ᐃᑲᔪᖅᓱᐃᖏᓐᓇᕋᑦᑕ ᐃᓄᖕᓄᑦ ᐱᔭᐅᔪᒪᔪᑦ ᑕᑯᔭᐅᔪᒪᔪᑦ ᐱᓕᕆᐊᖑᔪᓐᓇᖅᓯᑎᑉᐸᑦᑕᕗᑦ ᖃᐅᔨᓴᖅᑐᓕᕆᓂᕐᒧᑦ ᓴᖅᑭᔪᓐᓇᕐᓗᑕ.
ᐃᓄᐃᑦ ᖃᐅᔨᓴᖅᑎᐅᖑᔭᐃᓐᓇᕐᒪᑕ ᓇᔪᖅᑕᒥᓂ ᐃᓅᓯᕆᒻᒪᔾᔪ.
ᐃᓄᐃᑦ ᖃᐅᔨᒪᓂᖏᑦ ᐃᓚᓕᐅᑎᖃᑦᑕᖅᑕᕗ ᖃᕋᓴᐅᔭᒃᑯᑦ ᐊᑐᖅᑕᐅᖃᑦᑕᖅᑐᑦ ᓄᑖᓂᑦ ᑐᑭᓯᔪᓐᓇᖅᓯᑦᑎᐊᕈᓐᓇᖅᐸᑦᑐᑕ ᐊᕙᑎᑦᑎᓐᓄᓕᖓᔪᓂᑦ.
ᓴᖏᓂᕆᔭᕗᑦ ᖃᐅᔨᓴᖅᑐᓕᕆᓂᕐᒧᑦ
- ᐃᓄᐃᑦ ᖃᐅᔨᒪᔭᑐᖃᖏᑦ (IQ)
- ᐊᕙᑎᑦᑎᓐᓂᓕᖓᔪᑦ ᖃᐅᔨᓴᕐᓂᐅᔪᑦ
- ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐅᓂᒃᑳᖏᓐᓂᑦ ᖃᐅᔨᓴᕐᓂᖅ
- ᓄᓇᒨᓕᖓᔪᑦ ᖃᐅᔨᓴᕐᓂᐅᔪᑦ ᐊᒻᒪᓗ ᐃᓕᒃᑲᓐᓂᕈᑕᐅᔪᑦ
- ᖁᓕᒥᒎᓕᕋᓚᒃᑯᑦ ᓄᓇᙳᐊᓕᐅᕐᓂᖅ ᖃᐅᔨᓴᕐᓂᕐᓗ
- ᓄᓇᙳᐊᓕᕆᓂᖅ ᐸᐃᑉᐹᒃᑯ
- ᐱᓕᕆᕕᐅᔪᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᕐᓂᖃᖃᑎᖃᕐᓂᖅ, ᖃᐅᔨᒪᔭᐅᔪᓂᑦ ᐃᓚᓕᐃᔾᔨᓂᖅ
- ᓄᓇᓕᖕᓂᑦ ᑐᓴᐅᒪᓇᓱᐊᕐᓂᖅ ᐱᔭᐅᔪᒪᔪᓂᑦ
- ᓄᓇᓖᑦ ᐊᓯᖏᓐᓂᑦ ᐱᓕᕆᖃᑎᖃᕐᓂᑦ ᖃᐅᔨᒪᔭᐅᔪᓂᑦ ᐃᓚᓕᐅᔾᔨᓂᖅ ᐃᓕᓐᓂᐊᖅᓯᓐᓈᑦ
- ᖃᐅᔨᓴᖅᑐᓕᕆᓂᕐᒧᑦ ᐊᑐᐊᒐᓕᐅᕐᓂᖅ
- ᖃᐅᔨᓴᕐᓂᐅᔪᒥᑦ ᐊᑐᐃᓐᓇᐅᑎᑦᑎᓂᖅ ᐃᓕᓐᓂᐊᖅᑎᑦᑎᓂᖅ ᐃᓄᖕᓄᑦ ᐃᓕᓐᓂᐊᖅᑎᐅᔪᓄᑦ ᖃᐅᔨᓴᖅᑐᓕᕆᓂᕐᒥᑦ ᐱᓕᕆᐊᓕᖕᓄᑦ
- ᐃᓕᓐᓂᐊᖅᑎᑦᑎᓂᖅ ᖃᐅᔨᒪᑎᑦᑎᓂᖅ ᑎᑭᑉᐸᖅᑐᓄᑦ ᖃᐅᔨᓴᖅᑎᐅᔪᑦ ᐱᓕᕆᔪᒪᓂᓖᖕᓄᑦ ᓄᓇᓕᖕᓂᑦ
ᖃᐅᔨᓴᕐᓂᕆᕙᑦᑕᕗᑦ ᕿᒥᕐᕈᐊᒐᑎᒍᑦ ᐊᔾᔨᒌᖏᑦᑐᓄᑦ ᓴᖅᑭᔮᖅᑎᑕᐅᓯᒪᔪᑦ, ᖃᕋᓴᐅᔭᒃᑯᑦ ᐊᒻᒪᓗ ᑲᓇᑕᒥ ᐊᒻᒪᓗ ᑕᕆᐅᑉ ᐊᑭᐊᓂᑦ ᑲᑎᒪᓂᐅᕙᑦᑐᓂᑦ. ᐱᓕᕆᐊᑦᑕ ᐃᓚᖏᑦ ᓴᖅᑭᑎᑕᐅᓯᒪᒻᒥᔪᑦ ᑕᕐᕆᔭᐅᓯᐅᖅᑎᕐᔪᐊᓄᑦ, IMAX, ᑏᕖᒃᑯᓪᓗ, ᐱᓕᕆᓂᕆᖃᑦᑕᖅᑕᕗᑦ ᐃᓕᓴᕆᔭᐅᔾᔪᓯᐊᖅᓯᒪᒋᓪᓗᑎᑦ ᓄᓇᕘᒥᑦ, ᑲᓇᑕᒥ ᐊᒻᒪᓗ ᑕᕆᐅᑉ ᐊᑭᐊᓂ.
ᐃᑦᑕᖅ ᐊᒃᓱᕈᑎᖃᖅᑐᖅ ᐃᑲᔪᖅᓱᐃᓂᑎᒍ ᓴᖅᑭᔪᓐᓇᓯᓇᓱᑦᑐᑦ ᐱᕚᓪᓕᐅᑎᒋᔭᐅᔪᓐᓇᖅᓯᖁᓗᒋ ᖃᐅᔨᓴᖅᑐᓕᕆᓂᕐᒧᑦ ᐱᓕᐊᖅᑐᒥᑦ ᐊᖅᑭᑦᑕᐅᓯᒪᔪᒥᑦ ᑲᓇᑕᒥ ᐃᓄᖕᓄᑦ ᐸᕐᓇᐅᑎᐅᔪᒥᑦ ᖃᐅᔨᓴᖅᑐᓕᕆᓂᕐᒧᑦ ᐊᖅᑭᑦᑕᐅᓯᒪᔪᒥᑦ ᐃᓄᐃᑦ ᑕᐱᕆ ᑲᓇᑕᒥ.
ᐱᓕᕆᐊᕆᔭᐅᖏᓐᓇᖅᑐᑦ ᒪᓐᓇᒧᑦ ᖃᐅᔨᓴᕐᓃᑦ
- ᑲᖏᖅᑐᒑᐱᐅᑉ ᓯᓚᓐᓂᐊᕈᑎᓕᕆᓂᖓ ᐊᒻᒪᓗ ᓯᓚᓕᕆᔩᑦ ᐱᓕᕆᐊᖓ
- ᑲᖏᖅᑐᒑᐱᐅᑉ ᓄᓇᙳᐊᓕᕆᔾᔪᑎᖓ
- ᖃᕋᓴᐅᔭᕋᓛᒃᑯᑦ ᐊᓯᐅᔾᔭᐃᒃᑯᑎᐅᔪᒧᑦ ᐱᓕᕆᐊᖓ ᐊᒻᒪᓗ ᓯᑯᓕᕆᓂᖅ ᑲᓄᐃᓕᖓᓕᕐᓂᖓ
- Ongoing IQ and Oral History Research
- • ᓄᓇᕘᒥᑦ ᐊᕙᑎᓕᕆᓂᕐᒧᑦ ᓄᓇᖃᖅᑲᖅᓯᒪᔪᑦ ᐃᓅᓯᖃᑦᑎᐊᕐᓂᕐᒧᑦ ᖃᐅᔨᓴᕐᓂᖅ (NU NEIHR)
- ᐃᒪᖁᑎᑦᑕ ᐃᑭᐊᖓᒍᓪᓗ ᓂᐱᐅᔪᓂᑦ ᖃᐅᔨᓴᕐᓂᐅᔪᖅ
- ᖃᕋᓴᐅᔭᒃᑯᑦ ᑕᑯᔭᒃᓴᓕᕆᓂᖅ ᐊᒻᒪᓗ ᖁᓕᒥᒎᓕᕋᓚᒃᑯᑦ ᓄᓇᙳᐊᓕᐅᕐᓂᖅ
ᑕᕐᕆᔭᐅᑦ: ᓇᐃᑦᑐᓪᓗᓂ ᑕᕐᕆᔮᒃᓴᕐᔪᑦ ᓴᖅᑭᔮᖅᑎᑦᑎᔪ ᖃᐅᔨᓴᕐᓂᕐᒧᑦ ᐱᓕᕆᐊᕆᖃᑦᑕᖅᓯᒪᔭᕗᑦ ᑕᑭᓂᓕ 1;47
ᐊᐱᖅᑯᑕᐅᒐᔪᑦᑐ: ᖃᐅᔨᓴᖅᑐᓕᕆᔭᖅᑐᖅᓯᒪᔪᖅ ᐃᑲᔪᖅᓱᖅᑕᐅᓂᖏ
ᐃᖅᑕᖅ ᐃᑲᔪᖅᓱᐃᖃᑦᑕᖅᑐ ᖃᐅᔨᓴᖅᑎᓂᑦ ᐃᓚᒋᔭᖃᖅᑐᑎᑦ ᓄᓇᕘᒥᑦ ᖃᐅᔨᓴᖅᑐᓕᕆᔨᒃᑯᖏᑦ (NRI) ᖃᐅᔨᓴᕈᓐᓇᐅᑎᑖᕋᓱᑦᑎᓪᓗᒋ.
ᒪᓐᓇᐅᔪᖅ ᑲᖏᖅᑐᒑᐱᖕᒥ ᖃᐅᔨᓴᕐᓂᕐᒧᑦ ᐱᓇᓱᒍᒧᔪᑦ ᐱᔪᓐᓇᐅᑎᒥᑦ ᑎᑎᕋᕆᐊᓂᖕᒥᑦ ᑐᒃᓯᕋᕆᐊᖃᖅᐳᑦ (LOI). ᑎᑎᕋᕆᐊᓕᒃ ᑐᒃᓯᕌᕆᔭᒃᓴᐅᔪᖅ ᓄᓇᕘᒥᑦ ᖃᐅᔨᓴᖅᑐᓕᕆᔨᒃᑯᖏᑕ ᑎᑎᕋᕐᕕᐊᓂ ᐊᒻᒪᓗ ᐱᔪᒪᔭᒃᓴᐅᒋᓪᓗᓂ ᐃᑦᑕᒃᑯᓐᓂ. ᐱᓇᓱᑎᒋᔭᖏᑦ ᐊᖏᖅᑕᐅᑉᐸᑕ, ᖃᐅᔨᓴᕈᓐᓇᐅᑎᐅᔪᑉ ᑎᑎᕋᕆᐊᓕᖓᓐᓂᑦ ᑎᑎᕋᒃᑲᓐᓂᕈᓐᓇᖅᓯᒐᔭᖅᑐᑦ.
ᑲᖏᖅᑐᒑᐱᖕᒧᑦ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᔭᖅᑐᕋᓱᓐᓂᐊᖅᑐᑦ ᑲᔪᖏᖅᓴᖅᑕᐅᕙᑦᑐᑦ ᐃᑦᑕᒃᑯᓐᓂ ᑐᑭᓯᕕᐅᓂᐊᕐᒪᑕ ᐱᓕᕆᐊᖑᔪᒪᔪᖅ ᑲᖏᖅᑐᒑᐱᖕᒥᐅᓂᑦ ᖃᐅᔨᓴᕐᓂᐅᖁᔭᐅᔪᑉ ᑕᑯᔭᐅᔪᒪᓯᒪᔪᑉ ᐃᓚᒋᒻᒪᖔᒍ. ᑐᓴᐅᒪᑎᑦᑎᑲᐅᑐᕐᓂᐅᔪᖅ ᐱᐅᓂᖅᓴᐅᓂᖃᖅᐳ ᐊᑐᐊᒐᓕᐅᖅᑕᐅᓯᒪᔪᑉ ᑲᖏᖅᑐᒑᐱᖕᒥᑦ ᑕᑯᔭᐅᔪᒪᓯᒪᔪᓃᖃᑕᐅᒻᒪᖓ ᐱᕚᓪᓕᕈᑕᐅᔪᓐᓇᕐᒪᖓᓪᓗ ᓄᓇᓕᖕᓂ.
ᑐᙵᓱᑦᑎᑦᑎᕕᒍ ᐱᓕᕆᐊᖑᔪᒪᔪᓂᑦ ᖃᐅᔨᓴᕐᓂᕐᒧᖓᔪᑦ ᐱᓕᕆᖃᑎᖃᑦᑎᐊᕈᓐᓇᖅᐸᑐ ᓄᓇᓕᖕᓂᑦ ᑐᑭᒧᐊᑦᑎᑕᐅᔪᓂᑦ. ᐱᓕᕆᐊᕆᕙᑦᑕᑦᑕ ᐃᓚᖏᑦ ᑎᑎᕋᖅᓯᒪᕗᑦ.
ᐃᑲᔪᖅᓱᐃᓂᕗᑦ ᐊᒻᒪᓗ ᐱᓕᕆᐊᕆᔪᓐᓇᖅᑕᕗᑦ ᑎᑭᑦᑐᖃᕐᓂᐊᖅᐸᑦ ᖃᐅᔨᓴᕆᐊᖅᑐᖅᑐᓂᑦ:
- ᑐᒃᓯᕋᑕᐅᔪᓂᑦ ᐊᖅᑭᒃᓱᐃᓂᖅ ᐊᒻᒪᓗ ᐱᓕᕆᐊᖑᓂᐊᖅᑐᒥᖅ ᓴᖅᑮᕙᓪᓕᐊᓂᐅᔪᒥᑦ ᐱᔨᑦᑎᕋᓐᓂᖅ
- ᓄᓇᓕᖕᓂᑦ ᖃᐅᔨᓴᖅᑎᐅᕙᑦᑐᑦ, ᑐᑭᒧᐊᑦᑎᑦᑎᓂᐅᔪᓐᓇᖅᑐᑦ ᐊᒻᒪᓗ ᓄᓇᒧᑦ ᖃᐅᔨᓴᕐᓂᓕᕆᔪᓐᓇᖅᑐᑦ
- ᐱᓕᕆᐊᖑᔪᒥᑦ ᑲᒪᔨᐅᔪᓐᓇᕐᓂᖅ
- ᐊᕐᕋᒍᓕᒫᑉ ᐃᓗᐊᓂ ᖃᐅᔨᓴᖅᑐᓕᕆᓂᖅ (ᐊᕙᑎᑦᑎᓐᓂ ᖃᐅᔨᓴᕐᓂᖅ, ᐊᐅᓪᓚᐅᔾᔨᔩᑦ, ᖃᐅᔨᓴᕋᔅᓴᓂᑦ ᓄᐊᑦᑎᓂᖅ, ᐱᓕᕆᔾᔪᑎᒃᓴᓂᑦ ᖃᐅᔨᓴᕐᓂᖅ ᑲᒪᑦᑎᐊᕐᓂᕐᓗ)
- ᖃᕋᓴᐅᔭᒃᑯᑦ ᓴᖅᑮᔭᖅᑐᒃᓴᓂᑦ ᐃᑲᔪᖅᓱᐃᓂᖅ (ᐊᔾᔨᓕᐅᕆᓂᒃᑯᑦ ᐊᐅᓚᔪᒃᑯᑦ ᐊᔾᔨᙳᐊᑐᐃᓐᓇᐃᓪᓗᓐᓃᑦ, ᓄᓇᙳᐊᓕᕐᓂᖅ)
- ᐸᕐᓇᐃᕙᓪᓕᐊᑎᓪᓗᒋᑦ ᐱᓕᕆᓂᐅᔪᖅ
- ᐃᓕᓐᓂᐊᖅᓯᓐᓈᑦ ᐱᓕᕆᓂᕐᒥᑦ ᐊᐅᓚᑦᑎᓂᑦᖅ, ᓄᓇᓕᖕᓂᑦ ᐃᓚᓕᐅᔾᔨᑦᑎᐊᖅᓯᒪᓂᖅ
- ᐊᐱᖅᓱᕐᓂᖅ ᐊᒻᒪᓗ ᐃᓄᒋᐊᑦᑐᓂᑦ ᐃᓕᓐᓂᐊᖅᑎᑦᑎᓂᐅᔪᖅ ᑐᑭᒧᐊᑦᑎᑦᑎᓂᖅ
- ᖃᐅᔨᓴᖅᑕᐅᔪᒪᔪᓂᑦ ᓄᐊᑦᑎᔪᓐᓇᕐᓂᖅ
- ᐃᓕᓐᓂᐊᖅᑎᑦᑎᓂᐅᔪᒥᑦ ᑐᕌᖅᑎᑦᑎᔪᓐᓇᕐᓂᖅ ᖃᐅᔨᓴᕆᐊᖅᓯᒪᔪᓄᑦ, ᐃᓕᓐᓂᐊᖅᑎᓄᑦ, ᒐᕙᒪᒃᑯᓐᓂᙵᖅᑐᓪᓗ ᓄᓇᓕᖕᓂᑦ ᐱᓕᕆᖃᑎᖃᑦᑎᐊᕈᓐᓇᕐᓂᕐᒥᑦ.