ᐃᓐᓇᑐᖃᑦᑎᓐᓄᑦ ᑐᕋᐅᒪᑦᑎᐊᖅᑎᑕᐅᕗᒍᑦ ᖃᐅᔨᒪᓂᖏᓐᓄᑦ ᐊᒻᒪᓗ ᐃᓅᓂᕗᑦ ᐱᖅᑯᓯᕗᑦ ᐅᐱᒋᓪᓗᑎᒍ

ᐃᑦᑕᕐᒥᑦ ᖃᐅᔨᓴᕐᓂᓕᕆᓂᕗᑦ ᖃᕋᓴᐅᔭᒃᑯᓪᓗ ᓴᖅᑭᑎᑦᑎᔪᓐᓇᕐᓂᕗᑦ ᓴᐳᒻᒥᔾᔪᑎᖃᕈᑎᒋᔭᕗᑦ, ᓴᖅᑭᔮᖅᑎᑦᑎᑦᑎᐊᕈᑎᒋᓪᓗᑎᒍᓪᓗ ᐊᒻᒪᓗ ᐅᐱᒍᓱᑦᑎᐊᕈᓐᓇᖅᑐᑕ ᐱᖅᑯᓯᑦᑎᓐᓂ.

ᐃᓄᑦᑐᑦ ᐅᖃᐅᓯᕗᑦ ᐱᖕᒪᕆᐅᒋᒐᑦᑎᒍ ᐊᒻᒪᓗ ᐅᑉᐱᕆᔭᖏᑦ ᐃᓄᐃᑦ, ᑕᒪᒃᑯᐊ ᐱᔾᔪᑎᒋᓪᓗᑎᒍ ᓄᓇᑦᑎᓐᓂ ᓴᙱᔪᒃᑲᓐᓂᕈᑎᐅᕙᑦᑐᑦ ᐱᖅᑯᓯᑦᑎᓐᓂ ᐊᒻᒪᓗ ᐃᓕᖅᑯᓯᑦᑎᓐᓂ.

Play Video

ᑕᕐᕆᔭᐅᑦ: ᓇᐃᑦᑐᓪᓗᓂ ᐱᖅᑯᓯᑦᑕ ᐃᓕᖅᑯᓯᑦᑕ ᐊᐅᓚᓂᕆᔭᖏ ᐱᓕᕆᐊᕆᖃᑦᑕᖅᓯᒪᔭᕗᑦ ᑕᑭᓂᓕ 1;33.

ᐱᖅᑯᓯᕗᑦ ᐊᒻᒪᓗ ᐃᓕᖅᑯᓯᕗᑦ ᐃᑦᑕᕐᒥᑦ

ᐃᓄᐃᑦ ᐱᖅᑯᓯᖓ, ᖃᐅᔨᒪᓂᖏᑦ, ᐅᖃᐅᓯᖓ ᐊᒻᒪᓗ ᐅᑉᐱᕆᔭᖏᑦ ᑐᕋᖅᑕᐅᑎᒋᒐᑦᑎᒍᑦ ᐃᑦᑕᕐᒥᑦ.

ᐱᖅᑯᓯᑦᑎᓐᓄᓕᖓᔪᑦ ᐃᓕᖅᑯᓯᑦᑎᓐᓄᖓᔪᑦ ᐱᓕᕆᐊᕗᑦ:

  • ᓄᓇᒥᑦ ᐊᐅᓚᖅᓯᒪᓂᐅᔪᖅ ᐱᓕᕆᐊᑦ
  • ᐃᓐᓇᑐᖃᐃᑦ ᒪᒃᑯᑦᑐᓪᓗ ᐊᐅᓪᓚᖅᓯᒪᓂᖅ
  • ᐃᓄᐃᑦ ᖃᐅᔨᒪᔭᑐᖃᖏᑦ ᐅᓂᒃᑳᖏᓐᓄᓪᓗ ᖃᐅᔨᓴᕐᓂᖅ
  • ᓄᓇᐃᑦ ᐊᑎᖏᑕ ᑐᑭᖏᓐᓂᑦ ᖃᐅᔨᓴᕐᓂᖅ
  • ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖅᑕᐅᓪᓗᑎᑦ ᓄᓇᐃᑦ ᓄᓇᒋᔭᐅᕙᑦᑐᕕᓃᑦ ᓄᓇᙳᐊᓕᐅᕐᓂᖅ
  • ᐃᑲᔪᖅᓱᐃᓂᖅ ᐃᓕᓴᖅᓯᕕᖕᒥᑦ ᐊᒻᒪᓗ ᐃᓐᓇᑐᖃᐃᑦ ᑲᑎᒪᔨᖏᓐᓄᑦ ᐱᓕᕆᐊᖏᓪᓗ
ᐅᒪᔪᖅᑕᐅᔪᕕᓃᑦ ᓄᓇᑦᑎᓐᓄᑦ ᐊᑦᑐᐃᓂᖃᓪᓚᑦᑕᕐᒪᑦ ᓄᓇᒧᑦ ᐊᐅᓪᓚᐅᔾᔨᖃᑦᑕᕐᓂᐅᔪᒥᑦ ᐱᓕᕆᐊᖅ ᐃᑦᑕᕐᒥᑦ, ᐃᓄᖕᓄᑐᖏᑦᑐᖅ ᕿᒥᖅᑯᑎᒃᓴᓄᓪᓗ. ᐊᔾᔨᓕᐅᕆᔪ: ᐊᐃᒧ ᐸᓂᓗᒃ
ᐊᐅᓪᓚᐅᔾᔨᖃᑦᑕᕐᓂᖅ ᐊᕐᕋᒎᑉ ᐃᓗᐊᓂ ᐊᐅᓚᐃᓐᓇᖃᑦᑕᖅᑐᑦ, ᐃᓐᓇᑐᖃᕆᔭᑦᑎᓐᓄᑦ ᖃᐅᔨᒪᓂᖏᓐᓄᑦ ᑕᕋᖅᑎᑕᐅᓪᓗᑎᑦ. ᐱᐅᔪᖅ ᐃᒃᑲᕐᕆᐊᓗᑦ ᐸᓛᐅᒑᓕᐅᖅᑐᖅ ᐊᐅᔭᒃᑯᑦ ᐊᐅᓪᓚᐅᔾᔨᓯᒪᑎᓪᓗᒋᑦ. ᐊᔾᔨᓕᐅᕆᔪ: ᓯᐅᕆ ᕙᒃᔅ