ᓄᓇᕗᑦ ᐊᑦᑐᐊᓂᖃᖅᑐᐃᓐᓇᐅᒻᒪᑦ ᖃᓄᐃᓗᖅᑕᓕᒫᑦᑎᓐᓄ
ᑲᔪᓯᓐᓇᖅᐸᓪᓕᐊᒐᑦᑕ ᐃᑉᐱᒋᑦᑎᐊᖅᑐᑎᒍᓪᓗ ᓄᓇᖁᑎᕗᑦ.
ᐱᓕᕆᐊᕆᔭᓕᒫᕗᑦ ᑐᙵᕕᖃᖅᑐᐃᓐᓇᐅᒻᒪᑕ ᓄᓇᖁᑎᑦᑎᓐᓄᑦ ᐊᑦᑐᐊᓂᖃᖅᑐᑎᑦ ᐃᓅᓂᕗᑦ ᐱᔾᔪᑎᒋᓪᓗᑎᒍ.
ᐃᑦᑕᒃᑯᑦ ᐱᓕᕆᓂᖃᖃᑦᑕᖅᓯᒪᒻᒪᑕ ᐅᐱᒋᔭᐅᓪᓗᑎᓪᓗ ᓄᓇᒥᑦ ᐱᓕᕆᓂᐅᔪᒥᑦ ᐊᒻᒪᓗ ᐊᖑᓇᓱᑦᑎᓂᑦ ᐃᖅᑲᓇᐃᔭᖅᑎᑦᑎᔪᓐᓇᖅᓯᓪᓗᑎᑦ ᓄᓇᓕᖕᓂᑦ. ᑕᒪᓐᓇ ᓴᖅᑭᑉᐸᓪᓕᐊᓯᒪᔪᖅ ᓄᓇᒥᑦ ᐱᓕᕆᐊᖑᑎᑦᑎᓂᐅᔪᖅ ᐃᑦᑕᒃᑯᑦ ᓴᖅᑭᑎᑦᑎᒃᑲᓐᓂᕈᓐᓇᕐᓂᖓ ᓂᕿᖃᐃᓐᓇᕐᓂᐅᔪᓐᓇᖅᑐᒥᑦ, ᓄᓇᕘᒥᓗ ᐃᓄᖕᓂᑦ ᐃᖅᑲᓇᐃᔭᓕᖅᑎᑦᑎᒃᑲᓐᓂᕈᓐᓇᕆᐊᖓ.
ᓄᓇᒥᑦ ᐱᓕᕆᐊᖑᕙᓪᓕᐊᔪᑦ
ᐊᖑᓇᓱᑦᑏᑦ
ᐊᖑᓇᓱᑦᑏᑦ ᐱᓕᕆᐊᖑᔪᖅ ᐃᖅᑲᓇᐃᔭᖅᑎᑦᑎᔪᓐᓇᖅᓯᓯᒪᔪᖅ. ᐃᖅᑲᓇᐃᔭᖅᑎᖁᑎᕗᑦ ᐊᖑᓇᓱᑦᑎᐅᓯᓐᓈᑦ ᐃᓕᓐᓂᐊᖅᑎᑦᑎᔨᐅᓪᓗᑎᓪᓗ ᐃᓕᒃᑲᓐᓂᖅᐸᓪᓕᐊᖏᓐᓇᖅᑐᑦ ᐃᓕᓐᓂᐊᖅᑎᑦᑎᓪᓗᑎᓪᓗ ᐊᕐᕋᒍᓕᒫᑦ ᐃᓗᐊᓂ. ᐊᖑᓇᓱᑦᑏᑦ ᐃᓄᐃᑦ ᓂᕿᖏᓐᓂᑦ ᐊᖑᑦᑕᕋᖓᒥᑦ ᑐᓂᐅᖅᑲᐃᔪᓐᓇᖅᐸᑦᑐᑦ, ᓂᕿᖃᓗᐊᖏᑦᑐᓄᑦ ᑐᑭᓕᐅᔾᔭᐅᒃᑲᓐᓂᕈᓐᓇᖅᑐᓂ ᐊᒻᒪᓗ ᓯᕗᓂᒃᓴᑦᑎᓐᓄᑦ ᐊᖑᓇᓱᑦᑎᐅᔪᒪᓛᖅᑐᑦ ᐃᓕᒃᐸᓪᓕᐊᒻᒪᑕ.
ᐊᖑᓇᓱᑦᑏᑦ ᐱᓕᕆᐊᖓ ᐃᑲᔪᖅᓱᐃᓐᓇᕐᒪᑦ ᐃᑦᑕᕐᒥᑦ ᖃᐅᔨᓴᕐᓂᒃᑯᑦ ᓯᓚᐅᑉ ᖃᓄᐃᓕᖓᓂᖓᓂᑦ, ᓯᑯᓪᓗ ᐊᒻᒪᓗ ᐃᓄᐃᑦ ᖃᓄᖅ ᖃᐅᔨᓴᖅᐸᖕᒪᖔᑕ ᐊᒻᒪᓗ ᑐᑭᓯᒋᐊᕈᓐᓇᕐᓂᖏᑦ.
ᐱᓕᕆᐊᖑᔪᖅ ᐊᖑᓇᓱᑦᑏᑦ ᓴᖅᑭᔮᖅᑎᑦᑎᔪᖅ ᖃᓄᑐᒋ ᐊᑦᑐᐃᓂᖃᕐᒪᖓ ᐱᕙᓪᓕᕈᑕᐅᔪᓐᓇᕐᓂᖓᓗ ᐊᖑᓇᓱᑦᑎᐅᔪᓄᑦ ᓄᓇᑦᑎᓐᓂ. ᓂᕿᒃᓴᖅᓯᐅᑐᐃᓐᓇᕐᓂᕐᒧᖓᖏᒻᒪᑦ ᐊᕙᑎᑦᑎᓐᓂ ᖃᐅᔨᓴᖅᓯᓇᕐᓂᖃᒪᑕ ᐊᒻᒪᓗ ᐅᒪᔪᓂᑦ, ᐅᖃᐅᓯᑦᑎᓐᓂ ᐊᒻᒪᓗ ᖃᐅᔨᒪᓂᐅᔪᓂᑦ ᐃᓕᓐᓂᐊᖅᑎᑦᑎᔾᔪᑕᐅᒃᑲᓐᓂᕆᓪᓗᓂ, ᐊᖑᓇᓱᑦᑎᐅᓗᓂ ᐃᓅᕕᒃᓴᐅᓂᖓ ᐱᖕᒪᕆᐅᒻᒪᑦ ᓄᓇᑦᑎᓐᓄ ᐊᒻᒪᓗ ᐃᓄᖕᓂᑦ ᐃᖅᑲᓇᐃᔭᒃᓴᒃᑲᓐᓂᕐᓂᑦ ᓴᖅᑮᔪᓐᓇᕐᓂᖓ ᐱᖕᒪᕆᐊᓗᒻᒪᑦ.
ᐊᑖᑕ ᐃᕐᓂᖅ ᐊᒻᒪᓗ ᕿᒻᒥᕗᑦ
ᐊᑖᑕ ᐃᕐᓂᖅ ᓄᓇᒥ ᐊᒻᒪᓗ ᕿᒻᒥᕗᑦ ᐱᓕᕆᓂᐅᔪᖅ ᓴᖅᑭᔮᖅᓯᒪᓕᖅᑐᖅ ᐊᐅᓚᑕᐅᓪᓗᓂ ᐃᓕᓴᖅᓯᕕᒃᑯᓐᓂ ᐊᕐᕋᒍᑦ ᖁᓖᑦ ᐅᖓᑖᓂ. ᑕᓐᓇ ᐱᓕᕆᓂᐅᔪᖅ ᐊᖑᑏᑦ ᐃᓚᖃᖅᑐᑎᑦ ᓱᕈᓯᕐᓂᑦ ᐃᓅᓯᖃᑦᑎᐊᕐᓂᕐᒧᑦ ᐊᑑᑎᑦᑎᐊᕐᒪᑦ ᐊᒻᒪᓗ ᓄᓇᓕᖕᓄᑦ ᐱᕚᓪᓕᕈᑕᐅᓯᒪᓪᓗᓂ.
ᐊᖑᓇᓱᑦᑏᑦ ᐱᓕᕆᐊᖓ ᑐᑭᒧᐊᑦᑎᑦᑎᔨᐅᔪᓐᓇᖃᑦᑕᖅᑐᑦ ᑕᒃᑯᓄᖓ ᐊᐅᓚᑕᐅᓕᕌᖓᑕ ᐃᓕᓴᖅᓯᕕᒃᑯᓐᓂᑦ.
ᑕᕐᕆᔭᐅᑦ: ᓇᐃᑦᑐᓪᓗᓂ ᓄᓇᒥᑦ ᐊᐅᓪᓚᖅᑎᑦᑎᖃᑦᑕᕐᓂᐅᔪᒥᑦ ᐱᓕᕆᐊᕆᖃᑦᑕᖅᓯᒪᔭᕗᑦ ᑕᑭᓂᓕ 1;28.