ᖃᓂᒋᔮᓂᑦ ᓯᓇᖑᔪᑦ: ᐃᓄᐃᑦ ᐊᕐᓇᖏᑦ ᐱᓕᕆᓂᖏᑦ ᐊᔾᔨᒌᖏᑦᑐᑕᒥᒃ ᑭᓐᓇᐅᔭᒃᓴᕕᓕᖕᒥ

ᐊᕐᕌᒍᒐᓴᓗᖕᓂᑦ, ᐃᓅᓯᖏᑦ ᓄᓇᖃᖅᑳᖅᓯᒪᔪᑦ, ᐃᖅᑭᓖᑦ ᐊᒻᒪᓗ ᐃᓄᐃᑦ ᐊᕐᓇᖏᑕ ᓂᐱᖃᖏᑦᑐᐊᓘᖃᑦᑕᖅᓯᒪᕗᑦ. ᐅᑭᐅᖅᑕᖅᑐᒥᓪᓕ ᖃᐅᔨᓴᕐᓂᖅ ᖁᕙᓯᓕᖅᐸᓪᓕᐊᓯᒪᑎᓪᓗᒍ, ᐊᒥᓲᖏᑦᑐᓂᑦ ᑕᑯᒋᐊᕐᓂᕐᓂᑦ ᐱᑕᖃᕐᓯᒪᕗᖅ ᐅᑭᐅᖅᑕᖅᑐᒥ ᐊᕐᓇᐃᑦ ᐱᓕᕆᔾᔪᑎᖏᓐᓂᑦ. ᐃᓕᓴᖅᓯᓂᖅ ᖃᐅᔨᒪᓂᕐᒥ ᐃᓄᖕᓄ ᐊᕐᓇᓄᑦ ᐊᑐᖅᑕᐅᓲᓂᑦ ᐊᒻᒪᓗ ᖃᓄᐃᓕᐅᖅᑕᖏᑎᒍᑦ, ᑕᑯᒋᐊᕐᓂᖃᓪᓗᐊᑕᖅᑐᖅ ᐱᓕᕆᐊᒥᑦ ᑐᑭᓯᔾᔪᑎᐅᓇᓱᑦᑐᓂ ᐃᓄᐃᑦ ᐊᕐᓇᖏᑦ ᖃᓄᖅ ᐱᓕᕆᓂᖃᓲᖑᒻᒪᖓᑕ ᐃᓄᓯᓕᕆᓂᖅᑎᒍᑦ ᑭᓐᓇᐅᔭᓕᐅᕋᓱᖕᓂᕐᒥ ᐊᕙᑎᒋᔭᖓᓂᑦ ᓄᓇᕗᑦ. ᑎᑎᕋᖅᑕᐅᖃᑦᑕᖅᑐᒥᓂᑦ ᒪᓕᑦᑐᒋᓪᓕ ᓄᓇᕗᒻᒥ ᐊᑐᐃᓐᓇᕈᐃᑦᑎᐊᖅᓯᒪᕗᖅ ᑲᔪᓯᔪᒥᒃ ᓄᓇᙳᐊᓕᕆᓂᕐᒥ ᐊᒻᒪᓗ ᑭᓐᓇᐅᔭᒃᓵᖃᕋᓱᓐᓂᕐᒥ, ᐊᒻᒪᓗ ᑕᐃᒪᐃᑦᑑᓂᖓᓄ ᑕᑯᒃᓴᐅᓂᕆᔭᖏᓄᑦ ᖃᓄᖅ ᐅᓪᓗᒥᐅᔪᖅ ᐊᒻᒪᓗ ᖃᓄᖅ ᐊᖅᑭᒃᓱᖅᓯᒪᓲᖑᓂᖏᓄᑦ ᐃᓄᓕᕆᓂᒃᑯᑦ ᑭᓐᓇᐅᔭᓕᐅᕋᓱᖕᓂᕐᒥ ᐊᑦᑐᐃᓲᓂᑦ ᐃᓄᐃᑦ ᑭᓐᓇᐅᔭᓕᐅᕈᑎᒋᓇᓱᑦᑕᖏᓐᓂᑦ ᐊᒻᒪᓗ ᓄᓇᓕᖁᑎᒋᔭᖏᓐᓂᑦ. ᖃᐅᔨᓪᓗᐊᑕᖅᑕᒥᓂᑦ ᖃᐅᔨᓴᕐᓂᕐᒥ ᐅᑭᐅᖅᑕᖅᑐᒥ ᐱᓕᕆᐊᒥᓂᖅᑎᒍᑦ ᐊᒻᒪᓗ ᐅᓪᓗᒥᐅᔪᒃᑯᑦ ᐊᓯᔾᔨᖅᓯᒪᓕᕐᓂᖓᓂ ᐅᑭᐅᖅᑕᖅᑐᒥ ᐊᔾᔨᒋᖏᑦᑐᑕᓂᓪᓗ ᐱᓕᕆᒋᐊᕐᓂᐅᓲᓂᑦ ᓴᖅᑭᔭᖅᑐᖃᕐᓂᓴᐅᓲᖑᓕᖅᑎᓪᓗᒍ.

ᑕᓐᓇ ᖃᐅᔨᓴᕐᓂᖅ ᑕᑯᒋᐊᓪᓗᐊᑕᖕᓂᓕᒃ ᐃᓄᐃᑦ ᐊᕐᓇᖏᑕ ᐱᓕᕆᐊᕆᓪᓗᐊᑕᓲᖏᓐᓂᑦ ᐊᒻᒪᓗ ᐱᓕᕆᐊᖏᓐᓂᑦ ᑕᑯᒃᓴᐅᓪᓗᐊᑕᖅᑐᓂᑦ ᐅᑭᐅᖅᑕᖅᑐᒥ ᑭᓐᓇᐅᔭᓕᐅᕋᓱᓐᓂᖅᑎᒍᑦ, ᑎᑎᕋᖅᑕᐅᔪᒥᓂᑦ ᓄᐊᑕᐅᒐᒥᒃ ᐊᔾᔨᒌᖏᑦᑐᑕᓂᙵᖅᑐᑦ ᐱᓕᕆᔾᔪᑎᑎᒍᑦ ᑲᑎᙵᑎᑦᑎᓂᖏᓄᑦ ᐊᔾᔨᒌᖏᑦᑐᓂᑦ ᐱᓕᕆᔾᔪᑎᓂᑦ ᑕᒪᒃᑮᓐᓂ ᐱᑕᖃᕐᓂᖅᑎᒍᑦ ᐊᒻᒪᓗ ᐊᒥᓲᓂᕐᑎᒍᑦ ᑐᑭᓯᒋᐊᕈᑎᓂᑦ. ᖃᐅᔨᓴᕐᓂᖅ ᐃᓂᖃᓚᐅᖅᓯᒪᕗᖅ ᑲᖏᖅᑐᒑᐱᒃ, ᓄᓇᕗᒻᒥ, ᐊᒻᒪᓗ ᐱᖃᑕᐅᑎᑦᑎᓪᓗᓂ 29ᓂᑦ ᐊᕐᓇᓃᑦ ᐊᒻᒪᓗ ᐃᓚᔮᖏᓐᓂᑦ. ᐊᑐᐃᓐᓇᖃᕐᓂᖅ ᐅᖃᖃᑎᒌᓐᓂᒃᑯᑦ ᖃᐅᔨᒪᔮᕆᔭᕐᓂᑦ, ᑐᑭᓯᐅᒪᔭᕐᓂᑦ ᐊᒻᒪᓗ ᐅᓂᒃᑳᓂᑦ ᓴᖅᑭᔾᔪᑎᐅᔪᕗᖅ ᐊᑐᖅᑕᐅᓪᓚᕆᓲᓂᑦ ᑕᑯᒃᓴᕈᐃᔾᔪᑕᐅᓪᓗᑎᑦ ᐃᓄᐃᑦ ᐊᕐᓇᖏᑦ ᐊᑦᑐᐃᓯᒪᓲᖑᓂᖏᓄᑦ ᐊᐅᓚᓂᖃᒻᒪᕆᑦᑐᒥ, ᐊᑐᓪᓚᕆᑦᑐᒥᓪᓗ ᐊᒻᒪᓗ ᑭᓐᓇᐅᔭᓕᐅᕈᑎᖃᖅᑐᓂᑦ ᐱᓕᕆᓂᕐᒥᑦ.

ᐱᓕᕆᓂᕐᒧᑦ ᓯᕗᓕᖅᑏᒃ: 
ᒪᒡᒐᓖ ᖁᐃᓐᑎᐊᓪ-ᒪᕆᓐᓂᐊᔾ - ᒪᒡᒋᐊᓪ ᓯᓚᑦᑐᖅᓴᕐᔪᐊᖓ
ᑐᑭᓯᒋᐊᕐᕕᒃᓴᖅ: 
ᐊᑯᓂᐅᓂᕆᒐᔭᖅᑕᖓ: 
2013ᒥᑦ 2015ᒧᑦ