ᒪᓐᓇᒃᑰᖓᔪᑦ ᐱᓕᕆᐊᑦ

ᐃᑦᑕᕐᒥ ᐊᔾᔨᒌᖏᑦᑐᑕᓂᑦ ᓄᓇᓕᑦᑎᒍᖅᑐᓂᑦ ᐱᓕᕆᐊᖃᓲᖑᕗᒍᑦ ᐊᒻᒪᓗ ᐊᐅᓚᑦᑎᖃᑕᐅᓲᖑᓪᓗᑕ ᐊᔾᔨᒌᖏᑦᑐᑕᓂᑦ ᐳᓚᕆᐊᖅᓯᒪᔪᓂᑦ ᖃᐅᔨᓴᖅᑎᓂᑦ ᐱᓕᕆᖃᑎᖃᖅᑐᑕ.

ᐱᓕᕆᖃᑎᖃᓪᓗᐊᑕᓲᖑᔪᒍᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᖏᓐᓂᑦ ᐃᑲᔪᖅᓰᓂᒃᑯᑦ ᐃᓕᓐᓂᐊᕋᒃᓴᓂᑦ, ᐃᓕᖅᑯᓯᑐᖃᖅᑎᒎᖅᑐᓂᑦ, ᐅᖃᐅᓯᕐᒥ, ᓄᓇᓕᐅᑉ ᓯᓚᑖᒍᖅᑐᓂᑦ ᐱᓕᕆᐊᓂᑦ, ᐊᒻᒪᓗ ᒪᒥᓴᕐᓂᕐᑎᒍᑦ ᐱᓕᕆᐊᓂᑦ ᐊᒻᒪᓗ ᐃᓕᓐᓂᐊᒐᒃᓴᓂᑦ. ᑕᑯᒋᐊᕈᒃ www.ilisaqsivik.ca ᐃᓕᒃᑲᓐᓂᕐᓂᐊᕋᕕᒃ ᑕᒃᑯᐊ ᖃᓄᐃᓕᐅᖅᑕᐅᓲᑦ ᒥᒃᓴᓅᖓᔪᓂᑦ.

ᐊᑯᓂᐅᓂᕆᒐᔭᖅᑕᖓ:
2013ᒥᑦ - ᑲᔪᓯᕙᓪᓕᐊᑐᐃᓐᓇᖅᑐᖅ
ᐱᓕᕆᐊᒧᑦ ᓯᕗᓕᖅᑏᒃ:
ᐊᑑᕆ ᐱᓕᐲ ᓗᐊᕇᓐ - ᓯᓚᑦᑐᖅᓴᕐᕕᔪᐊᖓ ᐊᓛᒃᑳ ᕕᐅᓪᕙᓐ
ᑐᑭᓯᒋᐊᕐᕕᒃᓴᖅ

ᐊᐅᓚᓂᖃᑦᑎᐊᖅᑐᖅ ᓯᕗᓂᒃᓴᕆᔭᖓᑕ ᐅᑭᐅᖅᑕᖅᑑᑉ ᐊᕐᕌᒍᓄᑦ ᐱᖓᓱᓄᑦ ᐊᐅᓚᓂᓕᒃ ᑲᓇᑕᓕᒫᒧᑦ ᖃᐅᔨᓴᕐᕕᑦ ᐱᓕᕆᕕᖓᒍᑦ ᑭᓐᓇᐅᔭᖃᖅᑎᑕᐅᓪᓗᓂ ᐱᓕᕆᐊᖅ ᑕᑯᒋᐊᕐᓂᖃᓪᓗᐊᑕᖅᑐᖅ ᓴᖅᑮᒋᐊᕐᓂᕐᒥ ᐱᐅᓂᖅᓴᒃᑯᑦ ᑐᑭᓯᐅᒪᓂᕐᒥ ᐊᑦᑐᐃᓂᖃᓲᓄᑦ ᐅᑯᓄᖓᓪᓗᐊᑕᖅ: 1) ᓂᖀᑦ; 2) ᐃᒪᖅ; 3) ᐊᐅᒻᒪᖅᑯᑎᓯᐅᑎᓂᑦ ᐊᑐᐃᓐᓇᖃᑦᑎᐊᖅᓂᖅ ᐊᒻᒪᓗ 4) ᓄᓇᒥᑲᐅᑎᒋᔪᑦ ᑭᓱᒃᑯᑖᓂᑦ ᓴᖅᑮᒋᐊᕐᓂᖅ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᑉ ᖃᓂᒋᔮᓂᑦᑐᓂᑦ ᓄᓇᓕᐅᔪᓂᑦ.

ᐊᑯᓂᐅᓂᕆᒐᔭᖅᑕᖓ:
2012ᒥᑦ - ᑲᔪᓯᕙᓪᓕᐊᑐᐃᓐᓇᖅᑐᖅ
ᐱᓕᕆᐊᒧᑦ ᓯᕗᓕᖅᑏᒃ:
ᑲᑑᕋᓐ ᒪᒃᐅᐃᓕᐊᔅ, ᑭᐊᕙᓐ ᑯᕉᔪᓪ - ᓯᓚᑦᑐᖅᓴᕐᕕᔪᐊᖓ ᓯᑲᑦᓱᐅᐋᓐ
ᑐᑭᓯᒋᐊᕐᕕᒃᓴᖅ

ᖃᖓᑦᑕᖅᑎᑕᐅᓯᒪᔪᑎᒍᑦ ᖃᐅᔨᓴᕐᓂᖅ ᓄᓇᕐᔪᐊᓕᒫᒧᖓᔪᓪᓗᓂ ᖃᐅᔨᓴᐅᑏᑦ ᖃᐅᔨᓇᓱᑎᑦ ᓯᓚᕐᔪᐊᑉ ᐊᕙᑎᒋᔭᖓᓂᑦ. ᑲᓇᑕᐅᑉ ᐱᖃᑕᐅᓂᖓ ᓄᓇᕐᔪᐊᓕᒫᒧᖓᔪᖅ ᐱᓕᕆᖃᑎᖃᕐᓂᒃᑯᑦ ᑲᓇᑕᒥ ᐱᓕᕆᕕᓖᑦ ᐅᑯᓇᓃᑦᑐᓂᑦ: ᓴᒃᑲᑑᓐ, SK; ᑲᖏᖅᑐᒑᐱᒃ, NU; ᐳᕇᓐ ᔪᐋᔾ, BC; ᑲᖏᖅᖠᓂᖅ, NU; ᐊᒻᒪᓗ ᐃᓅᕕᒃ, NWT.

ᐊᑯᓂᐅᓂᕆᒐᔭᖅᑕᖓ:
2016ᒥᑦ 2018ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᔪᐊᔾᔨ ᐅᐃᓐᔫᓪ - ᒪᒡᒋᐅᓪ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ

ᑕᑯᒋᐊᕐᓂᕆᔭᖓᓕ ᑕᒃᓱᒪ ᖃᐅᔨᓴᕐᓂᐅᑉ ᓴᖅᑮᒋᐊᕐᓂᖅ ᓄᑖᖑᔪᓂᑦ ᑐᑭᓯᔾᔪᑎᒃᓴᓂᑦ ᓂᕿᓂᑦ ᓴᖅᑮᓂᕐᒥ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥ ᓄᓇᓕᓐᓂ. ᐆᒪᔪᕋᓱᑦᑕᒥᓂᕐᓄᑦ ᖃᐅᔨᓴᕐᓂᒥᓂᑦ ᐱᓕᕆᐊᒥᓂᐅᒐᓗᐊᖅᑎᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓄᑦ 1980 ᐊᕐᕋᒍᖏᓐᓂᑦ ᐊᒻᒪᓗ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓄᑦ 1990 ᐊᕐᕋᒍᖏᓐᓂᑦ, ᑕᒃᑯᐊ ᖃᐅᔨᓴᕐᓃᑦ ᓴᓇᔭᐅᓯᒪᔪᕗᑦ ᐊᑐᐃᓐᓇᕈᐃᓂᕐᒥ ᑐᑭᓯᔾᔪᑎᓂᑦ ᐆᒪᔪᓕᕆᓂᕐᒥ ᐊᐅᓚᑦᑎᔨᐅᓂᕐᒥ.

ᐊᑯᓂᐅᓂᕆᒐᔭᖅᑕᖓ:
2014ᒥᑦ 2016ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᒫᑎᐅ ᐊᓪᑭᐅᕇ - ᓯᓚᑦᑐᖅᓴᕐᕕᔪᐊᖓ ᐅᐋᓯᓐᑖᓐ
ᑐᑭᓯᒋᐊᕐᕕᒃᓴᖅ

ᐱᔾᔪᑎᖓᓕ ᐱᓕᕆᐊᖑᔪᑦ ᓄᐊᑦᑎᓂᖅ ᐃᒥᕐᒥ ᖃᐅᔨᓴᖅᑕᒥᓂᕐᓂᑦ ᐊᔾᔨᒌᖏᑦᑐᑕᓂᑦ 7ᓂᑦ ᑰᖑᔪᓂᑦ ᐊᒻᒪᓗ ᐊᑦᑐᐃᓂᕆᔭᖏᑎᒍᑦ ᓄᓇᐅᓂᕐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ ᑐᑭᓯᔾᔪᑎᒋᓇᓱᑦᑐᒍ ᐱᑕᖃᓲᖑᒻᒪᖓᖅ ᐅᕙᓘᓐᓃᑦ ᐱᑕᖃᓲᖑᖏᒻᒪᖓᖅ ᐃᒪᕐᓗᕐᓂᑦ ᑭᓱᒃᑯᑕᓂᑦ ᐊᔾᔨᒌᖏᑦᑐᑕᓂᑦ ᐊᖏᓂᖅᓴᓂᙵᖅᑐᓂᑦ ᐊᒡᒍᖅᐸᓯᐊᑕ ᐊᒥᐊᓕᑲᐅᑦ ᑰᖏᑕ ᓱᕐᓗᖃᐃ ᒪᑳᓐᓯ ᐊᒻᒪᓗ ᔨᐅᑳᓐ ᑰᖏᒃ.

ᐊᑯᓂᐅᓂᕆᒐᔭᖅᑕᖓ:
2015ᒥᑦ 2018ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᐊᑑᕆ ᓯᑎᓐᕖᒃ - ᑕᐆᓪᕼᐆᔅ ᓯᓚᑦᑐᖅᓴᕐᕕᔪᐊᖓ ᐊᒻᒪᓗ ᐊᐃᒡᒐ ᓴᖑᔭ - ᑲᖏᖅᑐᒑᐱᖕᒥ ᐊᓂᐊᑦᑕᐃᓕᒪᓂᕐᒧ ᑭᒡᒐᖅᑐᐃᔨᒃ
ᑐᑭᓯᒋᐊᕐᕕᒃᓴᖅ

ᐊᓴᐱᑖᕐᓂᖅ ᐅᓗᕆᐊᓇᒻᒪᕆᑦᑐᖅ ᐃᓄᐃᑦ ᓄᓇᓕᖏᓄᑦ, ᐊᒻᒪᓗ ᓄᓇᓕᓕᒫᑦ ᐊᔾᔨᒋᖏᑦᑐᑕᐅᓂᖏᓄᑦ, ᖃᓄᖅ ᓄᓇᓖᑦ ᐱᕙᒋᔭᖅᓯᒪᖕᒪᖔᑕ ᖃᐅᔨᒪᙱᓚᒍᑦ ᐊᓴᐱᓕᕆᓂᕐᒥ. ᐱᔾᔪᑎᓪᓗᐊᑕᖓ ᖃᐅᔨᓴᕐᓂᖅ ᐃᑲᔪᖅᓰᒐᔭᖅᑐᒥᒃ ᐃᓄᐃᑦ ᓄᓇᓕᖏᓐᓂᑦ ᓇᓗᓇᐃᖅᓯᓂᕐᒥ ᖃᓄᖅ ᐱᕙᒋᔭᖅᓯᒪᖕᒪᖓᖅ ᐊᓴᐱᓕᕆᓂᕐᒥ ᓄᓇᓕᖕᒥ ᐱᕙᒋᔭᐃᓯᒪᓂᕐᒥ.

ᐊᑯᓂᐅᓂᕆᒐᔭᖅᑕᖓ:
2009ᒥᑦ ᐊᒻᒪᓗ ᑲᔪᓯᕙᓪᓕᐊᖏᓇᖅᑐᖅ
ᐱᓕᕆᐊᒧᑦ ᓯᕗᓕᖅᑏᒃ:
ᐄᓴ ᕿᓪᓚᖅ, ᓯᐅᕆ ᒋᐅᕼᐆᑦ - ᐃᑦᑕᖅ, ᓯᓚᑦᑐᖅᓴᕐᕕᔪᐊᖓ ᑲᓗᕌᑐ
ᑐᑭᓯᒋᐊᕐᕕᒃᓴᖅ

ᐱᒋᐊᕐᓯᒪᔪᖅ 2009ᒥᑦ, ᐃᑦᑕᖅ ᐱᓕᕆᖃᑎᖃᖅᑐᓂ ᓄᓇᓖᑦ ᐆᒪᔪᕋᓱᑦᑎᖏᓐᓂᑦ ᐊᒻᒪᓗ ᐃᓐᓇᑐᖃᕐᓂᑦ ᐱᓕᕆᖃᑎᖃᖅᑐᑏᑦ ᖃᐅᔨᓴᖅᑎᓂᑦ ᓯᓚᑦᑐᖅᓴᕐᕕᔪᐊᒦᙵᖅᑐᓂᑦ ᑲᓗᕌᑐ ᕙᐅᓪᑑ ᐊᒻᒪᓗ ᑲᓗᕌᑐᑉ ᓯᓚᑦᑐᖅᓴᕐᕕᕐᔪᐊᖓᓂᑦ ᓴᖅᑭᓪᓗᑎᓪᓗ ᓯᓚᓕᕆᔩᑦ ᐱᓕᕆᐊᖓᓂᑦ.

ᐊᑯᓂᐅᓂᕆᒐᔭᖅᑕᖓ:
2015ᒥᑦ ᐊᒻᒪᓗ ᑲᔪᓯᕙᓪᓕᐊᖏᓇᖅᑐᖅ
ᐱᓕᕆᐊᒧᑦ ᓯᕗᓕᖅᑏᒃ:
ᐅᓛᕗᑦ ᑲᐅᑐᖅ ᐊᒻᒪᓗ ᓯᐅᕆ ᒋᐅᕼᐆᑦ - ᐃᑦᑕᖅ
ᑐᑭᓯᒋᐊᕐᕕᒃᓴᖅ

ᐅᑭᐊᒃᓵᖓᑕ 2015, ᐃᑦᑕᖅ ᓴᖅᑭᑦᑎᔪᕗᖅ ᖃᕋᓴᐅᔭᒃᑯᑎᒍᑦ ᓄᓇᙳᐊᓕᕆᔾᔪᑎᓕᖕᒥ ᐱᓕᕆᐊᒥᒃ ᖃᐅᔨᒪᔮᕆᔭᕐᓂᑦ ᑲᖏᖅᑐᒑᐱᐅᑉ ᐊᕙᑎᐊᒎᖅᑐᓂᑦ ᐊᑐᖅᑕᐅᓲᓂᑦ ᑐᕌᖓᓪᓗᐊᑕᖅᑐᓂᑦ ᐱᓕᕆᓂᖃᓲᓄᑦ. ᐱᒋᐊᖅᑎᓯᒪᓂᓕᖕᒥ ᑕᑯᒋᐊᕐᓯᒪᓂᕐᒥ ᐃᒪᕐᒥ ᐊᕙᑎᐅᔪᒥᑦ, ᐊᕐᕌᒍᐃᑦ ᐊᒡᒋᖅᑐᓄᑦ ᐊᑐᕐᓂᖃᕐᓂᐊᖅᑐᒥᑦ, ᐊᖅᑭᒃᓱᐃᓂᖃᕐᓂᐊᖅᐳᒍ ᖃᐅᔨᒪᔮᕆᔭᕐᓂᑦ ᐊᒻᒪᓗ ᐃᓚᓕᐅᔾᔨᓗᑕ ᓄᑖᓂᑦ ᐃᓚᓕᐅᑎᔭᒃᓴᓂᑦ ᑭᓱᒃᑯᑖᓂᙵᖅᑐᓂᑦ.