ᐱᓕᕆᒋᐊᕐᓂᖅ

ᐃᑦᑕᕐᒥᑦ ᑕᑯᒋᐊᕐᓂᖃᓲᖑᕗᒍᑦ ᖃᐅᔨᒪᔭᑐᖃᕐᓂᑦ ᐱᓕᕆᐊᖑᓕᖅᑎᑦᑎᒋᐊᖅᐸᑦᑐᑕ. ᑕᐃᒪᐃᓕᐅᖅᐸᑦᑐᒍ ᐊᔾᔨᒌᖏᑦᑐᑕᓂᑦ ᐊᑐᖅᑐᑕ, ᑭᓱᒃᑯᑖᓂᑦ ᐊᑐᐃᓐᓇᖃᕐᓂᖅ ᐊᒻᒪᓗ ᐱᔨᑦᑎᕋᕐᓂᕐᒥᓪᓗ ᓄᓇᒋᔭᑦᑎᖕᓂᑦ, ᐃᑲᔪᖅᓰᓂᒃᑯᑦ ᐃᓕᓐᓂᐊᕈᑎᑎᒍᑦ ᐱᓕᕆᐊᒃᓴᓂᑦ ᒪᒃᑯᑦᑐᓅᖓᔪᓂᑦ ᓱᕐᓗᖃᐃ ᐃᓐᓇᑐᖃᑦ-ᒪᒃᑯᑦᑐᑦ ᑲᑎᖕᒪᓪᓗᑏᑦ ᓄᓇᓕᐅᑉ ᓯᓚᑖᓂᑦ ᐊᐅᓪᓚᖅᓯᒪᓂᑦ, ᐱᖃᓯᐅᑎᒻᒥᓗᒋᑦ ᖃᐅᔨᓴᕐᓂᕐᒧᑦ ᐱᓕᕆᓃᑦ ᐊᒻᒪᓗ ᐃᓕᖅᑯᓯᑐᖃᖅᑎᒍᑦ ᐱᓕᕆᓃᑦ.

ᐊᑕᐅᓯᕐᓕ ᑕᑯᒋᐊᕈᑎᒋᔭᒃᓴᖅ ᖃᐅᔨᒪᓂᕐᒥᒃ ᐱᓕᕆᐊᖃᓕᕐᓂᕐᒥ ᐱᖃᓯᐅᔾᔨᕗᖅ ᓄᑖᖑᓪᓗᓂ ᐱᓕᕆᐊᖅ ᑲᖏᖅᑐᒑᐱᖕᒥ ᖃᐅᔨᒪᔭᕐᓂᑦ ᓄᓇᙳᐊᓕᐅᕆᓂᖅ ᐱᓕᕆᐊᖅ ᐊᔾᔨᒌᖏᑦᑐᑕᓂᑦ ᖃᐅᔨᒪᔭᑐᖃᕐᓂᑦ ᐊᒻᒪᓗ ᑐᑭᓯᒋᐊᕈᑎᓂᑦ ᐊᑐᐃᓐᓇᐅᔪᓂᑦ ᓄᓇᓕᖕᓂᒥᐅᑕᓄᑦ ᐊᒻᒪᓗ ᖃᓄᖅᑑᕆᐊᖅᑎᐅᓲᓄᑦ. ᐊᓯᖏᓪᓕ ᑕᑯᒋᐊᕈᑎᒃᓴᑦ ᐱᖃᓯᐅᔾᔨᕗᑦ ᐊᕙᑎᑎᒎᖅᑐᓂᑦ ᖃᐅᔨᓴᕐᓂᕐᒧᑦ ᐱᓕᕆᒋᐊᕐᓃᑦ, ᓱᕐᓗᖃᐃ ᓯᑯᒥᑦ ᖃᐅᔨᓴᕐᓂᖅ ᐊᒻᒪᓗ ᓯᓚᓕᕆᓂᕐᒥᑦ ᑐᑭᓯᒋᐊᕐᓂᖅ ᓄᓇᓕᑦᑕ ᐆᒪᔪᕋᓱᑦᑎᖏᒍᑦ ᑲᖏᖅᑐᒑᐱᖕᒥ ᓯᓚᓕᕆᔾᔪᑎᑎᒍᑦ ᐱᓕᕆᓂᒃᑰᖅᑐᓂᑦ.

ᐱᓕᕆᖃᑎᖃᓲᖑᕗᒍᑦ ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᓄᓇᑦᑎᖕᓃᑦᑐᓂᑦ ᓱᕐᓗᖃᐃ ᕼᐋᒻᒪᓚᒃᑯᑦ ᑎᑎᕋᕐᕕᖓ, ᐃᓐᓇᑐᖃᒃᑯᑦ ᑲᑎᒪᔨᖏᑦ, ᐊᒻᒪᓗ ᐃᓕᓴᖅᓯᕕᒃ ᑲᑐᔾᔨᖃᑎᒌᖓᓂᒃ ᓇᓗᓇᐃᖅᓯᒐᓱᑦᑐᑕ ᓄᓇᓕᖕᓂ ᐱᔪᒪᔮᕆᔭᕐᓂᑦ ᐊᒻᒪᓗ ᐱᓕᕆᐊᖑᑎᑦᑎᓪᓗᑕ ᐱᓕᕆᐊᓂᑦ ᓄᓇᓕᖕᓄᑦ ᐱᔪᒪᔮᕆᔭᐅᔪᓂᑦ. ᓯᕗᓪᓕᐅᔾᔨᒋᐊᓲᖑᕗᒍᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐅᖃᐅᓯᖓᓂᑦ, ᐱᓕᕆᔾᔪᑎᖏᓐᓂᑦ, ᐊᒻᒪᓗ ᐅᒃᐱᕆᔭᖏᓐᓂᑦ. ᐱᓕᕆᐊᖃᓲᖑᕗᒍᑦ ᐃᑦᑕᕐᓂᓴᓕᕆᓂᕐᒥ ᐊᒻᒪᓗ ᑕᕐᕆᔮᒃᓴᓕᕆᓂᕐᒧ ᐱᓕᕆᐊᓂᑦ ᐊᓯᐅᔾᔭᐃᖅᓯᓯᒪᑐᐃᓐᓇᒋᑦᑐᓂᑦ, ᑭᓯᐊᓂ ᐊᑐᐃᓐᓇᖃᕐᑎᑦᑎᓂᕐᒥ, ᖁᕕᐊᓲᑎᖃᕐᓂᕐᒥ, ᐊᒻᒪᓗ ᐃᓄᔾᔪᑎᖃᐃᓐᓇᕐᓂᕐᒥ ᐊᒻᒪᓗ ᐱᓕᕆᐊᕆᑦᑎᐊᕆᐊᕐᓂᕐᒥ.

ᐃᑦᑕᕐᒥ ᐊᖏᖅᓯᒪᓂᖃᖅᐳᒍᑦ ᐊᑐᐃᓐᓇᐅᑎᑦᑎᓂᕐᒥ ᑭᓱᒃᑯᑖᓂᑦ, ᐱᓕᕆᔾᔪᑎᓂᑦ, ᓯᕗᓕᖅᑎᐅᓂᕐᒥ, ᐃᓕᓐᓂᐊᕐᓂᒃᑯᑦ ᐱᓕᕆᐊᒃᓴᓂᑦ, ᐃᑲᔪᖅᓰᓂᕐᒥ, ᐊᒻᒪᓗ ᐱᔨᑦᑎᕋᕐᓂᕐᒥ ᓴᙱᓕᖅᑎᑦᑎᒋᐊᕐᓂᕐᒥ ᓄᓇᖅᑲᑎᒃᑕ ᑐᕌᒐᖏᓐᓂᑦ ᐊᒻᒪᓗ ᓯᓐᓇᑦᑐᐊᒐᖏᓐᓂᑦ.