ᑕᕐᕆᔮᒃᓴᓕᕆᓂᖅ

ᐃᑦᑕᖅ ᐊᖏᕐᕋᕆᔭᐅᕗᖅ ᓴᙱᔪᒻᒪᕆᓄᑦ ᐱᓕᕆᕕᓄᑦ ᐅᐱᒋᑦᑎᐊᖅᑐᑎᒍᓪᓗ ᐃᑲᔪᖅᓰᓂᖏᓄᑦ ᐃᓄᖕᓄ ᐊᖅᑭᒃᓱᖅᑕᒥᓂᕐᓂ ᑕᕐᕆᔮᒃᓴᓂᑦ, ᐊᔾᔨᓕᐅᒐᓂᑦ, ᑕᓚᕖᓴᒃᑯᖅᑐᒃᓴᓂᑦ, ᐊᒻᒪᓗ ᖃᕋᓴᐅᔭᒃᑯᑦ ᐱᓕᕆᐊᖑᔪᓐᓇᖅᑐᓂᑦ. ᑕᕐᕆᔮᒃᓴᓕᕆᓂᒃᑯᑦ ᐱᓕᕆᐊᑦ ᑕᑯᒋᐊᕐᓂᖅᐹᕆᖃᑦᑕᖅᐸᕗᑦ ᐊᒻᒪᓗ ᖃᓄᐃᓕᐅᖅᑎᑦᑎᓂᒃᑯᑦ ᐱᓕᕆᐊᕆᓛᕆᓯᒪᓕᖅᑐᑎᒍᑦ ᐊᕐᕌᒍᑦ ᑕᓪᓕᒫᑦ ᖃᖏᖅᓯᒪᓕᖅᑎᓪᓗᒋᑦ. ᐃᑦᑕᕐᒥ ᐱᓕᕆᓪᓚᕆᓲᓂᑦ ᐃᖅᑲᓇᐃᔭᖅᑎᖃᖅᐳᒍ ᐊᒻᒪᓗ ᐱᓕᕆᔾᔪᑎᕗᑦ ᐃᑲᔪᖅᓯᓂᖃᑦᑎᐊᕈᓐᓇᖅᑐᑦ ᓴᖅᑭᔭᑦᑎᐊᖅᑐᓂᑦ ᑕᕐᕆᔮᒃᓴᓂᑦ ᐊᒻᒪᓗ ᓂᐱᑎᒍᑦ ᓴᖅᑭᑕᒥᓂᕐᓂᑦ ᐊᒻᒪᓗ ᐊᖅᑭᒃᓱᐃᒋᐊᕈᑎᖃᖅᑐᑕ ᐊᒻᒪᓗ ᐊᑐᕈᑎᒋᓲᕆᓪᓗᑎᒍ ᐱᓕᕆᖃᑎᖃᖅᑐᑕ ᑕᕐᕆᔮᒃᓴᓂᑦ ᐱᓕᕆᔨᐅᔪᓂᑦ ᓄᓇᕗᒻᒥ ᐊᒻᒪᓗ ᖃᓪᓗᓈᑦ ᓄᓇᖓᓂᖔᖅᓯᒪᔪᓂᑦ. ᐱᖃᓯᐅᑎᓪᓗᒋᓪᓗ ᑕᕐᕆᔮᒃᓴᓕᕆᓂᕐᒧ ᐱᔨᑦᑎᕋᕐᓂᕗᑦ, ᐃᑦᑕᖅ ᖃᕋᓴᐅᔭᒃᑯᑎᒍᑦ ᐱᔨᑦᑎᕋᖅᑎᐅᕗᖅ ᖃᕋᓴᐅᔭᒃᑯᑦ ᑐᒃᑕᕕᓕᓕᒫᓄᑦ ᑲᖏᖅᑐᒑᐱᖕᒥ.

ᐱᓕᕆᕕᑦᑎᖕᓂ ᐱᓕᕆᔾᔪᑎᓪᓚᕆᓂᑦ ᐱᑕᖃᐅᖅᐳᒍ ᓂᐱᓕᐅᕐᕕᖕᒥ, ᑕᕐᕆᔮᑎᒍᑦ/ᐊᔾᔨᓕᐅᒐᒃᑯᑦ/ᓂᐱᑎᒍᑦ ᐱᓕᕆᔾᔪᑎᓂᑦ, ᐊᒻᒪᓗ ᑕᕐᕆᔮᒃᓴᓂᑦ ᐊᖅᑭᒃᓱᐃᕕᖃᖅᑐᑕ. ᐊᒥᓲᔪᓂᑦ ᐱᓕᕆᖃᑎᖃᕐᓂᒃᑯᖅᑐᓂᑦ ᐱᓕᕆᐊᖃᖃᑦᑕᖅᓯᒪᓕᖅᐳᒍ. ᐃᓚᐃᓐᓇᖏᓪᓕ ᑕᑯᒋᐊᙳᐊᕈᑎᒃᓵᑦ ᐱᖃᓯᐅᔾᔨᕗᑦ ᑕᓚᕖᓴᒃᑯᑦ ᓄᓇᓕᖕᓄ ᑕᓴᒐᒃᓴᐃᑦ ᓄᓇᕗᑦ ᒐᕙᓚᒃᑯᖏ ᐊᓐᓂᐊᑦᑕᐃᓕᓕᕆᔨᒃᑯᖏᑎᒍᑦ ᐊᒻᒪᓗ ᐃᓄᓕᕆᔨᒃᑯᖏᑎᒍᑦ ᐊᒻᒪᓗ ᐊᓐᓂᐊᑦᑕᐃᓕᒪᓕᕆᔨᕐᔪᐊᒃᑯᑦ ᑲᓇᑕᒥ, ᑕᑯᒃᓴᐅᑲᐃᓐᓇᕐᓂᓖᑦ ᐊᒻᒪᓗ ᓇᐃᑦᑑᑕ ᑕᕐᕆᔮᒃᓴᑦ ᓄᓇᒥᑲᐅᑎᒋᔪᓄᑦ ᑭᓱᒃᑯᑖᖏᑕ ᑲᓇᑕᐅᑉ ᐊᒻᒪᓗ ᑲᓇᑕᓕᒫᒥ ᓄᓇᖃᖅᑲᖅᓯᒪᔪᑦ ᐊᓐᓂᐊᑦᑕᐃᓕᒪᓂᕐᒧ ᑲᑐᔾᔨᖃᑎᒌᑦ, ᐃᓄᒃᑎᑐᖓᓂᖏᑦ ᐅᐊᐳᔅ ᑲᖏᖅᑐᖓᑕ, ᓄᖅᑲᖓᓪᓗᑎ ᑕᑯᒃᓴᐅᑲᐃᓐᓇᖅᑐᓖᑦ ᐃᓚᒋᑎᒍᖅᑐᑦ ᑕᓚᕖᓴᒃᑯᑦ ᓴᖅᑭᔭᕐᓂᖃᓲᖅ APTN ᑕᑯᓐᓇᕈᑎᖓᒍᑦ, ᐊᒻᒪᓗ ᐊᓯᒃᑲᓐᓂᖏᑦ ᑕᕐᕆᔮᒃᓴᑦ, ᐱᖃᓯᐅᑎᓪᓗᒋᑦ ᕿᒻᒦᑦ: ᒪᕐᕈᐃᓃᖓᖅᑐᑦ ᓱᓕᓂᒃᑯᑦ ᐊᒻᒪᓗ ᓄᓇᕗᒻᒥ ᕿᒧᒃᓯᐅᔾᔪᐊᕐᓂᖅ: ᓱᒃᑲᓴᐅᑎᓂᖅ ᕿᑭᖅᑖᓗᒃᑯᖅᑐᓂ, ᑕᒪᑭ ᓄᓇᓕᖕᓂ ᑕᕐᕆᔮᒃᓴᓕᕆᓂᕐᒧ ᐱᓕᕆᕕᐅᑉ ᑲᒻᐸᓂᐅᔪᑦ ᐱᒃᓱᒃ ᑕᕐᕆᔮᒃᓴᓕᕆᔨᖏᑦ. 2013ᖑᑎᓪᓗᒍ, ᐃᑦᑕᖅ ᐃᖅᑲᓇᐃᔭᖅᑎᖏᑦ ᐃᑲᔪᖃᑕᐅᔪᒻᒥᔪᑦ ᐱᓕᕆᔨᖏᑕ IMAX ᐱᓕᕆᔨᖏᓐᓂᑦ ᓴᖅᑭᔭᖅᑎᑦᑎᔪᓂᑦ ᐱᑕᖃᕐᓂᐅᖏᑕ ᐅᑭᐅᖅᑕᖅᑑᑉ. ᑕᕐᕆᔮᒃᓴᓕᕆᓂᕐᒧ ᐱᓕᕆᕕᕗᑦ ᐃᓂᒋᔭᐅᖃᑦᑕᖅᓯᒪᖕᒥᔪᖅ ᑕᕐᕆᔮᒃᓴᑎᒍᑦ ᐊᒻᒪᓗ ᑕᓚᕖᓴᑎᒍᑦ ᐃᓕᓐᓂᐊᕋᒃᓴᓂᑦ ᓄᓇᕗᒻᒥᐅᑕᓄᑦ ᑐᕌᖅᑐᓂᑦ, ᐱᖃᓯᐅᑎᓪᓗᒍ ᓄᓇᕗᓕᒫᒧᖓᔪᖅ ᐃᓕᓐᓂᐊᕐᓂᖅ ᒪᑦᓯ 2009ᖑᑎᓪᓗᒍ, ᐊᒻᒪᓗ ᓄᓇᕗᓕᒫᒧᖓᔪᖅ ᐃᓕᓐᓂᐊᕐᓂᖅ ᒪᑦᓯ 2010ᖑᑎᓪᓗᒍ.

2014ᖑᑎᓪᓗᒍ, ᖃᕋᓴᐅᔭᔨᕆᔨᕗᑦ ᐊᒻᒪᓗ ᑕᕐᕆᔮᒃᓴᓂᑦ ᐊᐅᑦᑎᔨᐅᓲᖅ ᒪᐄᒃ ᔭᐃᐴᑎ, ᐊᖅᑭᒃᓱᐃᔪᕗᖅ ᑑᓂ: ᐅᑎᕐᓂᖅ ᐊᓂᕐᓂᕐᓘᒻᒥᙵᖅᑐᓂ. ᑑᓂ ᓴᓚᒃᓴᐅᑎᖃᔪᕗᖅ ᐊᖅᑭᒃᓱᑦᑎᐊᖅᓯᒪᓛᖅ ᑕᕐᕆᔮᒃᓴᕋᓚᓂᑦ ᓴᓚᒃᓴᐅᓯᐊᒧᑦ 2014ᒥᑦ ᔭᓗᓈᐃᒥᑦ ᓄᓇᕐᔪᐊᓕᒫᒥᑦ ᑕᕐᕆᔮᒃᓴᓕᕆᓂᖃᖅᑎᓪᓗᒋᑦ.

ᐃᑦᑕᖅ ᓴᖅᑭᓯᒪᓕᖅᑕᖏᑦ - ᑕᑯᒋᐊᕐᓃᑦ ᐱᓕᕆᐊᖑᓪᓗᐊᑕᓚᐅᖅᑐᓂᑦ

ᐊᖏᖅᓯᒪᓂᖅ ᐃᓕᓐᓂᐊᒐᒃᓴᓄᑦ ᐱᓕᕆᐊᒃᓴᓕᕆᓂᕐᒥ ᓄᓇᓕᓐᓂᒥᐅᑕᓄᑦ ᑐᕋᖅᑐᓂᑦ ᐊᒻᒪᓗ ᒪᒃᑯᑦᑐᓄᑦ, ᐊᑕᖏᖅᑐᒋᑦ ᓴᖅᑭᑎᓯᒪᔭᕗᑦ ᐱᖃᓯᐅᔾᔨᕙᑦᑐᒍ ᐃᓕᓐᓂᐊᖅᓯᓐᓈᖅᑐᓂ ᐱᓕᕆᕙᓪᓕᐊᓂᖅ ᐃᖅᑲᓇᐃᔭᖅᑐᓂ. ᑐᑭᓯᒋᐊᕐᕕᒋᒃᑲᓐᓂᖅᑎᒍᑦ ᑕᒃᑯᐊ ᓴᖅᑭᑎᑕᐅᖃᑦᑕᖅᓯᒪᔪᑦ ᒥᒃᓵᓄᖓᔪᓂᑦ ᐊᒻᒪᓗ ᐊᓯᒃᑲᓐᓂᖏᓐᓂ, ᐱᖃᓯᐅᑎᓗᒋᑦ ᓴᖅᑭᑦᑎᖃᑎᒋᓯᒪᔭᒃᑯᑦ ᐱᓕᕆᐊᒥᓃᑦ ᓱᕐᓗᖃᐃ ᐱᒃᓱᒃ ᑕᕐᕆᔭᒃᓴᓕᕆᔨᖏᑦ:

  • ᐊᖃᐅᑉ ᖃᐅᔨᒪᔭᐅᖏᓐᓂᖓ
  • ᓯᕗᓂᒃᓴᖃᑦᑎᐊᕐᓂᖅ ᓄᓇᓕᖕᓄᑦ ᑐᓴᒐᒃᓴᕆᔭᖅ ᓄᓇᕗᑦ ᐊᓐᓂᐊᑦᑕᐃᓕᕆᔨᒃᑯᖏᓐᓂᖔᖅᑐᑦ
  • ᕿᒻᒦᑦ: ᒪᕐᕉᖕᓂᒃ ᑐᓴᓂᖅ ᐊᑐᖅᑕᒥᓂᕐᓂᑦ
  • ᓄᓇᕗᒻᒥ ᕿᒧᒃᓯᐅᔾᔪᐊᕐᓂᖅ: ᓱᒃᑲᓴᐅᑎᓂᖅ ᕿᑭᖅᑖᓗᑦᑎᒍᖅᑐᒥ
  • ᐃᓄᐃᑦ ᕿᒻᒥᖏᑦ/ᕿᒥᓕᕆᓂᕐᒥ ᐃᓕᓐᓂᐊᕐᓂᖅ ᖃᐅᔨᒪᔮᕆᔭᕐᓂᑦ ᑐᕌᖅᑐᓂᑦ
  • ᕿᒧᒃᓯᙳᐊᖅᑐᓕᒃ ᐱᙳᐊᕈᑎᒃ
  • ᐃᒻᒥᓃᖅᑎᑦᑕᐃᓕᒪᓂᖅ ᑕᕐᕆᔭᒃᓴᖅ ᑲᓇᑕᓕᒫᒥ ᓄᓇᖃᖅᑳᖅᓯᒪᔪᓄᑦ ᐊᓐᓂᐊᑦᑕᐃᓕᕆᓂᕐᒧ ᑲᑐᔾᔨᖃᑎᒌᑦ
  • ᓄᓕᐊᕐᓂᑦᑎᒍᑦ ᐊᓐᓂᐊᑦᑕᐃᓕᒪᓂᕐᒧ ᑕᕐᕆᔭᒃᓴᖅ ᑲᓇᑕᓕᒫᒥ ᓄᓇᖃᖅᑳᖅᓯᒪᔪᓄᑦ ᐊᓐᓂᐊᑦᑕᐃᓕᕆᓂᕐᒧ ᑲᑐᔾᔨᖃᑎᒌᑦ
  • ᐃᖅᑲᓇᐃᔭᖅᑲᑎᒋᑦ ᐃᓕᓐᓂᐊᕐᓂᖏᑦ ᑕᕐᕆᔭᒃᓴᖅ ᐱᖅᑯᓯᓕᕆᕕᖕᒧᑦ
  • ᐱᔪᒥᓴᐃᓂᖅ ᑕᕐᕆᔭᒃᓴᖅ ᐱᖅᑯᓯᓕᕆᕕᖕᒧᑦ
  • ᐱᓕᕆᔨᐅᓂᕐᒧ ᐱᓕᕆᐊᓅᖓᔪᖅ ᐱᖅᑯᓯᓕᕆᕕᖕᒧᑦ
  • ᑑᓂ: ᐅᑎᕐᓂᖅ ᐊᓂᕐᓂᓪᓗᒻᒦᖓᖅᑐᓂ (ᐱᐅᓚᖅ ᑕᕐᕆᔭᒃᓴᓕᐊᖑᓯᒪᔪᓂᑦ, ᔭᓗᓇᐄᒥᑦ ᑕᕐᕆᔭᒃᓴᓕᕆᓂᕐᒥ, 2014)
  • ᐅᐊᐳᔅ ᑲᖏᖅᑐᖓ ᐃᓄᒃᑎᑑᖓᓂᖏᑦ ᑕᓚᕕᓴᒃᑯᑦ ᐊᒻᒪᓗ ᑕᕐᕆᔭᒃᓴᒃᑯᑦ
  • ᓯᒡᒐᓕᐅᖅᑐᖅᑕᐃᓕᒪᓂᕐᒨᖓᔪᑦ ᐱᖃᓯᐅᑎᓪᓗᒋᑦ ᓄᓇᓕᖕᓄᑦ ᑐᓴᒐᒃᓴᑦ ᓄᓇᕗᑦ ᑐᙵᕕᒃᑲᓐᓃᙵᖅᑐᑦ
  • ᐃᓱᒪᓕᕆᓂᕐᒨᖓᔪᑦ ᓄᓇᓕᓐᓄᑦ ᑐᓴᒐᒃᓴᑦ ᓄᓇᕗᑦ ᒐᕙᒪᒃᑯᖏᑕ ᐊᓐᓂᐊᑦᑕᐃᓕᒪᓕᕆᔨᒃᑯᑦ
  • ᑎᒥᑦᑎᒍᑦ ᓱᑲᖃᓗᐊᖅᑎᑦᑎᑕᐃᓕᒪᓂᖅ ᓄᓇᓕᓐᓄᑦ ᑐᓴᒐᒃᓴᖅ ᓄᓇᕗᑦ ᒐᕙᒪᒃᑯᖏᑕ ᐊᓐᓂᐊᑦᑕᐃᓕᒪᓕᕆᔨᒃᑯᑦ
  • ᐃᒥᐊᓗᑦᑎᒍᑦ ᐊᑦᑐᐃᔪᓐᓇᕐᓂᖓᓅᖓᕈᓗᐃᔭᖅᑐᑦ ᑕᕐᕆᔭᒃᓴᑦ ᓄᓇᕗᑦ ᒐᕙᒪᒃᑯᖏᑕ ᐊᓐᓂᐊᑦᑕᐃᓕᒪᓕᕆᔨᒃᑯᑦ
  • ᐃᖅᑲᓇᐃᔭᓛᕐᓗᓂ ᐱᕙᒋᔭᕐᓂᖅ ᐱᓕᕆᐊᖅ ᓄᓗᔮᖕᓂᑦ ᐱᓕᕆᔨᐅᔪᓄᑦ
  • ᐃᓕᖅᑯᓯᑐᖃᖅᑎᒍᑦ ᐃᓕᓐᓂᐊᕈᑎᒃᓴᓄᑦ ᐱᓕᕆᐊᑦ ᓄᓗᔮᖕᓂ ᐱᓕᕆᔨᐅᔪᓄᑦ
  • ᐅᑭᐅᑭᓗᐊᖅᑐᓄᑦ ᐱᕋᔭᑦᑕᐃᓕᒪᑎᑦᑎᓂᖅ ᐅᖃᓪᓚᕕᑦᑎᒍᑦ ᓄᓇᕗᑦ ᒐᕙᒪᒃᑯᖏᑕ ᒪᓕᒐᓕᕆᔨᒃᑯᑦ