ᐃᓄᐃᑦ ᖃᐅᔨᓴᖅᑐᓕᕆᓂᕐᒥᑦ ᑐᑭᒧᐊᑦᑎᑎᕙᓪᓕᐊᔪᑦ, ᓄᓇᒥᑦ ᐊᐅᓪᓚᖅᓯᒪᓂᕐᒥᑦ ᐱᓕᕆᐊᑦ ᐊᒻᒪᓗ ᐊᔾᔨᒌᖏᑦᑐᓂᑦ ᑕᑯᔭᒃᓴᓕᐅᖅᐸᓪᓕᐊᔪᑦ.
ᐃᑦᑕᒃᑯᑦ ᐃᓄᖕᓂᑦ ᐱᓕᕆᔨᖃᖅᑐᑎᑦ ᖃᐅᔨᓴᕐᓂᕐᒧᑦ ᐊᑐᐊᒐᓕᐅᖅᐸᓪᓕᐊᔪᑦ, ᐊᔾᔨᒌᖏᑦᑐᓂᑦ ᑕᑯᔭᒃᓴᓕᐅᖅᐸᑦᑐᑎᓪᓗ, ᓄᓇᒥᓪᓗ ᐊᐅᓪᓚᐅᔾᔨᓂᓕᕆᓂᖅ ᐊᒻᒪᓗ ᐱᖅᑯᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐱᓕᕆᑎᑦᑎᕙᑉᐳᑦ.
ᐱᒻᒪᕆᐅᒋᔭᖃᖅᐳᒍᑦ ᐃᓄᖕᓂᑦ ᓇᖕᒥᓂᖅ ᐃᓱᒪᒋᔭᖏᓐᓂᑦ ᐱᔪᒪᔭᖏᓐᓂᑦ ᐱᔪᓐᓇᖅᓯᑦᑎᐊᕈᓐᓇᖅᓯᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐃᓄᖕᓄᑦ ᐃᖅᑲᓇᐃᔭᖅᑎᑦᑎᔪᓐᓇᕐᓂᕐᒧᑦ ᑐᕋᐅᒪᕙᓪᓕᐊᓪᓗᑕ.
ᖃᐅᔨᒪᓂᕆᔭᐅᔪᑦ ᐊᑐᖅᑐᑎᒍ ᐱᓕᕆᐊᖑᕙᑦᑐᓂᑦ ᐊᐅᓚᔾᔭᐃᕙᑉᐳᒍ, ᐱᓕᕆᐊᒃᓴᓂᑦ ᓴᖅᑮᕙᑦᑐᑕ, ᐃᓕᓐᓂᐊᖅᑎᑦᑎᔾᔪᑎᐅᔪᓂᓪᓗ ᐊᒻᒪᓗ ᐃᖅᑲᓇᐃᔭᖅᑎᑦᑎᓂᕐᒧᑦ ᓄᓇᖅᑲᑎᑦᑎᓐᓂᑦ ᐃᑲᔪᖅᑐᑕ, ᐃᑲᔪᖅᓱᐃᕙᑦᑐᑕᓗ ᓄᓇᖅᑲᑎᒋᙱᑕᕋᓗᐊᑦᑎᓐᓂ.
ᐃᑦᑕᒃᑯᑦ ᑐᓴᒐᔅᓴᖁᑎᖏᑦ
ᐋᒡᒌᓯ 2026−ᒥ, ᐊᖑᓇᓱᒃᑎᑦ ᖃᖅᑯᖅᑐᓕᐊᓚᐅᖅᐳᑦ, ᑲᓛᖦᖡᑦ ᓄᓇᖓᓄᑦ, ᐊᖑᓇᓱᒃᑎᓂᒃ ᐃᖃᓗᒐᓱᒃᑎᓂᒡᓗ ᑲᑎᙵᑎᑦᑎᔭᖅᑐᖅᖢᑎᒃ. ᐱᔾᔪᑎᒋᔭᖓ ᑲᑎᙵᓂᐅᔪᒥ ᑕᐅᖅᓰᖃᑦᑕᐅᑎᔪᒪᓪᓗᑎᒃ ᖃᐅᔨᒪᓂᕆᔭᐅᔪᓂᒃ ᐊᑐᖅᓯᒪᔭᒥᓂᒡᓗ ᐊᖑᓇᓱᒃᑎᓄᑦ ᐃᓄᐃᑦ ᓄᓇᖏᓐᓂ. ᖁᔭᓕᑦᑎᐊᖅᐳᒍᑦ ᑐᙵᓱᒃᑎᑦᑎᔨᑦᑎᓐᓄᑦ ᖃᖅᑯᕐᑑᕐᒥ ᐊᒻᒪ ᐃᓄᐃᑦ ᓄᓇᐃᑦ ᑮᓇᐅᔭᖁᑎᖏᓐᓂᒃ ᐃᑲᔪᖅᑐᐃᓚᐅᕐᓂᖏᓐᓄᑦ ᐳᓛᕆᐊᕐᓂᕆᔭᐅᔪᒥᒃ.
