ᐅᐊᑦᑎᐊᕈᒥᓂᑦ ᐱᓕᕆᐊᖑᖃᑦᑕᖅᓯᒪᓕᖅᑐᑦ

ᐃᑦᑕᕐᒥ ᐊᔾᔨᒌᖏᑦᑐᑕᓂᑦ ᓄᓇᓕᑦᑎᒍᖅᑐᓂᑦ ᐱᓕᕆᐊᖃᓲᖑᕗᒍᑦ ᐊᒻᒪᓗ ᐊᐅᓚᑦᑎᖃᑕᐅᓲᖑᓪᓗᑕ ᐊᔾᔨᒌᖏᑦᑐᑕᓂᑦ ᐳᓚᕆᐊᖅᓯᒪᔪᓂᑦ ᖃᐅᔨᓴᖅᑎᓂᑦ ᐱᓕᕆᖃᑎᖃᖅᑐᑕ.

ᐱᓕᕆᖃᑎᖃᓪᓗᐊᑕᓲᖑᔪᒍᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᖏᓐᓂᑦ ᐃᑲᔪᖅᓰᓂᒃᑯᑦ ᐃᓕᓐᓂᐊᕋᒃᓴᓂᑦ, ᐃᓕᖅᑯᓯᑐᖃᖅᑎᒎᖅᑐᓂᑦ, ᐅᖃᐅᓯᕐᒥ, ᓄᓇᓕᐅᑉ ᓯᓚᑖᒍᖅᑐᓂᑦ ᐱᓕᕆᐊᓂᑦ, ᐊᒻᒪᓗ ᒪᒥᓴᕐᓂᕐᑎᒍᑦ ᐱᓕᕆᐊᓂᑦ ᐊᒻᒪᓗ ᐃᓕᓐᓂᐊᒐᒃᓴᓂᑦ. ᑕᑯᒋᐊᕈᒃ www.ilisaqsivik.ca ᐃᓕᒃᑲᓐᓂᕐᓂᐊᕋᕕᒃ ᑕᒃᑯᐊ ᖃᓄᐃᓕᐅᖅᑕᐅᓲᑦ ᒥᒃᓴᓅᖓᔪᓂᑦ.

ᐊᑯᓂᐅᓂᕆᒐᔭᖅᑕᖓ:
2006ᒥᑦ 2013ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᓯᐅᕆ ᒋᐅᕼᐆᑦ - ᐃᑦᑕᖅ ᐊᒻᒪᓗ ᓯᓚᑦᑐᖅᓴᕐᕕᔪᐊᖓ ᑳᓗᕋᑐ ᐊᒻᒪᓗ ᓕᓃ ᑭᐅᓪᓵᓐ ᕼᐋᒻ - ᐃᓄᐃᑦ ᐅᑭᐅᖅᑕᖅᑐᖓᓂᑦ ᑲᑎᒪᔨᖏᑦ ᐊᑯᑭᑦᑐᐃᑦ ᓄᓈᓐᓂ
ᑐᑭᓯᒋᐊᕐᕕᒃᓴᖅ

ᓯᑯ-ᐃᓄᐃᑦ-ᕼᐄᓚ (ᓯᑯ-ᐃᓄᐃᑦ-ᓯᓚᐅᔪᖅ) ᐱᓕᕆᐊᖅ ᑲᑎᙵᔪᓂᑦ ᐱᖃᑕᐅᑎᑦᑎᔪᖅ ᐃᓐᓇᑐᖃᕐᓂᑦ ᐊᒻᒪᓗ ᐊᖑᓇᓱᑦᑎᓂᑦ ᓄᓇᖃᖅᑐᓂᑦ ᕙᐅᓪᕉᓪ (ᐋᓚᒃᑳ), ᑲᖏᖅᑐᒑᐱᒃ (ᓄᓇᕗᑦ) ᐊᒻᒪᓗ ᖄᓈᖅ (ᐊᑯᑭᑦᑐᐃᑦ ᓄᓈ) ᐳᓚᕆᐊᓲᓂᑦ ᖃᐅᔨᓴᖅᑎᒻᒪᕆᓂᑦ ᐱᓕᕆᖃᑎᒌᑦᑐᑎᑦ ᖃᐅᔨᓴᕐᓂᖃᓲᑦ ᓯᑯᑉ ᒥᒃᓵᓄᓪᓗ ᓄᐊᑦᑎᔨᐅᓲᖑᓪᓗᑏᑦ. ᑲᑎᙵᓪᓗᑏᑦ, ᐱᓕᕆᖃᑎᒌᑦ ᐊᐅᓪᓚᖃᑎᒌᔪᕗᑦ ᐊᑐᓂᑦ ᐱᖓᓱᓄᑦ ᓄᓇᓕᖏᑕ ᐃᓂᖃᕐᕕᖏᓄᑦ ᐊᒻᒪᓗ ᑲᑎᖃᑎᖃᖅᐸᑦᑐᑏᑦ ᓄᓇᓕᖕᓂ ᖃᐅᔨᒪᔨᒻᒪᕆᐅᔪᓂᑦ.

ᐊᑯᓂᐅᓂᕆᒐᔭᖅᑕᖓ:
2014ᒥᑦ 2015ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᓲᓴᐃᓐ ᕼᐋᓪᕕᐃᑲ - ᒪᒡᒋᐅᓪ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ

ᐅᓪᓗᒥᐅᔪᒧᑦ ᒪᓕᑦᑐᒍ, ᖃᐅᔨᓴᕐᓂᖅ ᓄᓇᐅᓂᕐᒥ ᐃᓕᖅᑯᓯᑐᖃᖅᑎᒍᑦ ᖃᐅᔨᓴᕐᓃᑦ ᐊᒥᓲᓗᐊᖅᓯᒪᙱᓚᑦ, ᐊᒻᒪᓗ ᑕᑯᒃᓴᕈᐃᓪᓗᓂ, ᐊᖅᑭᒃᓱᖅᓯᒪᔪᑎᒍᑦ, ᐊᖅᑭᒃᓱᖅᓯᒪᑦᑎᐊᖏᒻᒪᕆᑦᑐᓂᑦ ᐃᓄᐃᑦ ᓴᓇᓯᐅᖏᓐᓂᑦ ᓄᓇᒥᑦᑐᓂᑦ ᐊᒻᒪᓗ ᐃᒡᓗᖃᕐᕕᑦᑎᒍᑦ ᓴᓇᕕᐅᓲᓂᑦ.

ᐊᑯᓂᐅᓂᕆᒐᔭᖅᑕᖓ:
2008ᒥᑦ 2012ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᒫᑕ ᑕᐅᔅᓖ - ᓚᐃᒃᕼᐄᐊᑦ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ

ᑐᕌᒐᖓᓕ ᐱᓕᕆᐊᖑᔪᑦ ᖃᐅᔨᓴᕐᓗᓂ ᐊᕐᓇᐃᑦ ᖃᓄᐃᓕᐅᓲᖏᓐᓂᑦ ᐊᑦᑐᐃᓂᓕᖕᓂᑦ ᐆᒪᔪᕋᓱᖕᓂᕐᒥ ᐊᒻᒪᓗ ᓂᕿᓕᕆᔾᔪᑎᓂᑦ ᐃᓄᒃᓯᐅᑎᓂᑦ ᐊᒻᒪᓗ ᑭᓱᒃᑯᑖᓂᑦ.

ᐊᑯᓂᐅᓂᕆᒐᔭᖅᑕᖓ:
2006ᒥᑦ 2010ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᓯᐅᕆ ᒋᐅᕼᐆᑦ - ᐃᑦᑕᖅ, ᐊᒻᒪᓗ ᑲᓚᑎᐅᓪ ᐊᐳᐊᕐᑕ - ᑲᓗᑖᓐ ᓯᓚᑦᑐᖅᓴᕐᕕᔪᐊᖓ
ᑐᑭᓯᒋᐊᕐᕕᒃᓴᖅ

ᐃᓄᒃᑎᑐᑦ ᐅᖃᕐᓗᒍ, ᐃᒡᓕᓃᑦ ᐱᒃᓯᖃᖅᑐᖅ ᐃᒡᓕᓃᑦ ᐊᐅᓪᓚᖅᓯᒪᔪᓄᑦ ᐊᑐᖅᑕᐅᓲᑦ. ᐊᒥᓱᒻᒪᕆᑦ ᐃᒡᓕᓂᕆᔭᐅᓲᑦ ᖃᐅᔨᒪᔭᐅᔪᑦ ᐊᒻᒪᓗ ᐊᑐᖅᑕᐅᖃᑦᑕᖅᓯᒪᔪᑦ ᐃᓄᖕᓄᑦ ᐊᒻᒪᓗ ᑕᒃᑯᐊ ᐃᒡᓕᓃᑦ ᑲᓇᑕᐅᑉ ᐅᑭᐅᖅᑕᖅᑐᖏᓐᓂᑦᑐᓂᑦ ᐃᓂᖃᕐᑑᓪᓗᑎᑦ ᐊᒻᒪᓗ ᐅᑭᐅᖅᑕᖅᑐᒥᑦ. ᐃᓂᖃᕐᕕᖓ, ᐊᑐᖅᑕᐅᓂᖓ, ᖃᓄᐃᓕᖓᓂᖓ, ᐊᒻᒪᓗ ᐊᓯᔾᔨᖅᓯᒪᓂᖏᑦ ᐃᒡᓕᓃᑦ ᐊᒻᒪᓗ ᐃᓂᒋᔭᖏᑦ ᐃᑲᔪᕐᓂᖃᕈᓐᓇᖅᑐᑦ ᑐᑭᓯᔾᔪᑎᒋᓗᑎᒍ ᐊᕙᑎᒋᔭᑦᑎᖕᓂᑦ ᐊᒻᒪᓗ ᐃᓄᑦᑎᒍᑦ ᐊᕙᑎᐅᓂᕐᒥ ᐱᓕᕆᓂᐅᔪᓂᑦ.

ᐊᑯᓂᐅᓂᕆᒐᔭᖅᑕᖓ:
2009ᑦ 2012ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᓯᑎᕙᓐ ᓯᐊᐳᑦ - ᓯᓚᑦᑐᖅᓴᕐᕕᔪᐊᖓ ᕗᕆᔅ ᑲᓚᓐᕕᐊ
ᑐᑭᓯᒋᐊᕐᕕᒃᓴᖅ

ᐱᓕᕆᐊᖑᔪᖅ ᑕᓐᓇ, ᓯᕗᓕᖅᑕᐅᓯᑰᔪᖅ ᐱᓕᕆᖃᑎᒌᓐᓂᒃᑯᑦ ᓄᓇᓕᕆᓂᕐᒥ ᐸᕐᓇᐃᓂᕐᒥ ᓯᓚᑦᑐᖅᓴᕐᕕᔪᐊᖓᒍᑦ ᕗᕆᔅ ᑲᓚᓐᕕᐊ, ᐱᕕᖃᓚᐅᖅᓯᒪᔪᖅ 2009ᒥᑦ 2012ᒧᑦ. ᐱᔾᔪᑎᒋᔪᔭᖓᓕ ᐱᓕᕆᐊᖑᔪᑉ ᓴᖅᑮᒋᐊᕐᓂᖅ ᐊᒻᒪᓗ ᖃᐅᔨᓴᕐᓂᖅ ᐊᑐᑦᑎᐊᖅᑐᒥᒃ ᑕᑯᓐᓇᙳᐊᕋᒃᓴᒥᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄ ᖃᓄᖅᑑᕆᐊᕐᓂᕐᒥ ᐅᑭᐅᖅᑕᖅᑐᒥ.

ᐊᑯᓂᐅᓂᕆᒐᔭᖅᑕᖓ:
2009ᒥᑦ 2011ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᔮᓐ ᑯᐅᓐ, ᒧᐊᕇᓐ ᐅᕇᑦ - ᓯᓚᑦᑐᖅᓴᕐᕕᔪᐊᖓ ᓯᑲᑦᓲᖓᐊᓐ
ᑐᑭᓯᒋᐊᕐᕕᒃᓴᖅ

ᐱᔾᔪᑎᒋᔭᖓᓕ ᖃᐅᔨᓴᕐᓂᐅᑉ ᐱᓕᕆᐊᖑᔪᑦ ᐅᐊᑦᑎᐊᕈᓂᑦ ᐃᒐᓕᖅᑑᖅ ᐊᓯᐅᔨᕕᐅᑦᑕᐃᓕᒪᔪᒪᓪᓗᓂ. ᐊᐱᖅᓱᕐᓃᑦ ᐊᑐᖅᑕᐅᔪᕗᑦ ᑭᒡᒐᖅᑐᐃᔪᓂᑦ ᐊᔾᔨᒌᖏᑦᑐᑕᓂᑦ ᓄᓇᓕᓐᓂᖔᖅᑐᓂᑦ, ᓄᓇᕗᒻᒥᖔᖅᑐᓂᑦ, ᐊᒻᒪᓗ ᑲᓇᑕᓕᒫᒃᑯᖓᔪᓂᑦ. ᑕᑯᒋᐊᙳᐊᕈᑎᒃᓴᑦ ᐱᖃᓯᐅᔾᔨᓯᒪᕗᑦ ᐃᒐᓕᖅᑑᖅ ᑲᑎᒪᔨᕋᓛᖏᑎᒍᑦ, ᑲᓇᑕᒥᒃ ᐊᓯᐅᔾᔭᖅᑎᑦᑎᔨᑦ ᑲᑐᔾᔨᖃᑎᒌᖏᒍᑦ, ᒥᙳᐃᖅᓯᕐᕕᓕᕆᔨᒃᑯᑦ ᑲᓇᑕᒥ, ᐊᒻᒪᓗ ᑲᓇᑕᒥ ᐆᒪᔪᓕᕆᓂᕐᒥ ᐱᔨᑦᑎᕋᖅᑎᒃᑯᓄᑦ.

ᐊᑯᓂᐅᓂᕆᒐᔭᖅᑕᖓ:
2013ᒥᑦ 2015ᒧᑦ
ᐱᓕᕆᐊᒧᑦ ᓯᕗᓕᖅᑏᒃ:
ᒪᒡᒐᓖ ᖁᐃᓐᑎᐊᓪ-ᒪᕆᓐᓂᐊᔾ - ᒪᒡᒋᐊᓪ ᓯᓚᑦᑐᖅᓴᕐᔪᐊᖓ
ᑐᑭᓯᒋᐊᕐᕕᒃᓴᖅ

ᐊᕐᕌᒍᒐᓴᓗᖕᓂᑦ, ᐃᓅᓯᖏᑦ ᓄᓇᖃᖅᑳᖅᓯᒪᔪᑦ, ᐃᖅᑭᓖᑦ ᐊᒻᒪᓗ ᐃᓄᐃᑦ ᐊᕐᓇᖏᑕ ᓂᐱᖃᖏᑦᑐᐊᓘᖃᑦᑕᖅᓯᒪᕗᑦ. ᐅᑭᐅᖅᑕᖅᑐᒥᓪᓕ ᖃᐅᔨᓴᕐᓂᖅ ᖁᕙᓯᓕᖅᐸᓪᓕᐊᓯᒪᑎᓪᓗᒍ, ᐊᒥᓲᖏᑦᑐᓂᑦ ᑕᑯᒋᐊᕐᓂᕐᓂᑦ ᐱᑕᖃᕐᓯᒪᕗᖅ ᐅᑭᐅᖅᑕᖅᑐᒥ ᐊᕐᓇᐃᑦ ᐱᓕᕆᔾᔪᑎᖏᓐᓂᑦ.