑯᐊᖑᓪᓗᑎᑦ ᐃᒡᓗᓕᕆᓂᖅ (ᐊᒥᒐᖅᑐᑦ ᐊᒻᒪᓗ ᓴᓇᓯᒪᓂᖏᑦ), ᐱᓱᒍᓐᓇᕐᓂᖅ ᓄᓇᓕᐅᔪᒥᒃ, ᐊᒻᒪᓗ ᐅᒻᒪᖅᑯᑎᑎᒍᑦ ᐃᒻᒥᒃᑯᖓᒋᐊᕐᓂᖅ. ᒪᑦᓯ 2010ᖑᑎᓪᓗᒍ, ᓯᓚᑦᑐᖅᓴᕐᕕᔪᐊᖓᓂᖓᖅᑐᑦ ᕗᕆᔅ ᑲᓚᓐᕕᐊ ᖃᐅᔨᓴᖅᑎᖏᑦ ᓄᓇᙳᐊᓕᕆᓂᕐᒥ ᓴᖅᑭᔭᖅᑎᑦᑎᔪᕗᑦ ᑲᑎᒪᓂᖅᑎᒍᑦ ᑲᖏᖅᑐᒑᐱᖕᒥ ᐱᖃᑎᖃᖅᑐᑏᑦ ᓄᓇᒥᑲᐅᑎᒋᔪᓂᑦ ᑭᓱᒃᑯᑖᓂᑦ ᐱᓕᕆᔨᖏᓐᓂᑦ ᖃᐅᔨᓴᖅᑎᖏᓐᓂᓪᓗ ᐊᒻᒪᓗ ᓄᓇᓕᖕᒥᐅᑕᑦ ᐱᕕᖃᖅᑎᑕᐅᔪᒋᓪᓗᑎᑦ ᐅᖃᐅᓯᕆᔪᒪᔭᖏᓐᓂᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᖓᔪᓂᑦ ᐊᑦᑐᐃᓂᖃᓲᓂᑦ ᓄᓇᐅᓂᕐᒥ ᐅᓗᕆᐊᓇᖅᑑᓕᓲᓂᑦ. ᖃᐅᔨᓴᕐᓂᕐᒥ ᐱᓕᕆᖃᑎᒌᑦ ᓴᖅᑮᔪᕗᑦ ᑎᓴᒪᓂᑦ ᖃᓄᐃᙳᐊᕈᓯᓂᑦ ᓯᕗᓂᒃᓴᕆᓛᖅᑕᑦᑎᓐᓂ ᓴᖅᑭᒍᓐᓇᖅᑐᓂᑦ ᑲᖏᖅᑐᒑᐱᓪᓗ ᐱᕈᕐᓂᕈᓂ ᐊᕐᕌᒍᑦ 50 ᐊᓂᒍᖅᓯᒪᓕᖅᐸᑕ ᖃᓄᐃᑦᑑᖁᔨᒐᔭᕐᓂᖓᓂ. ᖃᓄᐃᙳᐊᕈᓰᑦ ᓴᖅᑭᑕᐅᔪᕗᑦ ᓄᓇᙳᐊᓕᐅᕈᑎᑎᒍᑦ ᐱᓕᕆᔾᔪᑎᒃᑰᖅᑐᓂᑦ ᖃᕋᓴᐅᔭᒃᑯᑦ ᐊᑐᕋᒃᓴᐅᔪᓂᑦ, ᐊᒻᒪᓗ ᐊᖅᑭᒃᓱᖅᑕᐅᓪᓗᑎᑦ ᐱᖓᓱᐃᓕᖅᑲᖓᔪᑎᒍᑦ ᓴᓇᓯᒪᔪᓂᑦ ᐊᑐᖅᑐᑏᑦ ᒎᓪᒍ ᓴᓇᔾᔪᑎᖓᒍᑦ, ᐊᑭᖃᖏᑦᑐᓪᓗᓂ ᐱᖓᓱᐃᓕᖅᑲᖓᔪᓕᕆᔾᔪᑎᒃ ᖃᕋᓴᐅᔭᒃᑯᑦ ᐱᓕᕆᔾᔪᑎᒋᔭᒃᓴᖅ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᓯᑎᕙᓐ ᓯᐊᐳᑦ - ᓯᓚᑦᑐᖅᓴᕐᕕᔪᐊᖓ ᕗᕆᔅ ᑲᓚᓐᕕᐊ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2009ᑦ 2012ᒧᑦ