ᓄᓇᕗᒻᒥ ᓂᕿᓂᑦ ᐊᑐᐃᓐᓇᖃᑦᑎᐊᖅᓂᖅ: ᓄᓇᓕᑦᑎᒍᖅᓯᒪᔪᖅ ᐃᓄᓕᕆᓂᖅ ᐊᒻᒪᓗ ᑭᓐᓇᐅᔭᓕᕆᓂᖅᑎᒍᑦ ᐱᓕᕆᔾᔪᑎᑦ

ᑕᑯᒋᐊᕐᓂᕆᔭᖓᓕ ᑕᒃᓱᒪ ᖃᐅᔨᓴᕐᓂᐅᑉ ᓴᖅᑮᒋᐊᕐᓂᖅ ᓄᑖᖑᔪᓂᑦ ᑐᑭᓯᔾᔪᑎᒃᓴᓂᑦ ᓂᕿᓂᑦ ᓴᖅᑮᓂᕐᒥ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥ ᓄᓇᓕᓐᓂ. ᐆᒪᔪᕋᓱᑦᑕᒥᓂᕐᓄᑦ ᖃᐅᔨᓴᕐᓂᒥᓂᑦ ᐱᓕᕆᐊᒥᓂᐅᒐᓗᐊᖅᑎᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓄᑦ 1980 ᐊᕐᕋᒍᖏᓐᓂᑦ ᐊᒻᒪᓗ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓄᑦ 1990 ᐊᕐᕋᒍᖏᓐᓂᑦ, ᑕᒃᑯᐊ ᖃᐅᔨᓴᕐᓃᑦ ᓴᓇᔭᐅᓯᒪᔪᕗᑦ ᐊᑐᐃᓐᓇᕈᐃᓂᕐᒥ ᑐᑭᓯᔾᔪᑎᓂᑦ ᐆᒪᔪᓕᕆᓂᕐᒥ ᐊᐅᓚᑦᑎᔨᐅᓂᕐᒥ. ᑕᐃᒪᒃ ᐱᔾᔪᑎᖃᕐᓂᖓᓄᑦ, ᑕᑯᒋᐊᕐᓂᖃᔪᖏᑦᑐᑦ ᑐᑭᓯᔾᔪᑎᓂᑦ ᐅᓪᓗᒥᐅᔪᖅ ᐱᒻᒪᕆᐊᓗᖕᓂ ᑐᑭᓯᐅᒪᔭᕆᐊᓕᖕᓂ ᓂᕿᓂᑦ ᐊᑐᐃᓐᓇᖃᑦᑎᐊᕐᓂᕐᒥ ᐊᒻᒪᓗ ᐆᒪᔪᕋᓱᑦᑐᓂ ᐃᑲᔪᖅᓰᓂᒃᑯᑦ ᑐᕌᖅᑐᓂᑦ ᑲᖏᖅᑐᒑᐱᖕᒥ ᐊᒻᒪᓗ ᓄᓇᕗᑦ ᓄᓇᓕᖁᑎᖏᓐᓂᑦ.

ᑕᓐᓇ ᖃᐅᔨᓴᕐᓂᖅ ᑕᑯᒋᐊᕐᓯᒪᓂᑐᐊᖃᖏᑦᑐᖅ ᐊᖑᓇᓱᑦᑎᐅᑉ ᐆᒪᔪᖃᑦᑕᖅᑕᖏᓐᓂᑦ, ᑭᓯᐊᓂ ᖃᓄᖅ ᐊᖑᓇᓱᖕᓂᖅ ᐃᓗᐊᓂᑦᑎᐊᕐᒪᖔᖅ ᖃᓄᐃᓕᐅᕐᓂᖏᑕ ᑲᖏᖅᑐᒑᐱᖕᒥᐅᑕᐃᑦ. ᖃᐅᔨᓴᕐᓂᖅ ᑕᑯᒋᐊᕐᓂᕐᒥᒍᑦ ᐊᖏᓪᓕᒋᐊᕐᕕᓕᒃ ᑐᑭᓯᔾᔪᑎᒋᒋᐊᒃᑲᓐᓂᕐᓗᒍ ᐃᓄᐃᑦ ᓂᕿᓂᑦ ᐊᑐᐃᓐᓇᖃᑦᑎᐊᕋᓱᖕᓂᖏᓂᑦ ᒪᓕᑦᑐᒋᑦ ᐃᓕᖅᑯᓯᑐᖃᖅᑎᒍᑦ ᑭᓱᒃᑯᑖᓂᑦ ᐃᓄᐃᑦ ᓂᕿᖏᓐᓂᑦ ᐊᑐᖅᑕᐅᓂᓕᖕᒥ ᑲᑐᖅᓱᖅᓯᒪᓂᓕᖕᓂ ᓂᐅᕕᐊᒃᓴᐅᓲᓂᓪᓗ ᐃᓄᐃᑦ ᓂᕿᖏᓐᓂᑦ ᓂᐅᕐᕈᑎᖃᕋᓱᖕᓂᐅᖃᑦᑕᓕᖅᑐᖅ ᐃᓄᐃᑦ ᓄᓇᓕᖃᕐᕕᖏᓐᓂᑦ ᐅᓪᓗᒥᐅᔪᖅ. ᐊᕐᕌᒍᓐᓄᒃ ᒪᕐᕉᓐᓄᖓᔪᒥᒃ ᐱᓕᕆᔾᔪᑎᒥᒃ ᓴᖅᑭᔭᖅᑎᑦᑎᒐᔭᖅᑐᖅ ᐊᑐᖅᑕᐅᔪᓐᓇᖅᑐᒥ ᑐᑭᓯᔾᔪᑎᑎᒍᑦ ᒪᓕᑦᑐᓂ ᐊᖑᓇᓱᖕᓂᐅᑉ ᐊᐅᓚᔾᔪᓯᖓᓂᑦ ᑕᐃᒫᑦᑎᐊᒃᑰᖅᑐᒥ ᐊᒻᒪᓗ ᑕᐃᒫᑦᑎᐊᒃᑰᖏᑦᑐᓂ ᐊᑦᑐᐃᓂᓕᖕᓂ ᐊᕙᑎᐅᔪᒥ, ᒪᓕᑦᑕᐅᔭᕆᐊᓕᖕᓂᑦ ᐊᒻᒪᓗ ᑭᓐᓇᐅᔭᑎᒍᑦ ᐊᐅᓚᔾᔪᑎᓕᖕᓂᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᔪᐊᔾᔨ ᐅᐃᓐᔫᓪ - ᒪᒡᒋᐅᓪ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2016ᒥᑦ 2018ᒧᑦ