ᐃᑦᑕᐅᑉ ᒥᒃᓵᓄᑦ

ᐃᑦᑕᖅ ᑎᓴᒪᐅᔪᓂᑦ ᐱᓕᕆᓂᖏᑦ ᑲᑎᙵᓂᖃᖅᐳᑦ, ᖃᐅᔨᓴᖅᑐᓕᕆᓂᖅ, ᐊᔾᔨᒌᖏᑦᑐᑎᒍᑦ ᑕᑯᔭᒃᓴᓕᕆᓂᖅ, ᓄᓇᒥᑦ ᐊᐅᓪᓚᖅᑐᓕᕆᓂᖅ ᐊᒻᒪᓗ ᐱᖅᑯᓯᕗᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᓂᐅᔪᓂᑦ.

ᑕᒃᑯᐊ ᐊᔾᔨᒌᖏᑦᑐᑦ ᐱᓕᕆᐊᑦᑕ ᐃᓗᐊᓂᑦᑐᑦ ᓄᓇᓕᖕᓄᑦ ᓴᙱᔾᔪᑕᐅᕗᑦ, ᓴᖅᑭᔭᖅᑎᑦᑎᓂᐅᕗᖅ ᐃᓅᓂᑦᑎᓐᓂᑦ, ᐃᖅᑲᓇᐃᔭᒃᓴᑎᒍᑦ ᐱᔪᓐᓇᖅᓯᑎᑦᑎᓂᐅᓯᓐᓇᑦ ᓄᓇᓕᖕᓄᓪᓗ ᐃᓅᓯᖃᑦᑎᐊᕐᓂᕐᒧᑦ ᑐᕋᐅᒪᒋᓪᓗᓂ ᐊᒻᒪᓗ ᐃᓄᐃᓐᓇᕐᓂ ᐃᖅᑲᓇᐃᔭᖅᑎᑦᑎᓂᖅᓴᐅᓂᕐᒧᑦ ᑐᕌᒐᖃᖅᑐᑕ.

ᖃᐅᔨᓴᕐᓂᕐᒧᑦ ᐱᓕᕆᕕᐅᖕᒪᑦ ᐃᖅᑕᖅ ᐊᓯᔾᔩᕙᓪᓕᐊᓂᖓ ᓄᓇᕘᒥᑦ ᖃᐅᔨᓴᕐᓂᐅᖃᑦᑕᖅᑐᒥᑦ ᓴᖅᑭᔮᖅᑎᑦᑎᒻᒪᑦ, ᐃᓄᖕᓄᑦ ᐱᔭᐅᔪᒪᔪᑦ ᑕᑯᔭᐅᔪᒪᔪᑦ ᐱᓕᕆᐊᖑᔪᓐᓇᖅᓯᑎᑉᐸᑦᑕᕗᑦ ᖃᐅᔨᓴᖅᑐᓕᕆᓂᕐᒧᑦ ᑐᕋᐅᒪᔭᕋᖓᑦ. ᓄᑖᖑᔪᓂᑦ ᐱᓕᕆᔾᔪᑎᐅᔪᓂᑦ ᐊᑐᖅᐸᓪᓕᐊᖏᓐᓇᖅᑐᒍ ᐱᓕᕆᐊᕆᕙᑦᑕᕗᑦ ᐱᓕᕆᐊᕆᓯᒪᓕᖅᑕᑦᑎᓐᓄᓪᓗ ᖃᐅᔨᒪᓂᖅᑕᖅᐸᓪᓕᐊᖏᓐᓇᖅᑐᒍ.  ᓄᓇᓕᖕᓂᑦ ᑕᑯᔭᐅᔪᒪᓯᒪᔪᓂᑦ ᖃᐅᔨᓴᖁᔭᐅᔪᓂᑦ ᓯᕗᓪᓕᐅᔾᔨᖃᑦᑕᖅᑐᒍ ᐊᒻᒪᓗ ᐱᓕᕆᖃᑎᖃᖅᑐᑕᑦ ᖃᐅᔨᒪᔨᑕᐅᔪᓂᑦ ᐃᓕᓐᓂᐊᖅᓯᓐᓇᑦ ᓴᙱᓂᖅᑕᖅᐸᓪᓕᐊᔾᔪᑎᒋᓯᓐᓈᑦ.

ᐃᑦᑕᕐᒥᑦ ᐱᓕᕆᕕᑦᑎᓐᓂᑦ ᐊᔾᔨᒌᖏᑦᑐᓂᑦ ᖃᐅᔨᒪᓂᖃᖅᑐᒍ, ᑐᑭᒧᐊᑦᑎᑦᑎᓂᐅᔪᓐᓇᖅᑐᒥᑦ ᐃᓕᓐᓂᐊᖅᑎᑦᑎᓂᐅᕙᑦᑐᓂᑦ.  ᓄᓇᖅᑲᑎᑦᑎᓐᓂ ᐱᓕᕆᖃᑎᖃᑦᑎᐊᕐᓂᕐᒥᑦ ᐱᒻᒪᕆᐅᒋᔭᖃᕋᑦᑐ ᐊᒻᒪᓗ ᑐᑭᓯᐅᒪᓂᖃᑦᑎᐊᖅᑐᑕ ᓄᓇᑦᑎᓐᓂ.

ᐃᓄᐃᑦ ᖃᐅᔨᒪᔭᖏᓐᓂᑦ ᐊᑐᖅᑐᑕ ᐃᑦᑕᖅ ᐱᓕᕆᐊᑎᒍ ᐱᕈᖅᓯᒪᔪᒻᒪᕆᐅᕗᖅ, ᑲᔪᓯᓐᓇᖅᐸᓪᓕᐊᔪᓂᑦ ᐊᒻᒪᓗ ᖃᐅᔨᓴᕐᓂᒃᑯᑦ ᐱᔭᕆᖅᑕᐅᓯᒪᓕᖅᑐᓂᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐊᕙᑎᑦᑎᓐᓂᑦ ᖃᐅᔨᓴᕐᓂᐅᕙᑦᑐᒥᑦ, ᐊᔾᔨᒌᖏᑦᑐᑎᒍᑦ ᑐᑯᔭᒃᓴᐅᔪᑎᒍ, ᐱᖅᑯᓯᓕᕆᓂᕐᒧᑦ ᐱᓕᕆᐊᓪᓗ ᐊᒻᒪᓗ ᐊᐅᓪᓚᐅᔾᔨᖃᑦᑕᕐᓂᕐᒧᑦ.

ᐃᑦᑕᖅ ᓴᖅᑭᑎᑕᐅᓚᐅᖅᓯᒪᔪᖅ 2005ᖑᑎᓪᓗᒍ.  ᐃᓕᓴᖅᓯᕕᐅᑉ ᐃᓚᒋᒑᑎᒍ, ᑮᓇᐅᔭᓕᐅᕋᓴᑦᑎᐅᖏᑦᑐ ᐱᓕᕆᕕᐅᔪᖅ ᑲᖏᖅᑐᒑᐱᒃ ᓄᓇᕗᑦ.

ᐃᖅᑲᓇᐃᔭᖅᑎᖁᑎᕗᑦ

ᒪᐃᒃ ᔭᐃᐴᑎ 

ᑐᑭᒧᐊᑦᑎᑦᑎᔨ 

ᒪᐃᒃ ᐃᓚᒋᔭᐅᓯᒪᔪᖅ ᐃᑦᑕᒃᑯᑦ ᑲᑎᒪᔨᖏᑦ ᐱᒋᐊᖅᑎᑕᐅᕙᓪᓕᐊᓕᖅᑎᓪᓗᒋᑦ 2005ᒥᓂᑦ, ᐃᖅᑲᓇᐃᔭᖃᖅᓯᒪᔪᖅ ᐊᔾᔨᒌᖏᑦᑐᓂᑦ ᐃᓕᓴᖅᓯᕕᖕᒥᑦ ᐊᒻᒪᓗ ᐃᑦᑕᕐᒥᑦ. ᒪᐃᒃ ᐃᖅᑲᓇᐃᔭᕈᓐᓃᑲᐃᓐᓇᓚᐅᖅᓯᒪᔪᖅ ᐃᓕᓴᖅᓯᕕᖕᒥᑦ ᐃᒡᓗᓕᕆᔨᒃᑯᓐᓄᑦ ᐃᖅᑲᓇᐃᔭᑲᐃᓐᓇᖅᑐᓂ, ᐃᑦᑕᕐᒧᑦ ᐃᖅᑲᓇᐃᔭᕆᐊᒃᑲᓐᓂᓚᐅᖅᑐᖅ 2023ᖑᑎᓪᓗᒍ ᑐᑭᒧᐊᑦᑎᑦᔨᐅᑉ ᑐᖏᓕᕆᓪᓗᓂᐅ.  2024ᖑᓕᖅᑎᓪᓗᒍ ᑐᑭᒧᐊᑦᑎᑦᑎᔨᒧᑦ ᐃᖅᑲᓇᐃᔮᖅᑕᓚᐅᖅᑐᖅ. ᐱᓕᕆᔪᓐᓇᕐᓂᖃᖅᑐᖅ ᐊᔾᔨᒌᖏᑦᑐᓂᑦ ᑕᕐᕆᔮᒃᓴᓕᐅᕐᓂᕐᒧᑦ, ᓇᑲᑎᕆᓂᕐᒧᑦ, ᐃᖅᑲᓇᐃᔭᖅᑎᓂᑦ ᑲᒪᑦᑎᐊᕋᓱᓐᓂᕐᒧᑦ ᐊᒻᒪᓗ ᐊᖑᓇᓱᖃᑕᐅᕙᑦᑐᓂ, ᕿᑭᖅᑕᓃᒃᑯᓐᓄᑦ ᑭᒡᒐᖅᑐᐃᔨᐅᓯᒪᔪᖅ ᓄᓇᓕᖕᓄᑦ, ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓄᑦ ᐃᓚᒋᔭᐅᒋᓪᓗᓂ, ᕼᐊᒻᒪᓚᒃᑯᓐᓄᑦ ᒪᐃᔭᐅᑉ ᑐᖏᓕᕆᓚᐅᖅᓯᒪᒋᓪᓗᓂᐅ.  ᖃᕋᓴᐅᔭᒃᑯᑦ ᓄᓇᙳᐊᓕᕆᔾᔪᑎᖓᓄᑦ ᐱᓕᕆᐊᖃᖅᑐᖅ ᐊᒻᒪᓗ ᐃᑦᑕᐅᑉ ᐊᐅᓚᓂᓕᒫᖓᓄᑦ ᐱᓕᕆᐊᖃᕆᓪᓗᓂ.  ᐃᓄᐃᑦ ᐱᖅᑯᓯᖏᓐᓂᑦ ᐃᓕᖅᑯᓯᖏᓐᓂᑦ ᖃᐅᔨᒪᓇᓱᐊᑦᑎᐊᖅᑐᖅ, ᐱᒻᒪᕆᐅᒋᔭᖃᖅᑐᓂᓗ ᐃᓄᐃᑦ ᓇᒻᒥᓂᖅ ᐱᓕᕆᔪᓐᓇᖅᓯᑦᑎᐊᕈᓐᓇᕐᓂᖏᓐᓄᑦ.

 ᐊᖑᓇᓱᒋᐊᒃᓴᖅ ᖁᕕᐊᒋᔭᖃᖅᐳᖅ ᐊᒻᒪᓗ ᓄᓕᐊᖓᓂᑦ ᕿᑐᙵᖏᓐᓂᓪᓗ ᐃᒡᓗᒥᐅᑕᖃᑎᖃᖅᑐᓂ. 

Robert Kautuk

ᕌᕗᑦ ᑲᐅᑐᖅ

ᐊᔾᔨᓕᐅᕆᔨ ᐊᒻᒪᓗ ᐊᐅᓚᑦᑎᔨᐅᓪᓗᓂ ᐊᔾᔨᒌᖏᑦᑐᑎᒍ ᑕᑯᔭᒃᓴᐅᔪᓕᕆᔨ

ᕌᕗᑦ ᓴᓚᒃᓴᖃᑦᑕᖅᓯᒪᔪᖅ ᐊᔾᔨᓕᐅᒐᖏᑎᒍ, ᐊᐅᓚᔪᒃᑯᓪᓗ ᐊᔾᔨᓕᐅᒐᖏᑦ ᐊᒻᒪᓗ ᖁᓕᒥᒍᓕᕋᓚᒧᑦ ᖃᖓᑕᔪᓐᓇᖅᑐᓂ ᐃᓕᓴᕆᔭᐅᓯᒪᔪᖅ ᑲᖏᖅᑐᒑᐱᖕᒥᐅᑕᐅᔪᖅ.  ᐊᔾᔨᓕᐅᒐᖏᑦ ᕿᒥᕐᕈᐊᒐᑎᒍᑦ ᓴᖅᑭᔮᖅᑎᑕᐅᖃᑦᑕᖅᓯᒪᔪᑦ ᓱᕐᓗ Up Here, Inuit Art, and Above and Beyond.

ᕌᕗᑦ ᐱᓕᕆᖃᑦᑕᖅᓯᒪᓕᖅᑐᖅ ᐊᔾᔨᒌᖏᑦᑐᓄᑦ ᐱᓕᕆᕕᐅᔪᓄᑦ ᖃᐅᔨᓴᖅᑐᓕᕆᔨᓄᑦ ᐊᔾᔨᓕᐅᕆᔨᐅᓪᓗᓂ, ᓱᕐᓗ Student on Ice, ᐱᖅᑯᓯᓕᕆᕝᕕᒃ (ᓄᓇᕘᒥᑦ ᐃᓄᖕᓄᑦ ᐃᓕᓐᓂᐊᕐᕕᒃ) ᐊᒻᒪᓗ ᐊᔾᔨᒌᖏᑦᑐᑦ ᓯᓚᑦᑐᔅᓴᕐᕕᕐᔪᐊ ᖃᐅᔨᓴᖅᑐᓕᕆᔪᓄᑦ ᐅᑭᐅᖅᑕᖅᑐᕐᒥᑦ.  ᕌᕗᑦ ᐱᓕᕆᔨᐅᖃᑦᑕᕐᒥᔪᖅ ᖃᕋᓴᐅᔭᓕᕆᓂᒃᑯᑦ ᐊᒻᒪᓗ ᐊᖑᓇᓱᖃᑦᑕᕆᓪᓗᓂ, ᐅᓇᓕᒃᓴᔭᐅᓪᓗᓂ, ᖃᑦᑎᕆᔨᐅᓪᓗᓂ ᐊᒻᒪᓗ ᐅᖁᒪᐃᑦᑐᓄᑦ ᓄᓇᒃᑯᕈᑎᓄᑦ ᐊᖁᒍᓐᓇᕆᓪᓗᓂ.  ᐊᔾᔨᓕᐅᕆᔨᒻᒪᕆᐅᔪᓂᑦ ᐃᑲᔪᖅᑎᐅᖃᑦᑕᖅᓯᒪᒋᓪᓗᓂ ᓱᕐᓗ IMAX, ᐸᖅᓴᐃᓂᕐᒧᑦ ᖃᐅᔨᒪᓂᖃᖅᑐᓂ, ᐊᐅᓚᐅᑎᓕᕆᔪᓐᓇᕆᓪᓗᓂ.

ᕌᕗᑦ ᓄᓕᐊᖃᖅᑐᖅ ᐄᒪᒥᑦ ᐊᒻᒪᓗ ᕿᑐᙵᖃᖅᑐᑎᑦ ᓴᐃᐸᓂᑦ ᐊᒻᒪᓗ ᑕᑯᔭᐅᒐᔪᑦᑐᖅ ᐊᖑᓇᓱᑦᑎᓪᓗᒍ ᖁᑭᐅᒻᒧᑦ ᐊᔾᔨᓕᐅᕈᑎᒧᓪᓗᓐᓂᑦ (ᑕᒪᒃᑭᐅᒐᔪᖅᑐᒃ)

ᑎᐊᓇᔅ ᔫᓯᐱ ᑎᒍᓪᓚᒐᖅ

ᐊᕙᑎᓕᕆᓂᕐᒧᑦ ᐊᒻᒪᓗ ᐊᖅᑭᒋᐊᕆᐊᓕᖕᓄᑦ ᓄᓇᒥᑦᑐᓂᑦ ᖃᐅᔨᓴᐅᑎᐅᔪᓂᑦ ᑲᒪᔨ

ᑎᐊᓇᔅ ᔫᓯᐱ  ᑲᖏᖅᑐᒑᐱᖕᒥᐅᔅᓴᔭᐅᔪᖅ ᐃᓕᓐᓂᐊᕐᓂᒃᑯᑦ ᐊᕙᑎᓕᕆᓂᕐᒧᑦ ᐱᔭᕆᖅᓯᓯᒪᔪᖅ ᐃᓕᓴᕆᔭᐅᓯᒪᓪᓗᓂ ᓄᓇᕗᑦ ᓯᓚᑦᑐᕐᓴᕐᕕᖓᑎᒍ. ᖃᐅᔨᒪᓂᖃᖅᐳ ᓄᓇᒥᙵᖅᓯᒪᔪᓂᑦ, ᐆᒪᔪᓂᑦ ᐊᒻᒪᓗ ᓴᐳᒻᒥᓇᓱᐊᕐᓂᕐᒥᑦ ᐊᕙᑎᑦᑎᓐᓂᑦ. ᐅᖁᒪᐃᑦᑐᓕᕆᔾᔪᑎᓂᑦ ᓄᓇᒃᑯᕈᑎᐅᔪᓂᑦ ᐊᖁᔾᔪᑎᖃᕆᓪᓗᓂ, ᖃᐅᔨᓴᖅᑎᐅᒋᓪᓗᓂ, ᐊᕙᑎᓕᕆᔨᐅᓪᓗᓐᓂ, ᐃᑲᔪᖅᑎᐅᕙᒃᑭᓪᓗᓂ ᐊᒻᒪᓗ ᓇᓄᓕᕆᔨᐅᕙᒃᑭᓪᓗᓂ ᐊᓯᖏᓪᓗ.

ᑎᐊᓇᔅ ᔫᓯᐱ ᐊᖅᑭᒃᓱᐃᕙᓪᓕᐊᕙᑦᑐᖅ ᓄᓇᒧᑦ ᐊᐅᓪᓚᕐᓂᐅᖃᑦᑕᖅᑐᓂᑦ ᐊᒻᒪᓗ ᐃᑦᑕᕐᒥᑦ ᐱᓕᕆᐊᖃᖅᑎᐅᓪᓗᓂ ᓴᓇᔭᕆᐊᓕᖕᓂᑦ ᐊᖅᑭᒋᐊᕆᐊᓕᓐᓂᑦ ᖃᐅᔨᒪᔾᔪᑎᐅᔪᓂᑦ ᖃᕋᓴᐅᔭᒃᑯᑦ ᑕᑯᔭᒃᓴᐅᔪᓂᑦ ᐱᓕᕆᖃᑎᖃᖅᐸᑦᑐᓂ ᐊᖑᓇᓱᑦᑎᐅᔪᓂᑦ ᓄᓇᓕᖕᓂᑦ, ᐃᓕᓐᓂᐊᖅᑎᑦᑎᔨᐅᔪᓂᓪᓗ ᐊᒻᒪᓗ ᐃᓐᓇᑐᖃᕐᓂᑦ.  ᐊᖑᓇᓱᑦᑎᐅᕗᖅ ᐃᓚᒥᓄᑦ ᓂᕿᒃᓴᖅᓯᐅᖅᑐᓂ ᐊᒻᒪᓗ ᐃᑦᑕᒃᑯᑦ ᐱᓕᕆᑎᑦᑎᓕᕌᖓᑕ ᐱᖃᑕᐅᒐᔭᑦᑐᖅ.

ᐃᑦᑕᕐᒥᑦ ᐱᓕᕆᐊᕆᓪᓗᐊᑕᖅᐸᑦᑕᖓ ᐊᖑᓇᓱᑦᑏᑦ ᐊᐅᓚᓂᕆᔭᖓᓐᓂᑦ, ᐃᒪᖁᑎᑦᑕ ᐃᑭᐊᖓᒍᓪᓗ ᓂᐱᐅᔪᓂᑦ ᖃᐅᔨᓴᕐᓂᖅ, ᐊᒻᒪᓗ ᑕᒻᒪᕆᒃᑯᑎᐅᔪᒥᑦ ᐊᖑᓇᓱᑦᑎᓄᑦ ᐊᑐᖅᑕᐅᖃᑦᑕᖅᑐᒥᑦ ᖃᐅᔨᒪᔾᔪᑎᐅᔪᖅ ᐱᓕᕆᐊᕆᕙᓪᓕᐊᒋᓪᓗᓂᐅᑉ.  ᐃᑲᔪᖃᑦᑕᖅᑕᖓ ᐄᓴ ᕿᓪᓚᖅ ᐱᓕᕆᔭᖅᑐᓕᕌᖓ ᓯᓚᓐᓂᐊᕈᑎᐅᔪᓂᑦ.  ᐊᐅᓪᓚᖅᓯᒪᖏᑦᑕᕌᖓ ᐃᓚᒥᓐᓃᖃᑦᑕᖅᑐ ᐱᖓᓱᑦ ᕿᑐᙵᖏᑦ ᐊᐃᐸᕐᖓᓗ ᐃᓅᓯᖅ .

ᓯᐋᕆ ᕙᒃᔅ

ᐱᒋᐊᖅᑎᑦᑎᖃᑕᐅᓂᑯ ᐊᒻᒪᓗ ᖃᐅᔨᒪᔨᒋᔭᐅᔪᖅ 

ᐊᓐᑎᐅᕆᐅᒥᑦ ᐱᕈᖅᓴᓂᑯ, ᓯᐋᕆ ᐱᓕᕆᖃᑦᑕᖅᓯᒪᔪᖅ ᐊᒻᒪᓗ ᓄᓇᖃᖃᑦᑕᖅᓯᒪᓪᓗᓂ ᓄᓇᕘᒥᑦ.  2005ᒥᑦ ᐃᑦᑕᕐᒥᑦ ᐱᒋᐊᖅᑎᑦᑎᖃᑕᐅᓚᐅᖅᓯᒪᔪᖅ, ᑐᑭᒧᐊᑦᑎᑦᑎᔨᐅᓚᐅᖅᓯᒪᓪᓗᓂᓗ, ᐃᓄᖕᓂᑦ ᑲᖏᖅᑐᒑᐱᖕᒥᑦ ᐱᓕᕆᖃᑎᖃᖅᓯᒪᓪᓗᓂ ᐊᕐᕌᒍᑦ 25ᖑᓗᐊᖅᑐᓂᑦ.  ᐱᖕᒪᕆᐅᒃᓴᖅᓯᒪᔪᖅ ᐃᓄᐃᑦ ᓇᖕᒥᓂᖅ ᐊᐅᓚᑦᑎᑦᑎᐊᕈᓐᓇᖅᓯᕚᓪᓕᕈᓐᓇᕐᓂᖏᓐᓄᑦ ᐊᒻᒪᓗ ᖃᐅᔨᓴᖅᑐᓕᕆᓂᕐᒧᒃ ᐃᓄᖕᓄᑦ ᐊᐅᓚᑕᐅᔪᑦ ᐃᓄᖕᓄᑦ ᐊᒻᒪᓗ ᓄᓇᕐᔪᐊᒥᑦ ᐃᓕᓴᕆᔭᐅᓯᒪᔪᑦ ᐱᓕᕆᐊᕆᓯᒪᔭᖏᑦ ᐃᓄᖕᓂᑦ ᐃᓚᖃᖅᑐᓂ ᐅᑭᐅᖅᑕᖅᑐᕐᒥᑦ. 

ᓯᐋᕆ ᐃᓕᓐᓂᐊᕐᓂᖃᖅᓯᒪᔪᖅ ᖁᑦᑎᑦᑐᓂᑦ BES, MES ᓯᓚᑦᑐᖅᓴᕐᕕᕐᔪᐊᒥᑦ ᐅᐊᑐᓘ, Ph.D ᑐᖅᓯᒪᓪᓗᓂ ᓯᓚᑦᑐᖅᓴᕐᕕᕐᔪᐊᒥᑦ ᑳᓗᕋᑑ ᐊᒻᒪᓗ Hᐊᕗᑦᒥ.  ᐊᕐᕌᒍᑦ ᖁᓕᐅᓗᐊᖅᑐᑦ ᐱᓕᕆᖃᑎᖃᖅᑐᓂ ᐃᓄᖕᓂᑦ ᓴᖅᑮᓚᐅᖅᓯᒪᔪᑦ “ᓯᑰᑉ ᑐᑭᖏᑦ” 2018ᖑᑎᓪᓗᒍ ᓴᓚᒃᓴᕈᑕᐅᓚᐅᖅᓯᒪᔪᖅ “ᐅᑭᐅᖅᑕᖅᑐᒥᑦ ᖃᐅᔨᓴᑦᑎᐊᕈᑕᐅᓪᓗᓂ ᐱᓕᕆᐊᖑᔪᒧᑦ”. 

ᓯᐋᕆ ᐅᑎᖅᑕᖃᑦᑕᖅᑐᖅ ᑲᖏᖅᑐᒑᐱᖕᒥᑦ ᐃᐅᓪᕗᑕᒧᑦ.  ᕿᒧᒃᓯᖅᑎᑐᖃᖅ, ᕿᒧᒃᓯᕐᓂᐅᑉ ᒥᒃᓵᓄᑦ ᐅᖃᓪᓚᒎᓐᓇᖅᑐᖅ ᑕᐅᕗᖓᓕᒫ ᐱᕕᖃᖅᑎᒃᑯᕕᐅ. 

ᐊᐃᒨᓯ ᓯᕗᒐᑦ

ᐊᖑᓇᓱᑦᑎᐅᓪᓗᓂ ᐃᓕᓐᓂᐊᖅᑎᑦᑎᔨᐅᓯᓐᓈ

ᐊᐃᒨᓯ ᓯᕗᒐᑦ ᐃᓅᓚᐅᖅᓯᒪᔪᖅ ᑐᐱᕐᕕᐊᓗᐃᑦ ᓂᒋᖓᖓᓂᑦ ᑲᖏᖅᑐᒑᐱᐅ.  ᐊᖑᓇᓱᑦᑎᐅᖑᔭᐃᓐᓇᖅᑐᖅ ᑕᐃᒪᙵᓂ ᐊᕐᕋᒍᖃᓕᖅᑎᓪᓗᒍ 8.  ᐸᓂᖃᖅᑐᓂ ᐊᒻᒪᓗ ᐃᕐᓂᖃᖅᑐᓂ ᐊᑕᐅᓯᕐᒥᑦ ᐃᕐᖑᑕᓕ.  ᐊᑕᐅᓯᕐᒥᑦ ᐆᒪᔪᒥᑦ ᐱᓇᓱᑐᐃᓐᓇᖃᑦᑕᖏᑦᑐᖅ ᑭᓯᐊᓂ ᐊᖑᓇᓱᒐᔅᓴᓕᒫᑦ ᐱᓇᓱᒋᐊᖏᑦ ᖁᕕᐊᒋᔭᖃᖅᑐᖅ.  ᐅᐱᒋᔭᐅᔾᔪᓯᐊᖅᓯᒪᔪᖅ ᖁᔭᓕᓪᔪᑎᐅᔪᒥᓪᓗ ᐃᓕᓴᖅᓯᕕᒃᑯᓐᓂᑦ ᐊᒻᒪᓗ ᐱᖅᑯᓯᓕᕆᕕᒃ ᐊᐅᓪᓚᐅᔾᔨᖃᑦᑕᕐᓂᖓᓄᑦ ᐊᒻᒪᓗ ᐊᖑᓇᓱᒋᐊᖅᑎᑦᑎᔨᐅᓂᖓᓄᑦ, ᖃᐅᔨᒪᓂᖃᕆᓪᓗᓂ ᐊᐅᓪᓚᐅᔾᔨᔨᐅᓂᕐᒧᑦ, ᓇᓐᓄᒐᓱᑦᑎᑦᑎᔨᐅᖃᑦᑕᖅᓯᒪᒋᓪᓗᓂ ᐊᒻᒪᓗ ᕿᒻᒥᖃᖅᑐᖅ ᕿᒧᒃᓯᐅᑎᖏᓐᓂ.  ᓴᓇᕈᓗᔭᕆᐊᒃᓴᖅ ᐃᓕᙵᓪᓗᓂ ᐊᖑᓇᓲᑎᓂᑦ ᐊᒻᒪᓗ ᐃᖏᕐᕋᓯᐅᓂᑦ ᐊᒻᒪᓗ ᐊᓐᓂᖅᑐᓕᕆᓂᕐᒧᑦ ᐃᓕᓴᕆᔭᐅᓯᒪᒋᓪᓗᓂ.  ᑐᑭᒧᐊᑦᑎᑦᑎᔨᐅᓯᒪᓕᖅᑐᖅ ᐃᑦᑕᒃᑯᑦ ᐊᖑᓇᓱᑦᑏᑦ ᐱᓕᕆᐊᖓᓐᓄᑦ ᑕᐃᒪᙵ ᐱᓕᕆᐊᖑᔪᖅ ᓴᖅᑭᓚᐅᖅᓯᒪᒻᒪᑦ.

ᑭᐳᒥ ᕿᓪᓚᖅ

ᐊᖑᓇᓱᑦᑎᐅᓪᓗᓂ ᐃᓕᓐᓂᐊᖅᑎᑦᑎᔨᐅᓯᓐᓈ

ᑭᐳᒥ ᐃᖃᓗᓐᓂ ᐃᓅᓚᐅᖅᓯᒪᔪᖅ ᑲᖏᖅᑐᒑᐱᒻᒥ ᐱᕈᖅᓴᓪᓗᓂ. ᐊᖑᓇᓱᖃᑦᑕᖅᓯᒪᔪᖅ ᓱᕈᓯᐅᓂᕐᒥᓂᒃ. ᐊᖑᓇᓱᓐᓂᕐᒥᒃ ᐃᓚᖏᓐᓂᑦ ᐃᓕᓯᒪᕗᖅ ᓄᓇᓕᕋᓛᒥᐅᑕᐅᑎᓪᓗᒋᑦ .

ᐊᖑᓇᓱᒃᑎᓂᑦ ᒪᒃᑯᓐᓂᖅᐹᖑᕗᖅ ᐊᒻᒪ ᓄᓇᒦᒋᐊᖓ ᐊᒻᒪ ᐊᖑᓇᓱᒍᐊᖓ ᐊᕐᕋᒍᓕᒫᖅ ᖁᐃᐊᒋᔭᖓ. ᓇᑦᑎᕋᓱᒋᐊᖓ ᖁᕕᐊᒋᓂᖅᐹᕆᔭᖓ ᐅᑭᐊᒃᓵᒃᑯᑦ ᕿᓄᐊᓕᖅᑎᓪᓗᒍ.

ᐃᒡᓗᕋᓛᓕᐅᓯᐅᖑᓪᓗᓂᓗ ᐊᒻᒪ ᖃᒧᓯᐅᕈᓐᓇᖅᑐᓂ ᐊᒻᒪᓗ ᐊᖑᓇᓱᒃᑐᖅᓯᐅᑎᓂ ᓴᓇᔪᓐᓇᕆᓪᓗᓂ. ᑭᐳᒥ ᑕᓪᓕᒪᓂ ᕿᑐᕐᖓᓕᒃ ᐱᖓᓱᓂ ᐸᓂᓕᒃ ᐊᒻᒪ ᒪᕐᕉᓐᓂ ᐊᕐᓂᓕᒃ.

ᐄᓴ ᐸᓕᑦᑐᖅ

ᐊᖑᓇᓱᑦᑎᐅᓪᓗᓂ ᐃᓕᓐᓂᐊᖅᑎᑦᑎᔨᐅᓯᓐᓈ

ᐊᐃᐱᓕ (ᐄᓴ) ᐸᓕᑦᑐᖅ ᐃᓅᓚᐅᖅᓯᒪᔪᖅ ᐃᖃᓗᓐᓂ, ᑲᖏᖅᑐᒑᐱᖕᒥᑦ ᐱᕈᖅᓯᒪᔪᖅ. ᑎᓴᒪᓂᑦ ᕿᑐᙵᖃᖅᑐᖅ ᑎᓴᒪᓂᓪᓗ ᐃᕐᖑᑕᖃᖅᑐᓂ.  ᐊᖑᓇᓱᑦᑎᐅᖑᔭᐃᓐᓇᖅᑐᖅ ᑕᐃᒪᙵᓂ ᐊᕐᕋᒍᖃᓕᖅᑎᓪᓗᒍ ᑎᓴᒪᓂ ᑕᓪᓕᒪᓂᓪᓗᓐᓂᑦ.

ᐊᖑᓇᓱᖃᑦᑕᖅᑕᖏᑦ ᐊᔾᔨᒌᖏᑦᑐᑦ ᑭᓯᐊᓂ ᓇᓐᓄᒐᓱᒋᐊᖓ ᖁᕕᐊᒋᓛᕆᓪᓗᓂᐅ.  ᖃᐅᔨᒪᓂᖓᑕ ᓄᓇᐅᑉ ᐊᒻᒪᓗ ᐊᖑᓇᓱᓐᓂᐅᑉ ᐃᓚᖃᕆᕗᖅ ᕿᔪᓕᕆᓂᕐᒥᑦ ᓴᓇᔪᓐᓇᕐᓂᖓ ᐊᓯᖏᓪᓗ ᓴᓇᔭᕆᐊᖃᖅᑐᑦ.

ᓇᐃᓴᐅᓯᕆᓂᕐᒥᑦ ᑭᓪᓕᓯᓂᐊᕐᓂᕐᒥᓪᓗ ᐃᓕᓐᓂᐊᕐᓂᖃᖅᓯᒪᔪᖅ ᐃᐅᓪᒐᓐᑯᐃᓐ (Algonquin) ᐊᒻᒪᓗ ᐱᕕᑭᑦᑐᓂ ᓴᓇᕕᐅᔪᓐᓇᖅᑐᓂᑦ ᐃᓕᙵᓂᖃᕆᓪᓗᓂ, ᐃᑭᑦᑐᓂᑦ ᖃᒥᑦᑎᓇᓱᐊᕆᐊᒃᓴᖅ ᐊᒻᒪᓗ ᐊᓐᓂᖅᑐᓕᕆᓂᕐᒧᖓᔪᒥᑦ ᐃᓕᓴᕆᔭᐅᔾᔪᑎᖃᕆᓪᓗᓂ.  ᐊᕐᕋᒍᒐᓴᐅᓕᖅᑐ ᐊᖑᓇᓱᑦᑎᐅᖃᑕᐅᓯᒪᔪᖅ ᐱᓕᕆᕕᐅᔪᓂᑦ ᒪᒃᑯᑦᑐᓂᑦ ᐊᒻᒪᓗ ᐃᓄᖕᓂᑦ ᐊᐅᓪᓚᐅᔾᔨᖃᑦᑕᖅᑐᖅ ᐃᓕᓐᓂᐊᖅᑎᑦᑎᓯᓐᓈᖅᑐᓂ.

ᐄᓴ ᕿᓪᓚᖅ

ᓯᓚᓐᓂᐊᕈᑎᓂᑦ ᐱᓕᕆᐅᔪᖅ, ᐃᓕᓐᓂᐊᖅᑎᑦᑎᔨ ᐊᒻᒪᓗ ᖃᐅᔨᓴᖅᑎ

ᐄᓴ ᐃᓅᓚᐅᖅᓯᒪᔪᖅ ᑲᖏᖅᑐᒑᐱᐅᑉ ᖃᓂᒋᔮᓂᑦ, ᐊᖑᓇᓱᖃᑦᑕᓕᓚᐅᖅᓯᒪᔪᖅ ᖁᓕᓂᑦ ᐊᕐᕋᒍᖃᓕᖅᑎᓪᓗᒍ.  ᐃᖃᓗᒐᓱᒋᐊᒃᓴᖅ ᐃᓕᓐᓂᑯᔪᖅ ᐃᑦᑐᖓᓂ, ᐊᖑᓇᓱᖃᑎᒋᕙᑦᑐᓂᐅᑉ ᒪᒃᑯᓯᓇᓱᓐᓂᖓᓄᑦ, ᐊᒃᑲ/ᐊᖓᖏᓐᓂᓪᓗ ᐱᓇᓱᖃᑎᖃᓕᕐᓂᑯᓪᓗᓂ.  ᐊᖑᓇᓱᑦᑎᐅᖑᔭᐃᓐᓇᖅᑐᖅ ᑕᐃᒪᙵᓂ.  ᖃᐅᔨᓴᖅᑎᐅᓯᒪᒋᓪᓗᓂ ᐊᔾᔨᒌᖏᑦᑐᓄᑦ ᐱᓕᕆᐊᖑᓯᒪᔪᓂᑦ ᓱᕐᓗ ᐊᖑᑕᐅᕙᑦᑐᓂᑦ ᖃᐅᔨᓴᖅᐸᑦᑐᓂ ᐊᕙᑎᓕᕆᓂᕐᒧᓪᓗ ᐊᒻᒪᓗ ᐃᒥᐅᑉ ᖃᓄᐃᓐᓂᖏᓐᓂᑦ.

ᖃᐅᔨᓴᕐᓂᐅᑦ ᐊᒻᒪᓗ ᓄᓇᐃᑦ ᖃᐅᔨᒪᓂᖓ ᐃᓚᖃᕆᕗ ᐃᓕᓐᓂᐊᕐᓂᑯᓂᖓ ᐊᒻᒪᓗ ᐊᓯᕈᓗᔭᖏᑦ, ᐅᓇᖅᑐᖃᐅᑎᐅᔪᓂᑦ/ᐅᖅᑯᓴᐅᑎᓂᑦ ᐱᓕᕆᔪᓐᓇᕐᓂᖃᖅᑐᖅ, ᐃᒡᓗᓂᑦ ᓴᓇᔭᕆᐊᓕᖕᓂᑦ ᐱᓕᕆᐊᖃᖅᑎᓯᒪᒋᓪᓗᓂ, ᐊᐅᓪᓚᐅᔾᔨᐅᒋᓪᓗᓐᓂ.  ᐸᓖᓯᒃᑯᓐᓂ ᐃᓚᒋᔭᐅᓯᒪᒋᕗᖅ ᐊᒻᒪᓗ ᐸᖅᓴᐃᔨᒃᑯᓐᓂ.

ᐊᐱᐅᓯ ᐊᐸᒃ

ᐊᖑᓇᓱᑦᑎᐅᓪᓗᓂ ᐃᓕᓐᓂᐊᖅᑎᑦᑎᔨᐅᓯᓐᓈ

ᐃᓅᓕᖅᑐᒥᓂᖅ ᑲᖏᖅᑐᒑᐱᒻᒥ, ᐊᐱᐅᓯ ᐋᐸᒃ ᐊᑖᑕᒋᔭᐅᔪᖅ ᐱᖓᓲᔪᖅᑐᓄᑦ ᓯᑕᒪᓂᓪᓗ ᐃᕐᖑᑕᖃᖅᓱᓂ. ᐊᖑᓇᓱᖃᑦᑕᖅᓯᒪᔪᖅ ᐊᕐᕌᒍᖃᓕᕐᓂᕋᒥᓂᑦ 12−ᓂᒃ ᖁᕕᐊᒋᔭᖃᓪᓚᕆᑦᓱᓂ ᐊᓯᓃᒋᐊᒥᒃ ᐊᖑᓇᓱᒋᐊᒥᓪᓗ ᓂᕐᔪᑎᓕᒫᑦᓯᐊᓂᒃ. ᖄᖓᒍᑦ ᖃᐅᔨᒪᓂᖓᑕ ᓄᓇᒥᒃ, ᐊᖑᓇᓱᓐᓂᕐᒥᒃ ᐃᖃᓗᒐᓱᐊᓂᕐᒥᓪᓗ, ᐊᐱᐅᓯ ᐱᒍᓐᓇᑦᓯᐊᕐᒥᔪᖅ ᓴᓇᒋᐊᒥᒃ ᐊᖑᓇᓲᑎᓂᒃ ᓱᓇᒃᑯᑎᓂᒃ, ᓴᓇᕐᕈᑎᓂᒃ, ᓴᓇᒋᐊᓕᓐᓂᓪᓗ ᓴᓇᓂᕐᒥᒃ.

ᐊᐱᐅᓯ ᐃᓚᐅᑎᓪᓚᕆᑉᐸᑦᑐᖅ ᓄᓇᓕᒻᒥᓄᑦ ᓄᓇᓕᓐᓂᓪᓗ ᓯᕗᓕᕐᓂᕐᒧᑦ. ᒪᐃᔭᒋᔭᐅᓯᒪᔪᖅ ᑲᖏᖅᑐᒑᐱᒻᒥ 2009-2014−ᒧᓄᑦ, ᑲᑎᒪᔨᐅᖃᑕᐅᓯᒪᑦᓱᓂ ᓇᒻᒪᐅᑕᖅ ᐊᖑᓇᓱᑦᑏᑦ ᒥᑭᒋᐊᕐᓂᐊᖅᑏᓪᓗ ᑲᑐᔾᔨᖃᑎᒌᖏᓐᓄᑦ 1996−ᒥᓂᑦ, ᒫᓐᓇᓗ ᐃᑦᓯᕙᐅᑕᕆᔭᐅᓪᓗᓂ ᐊᖑᓇᓱᑦᑏᑦ ᒥᑭᒋᐊᕐᓂᐊᖅᑏᓪᓗ ᑲᑐᔾᔨᖃᑎᒌᓐᓄᑦ. ᐊᐱᐅᓯ ᒫᓐᓇ ᐊᖓᔪᖅᑳᕆᔭᐅᒻᒥᔪᖅ ᑲᖏᖅᑐᒑᐱᒻᒥ ᐅᓇᓕᑦᓴᓄᑦ.

ᐄᓴ ᕿᓪᓚᖅ

ᓴᐃᒧ ᐱᐅᖏᑦᑐᖅ 

ᓴᐃᒧ ᐱᐅᖏᖅᑐᖅ ᐃᓅᓚᐅᖅᓯᒪᔪᖅ ᐊᕐᕕᖅᑐᔪᒥᑦ, ᑲᖏᖅᑐᒑᐱᐅᑉ ᑲᓂᒋᔮᓂᑦ, ᐊᖑᓇᓱᖃᑦᑕᐅᔭᐃᓐᓇᖅᑐᖅ ᐃᓅᓯᓕᒫᕐᒥᓂ.  ᐊᖑᓇᓱᑦᑎᓄᑦ ᐃᓚᒋᔭᐅᓕᓚᐅᖅᑎᓐᓇᒍ ᐃᑯᒻᒪᖅᑯᑎᓕᕆᔨᒃᑯᓐᓄᑦ ᐃᖅᑲᓇᐃᔭᓚᐅᖅᓯᒪᔪᖅ ᖃᐅᔨᒪᓂᖓ ᑭᓱᑐᐃᓐᓇᕐᓂᑦ ᐊᖑᓇᓱᓐᓂᕐᒧᑦ ᐊᓐᓇᐅᒪᓇᓱᓐᓂᕐᒧᓪᓗ ᐊᒻᒪᓗ ᐊᕙᑎᑦᑎᓐᓂ ᖃᐅᔨᒪᓇᓱᓐᓂᖓ ᐃᓚᓕᐅᑎᑦᑎᐊᖅᓯᒪᔪᖅ.  ᑐᐊᕕᕐᓇᖅᑐᓕᕆᓂᕐᒧᓪᓗ ᐸᖅᓴᐃᓂᕐᒧᑦ ᖃᐅᔨᒪᔭᖃᐅᕆᓪᓗᓂ.  ᓴᐃᒧ ᐃᓚᒥᓃᒋᐊᒃᓴᖅ ᖁᕕᐊᒋᔭᖃᖅᐳᖅ ᐊᒻᒪᓗ ᐊᖑᓇᓱᒋᐊᖓ ᑐᑦᑐᓂᑦ ᖁᕕᐊᒋᓂᖅᐹᕆᓪᓗᓂᐅ ᐅᐱᕐᖓᒃᑯᑦ. 

ᑲᑎᒪᔨᐅᔪᑦ

ᑲᖏᖅᑐᒑᐱᐅᑉ ᓄᓇᙳᐊᓕᕆᕕᖓ ᑲᑎᒪᔨᖃᕐᒪᑦ ᑕᑯᔭᐅᔪᒪᔪᓪᓗ ᐃᓱᒪᓕᐅᕈᑕᐅᕙᑦᑐᓪᓗ ᐱᒻᒪᕆᐅᒋᔭᐅᓪᓗᑎᑦ ᓴᖅᑭᑕᐅᖃᑦᑕᕐᒪᑕ ᓄᓇᑦᑎᓐᓂ. ᐃᑲᔪᖅᑎᒋᑦᑐᑎᑦ ᐃᓱᒪᓕᐅᕈᓐᓇᖅᓯᕙᑦᑐᑦ ᖃᓄᐃᑦᑐᓂᑦ ᑐᑯᔭᐅᔪᓐᓇᖅᑐᓂᑦ ᓴᖅᑭᑦᑎᔪᓐᓇᖅᓯᕙᑦᑐᑦ. ᓴᖅᑭᑕᐅᕙᓪᓕᐊᔪᓪᓗ ᑕᑯᔭᐅᔪᓐᓇᖃᑦᑕᕐᒪᑕ ᖃᓄᐃᑦᑑᒻᒪᖔᑕ. ᓴᐅᒥᖕᒥᑦ ᑐᓄᐊᓂ: ᐃᐅᓪᕗᑦ ᐸᓂᒃᐸ, ᔨᐅᕆ ᓇᑕᓇᐃ, ᐊᐃᒧ ᐸᓂᓗ, ᓴᓐᑎ ᑲᐅᑐᖅ, ᕌᕗᑦ ᑲᐅᑐᖅ, ᒪᐃᒃ ᔭᐃᐴᑎ. ᓯᕗᓂᐊᓂ: ᐊᐱᐅᓯ ᐋᐸᒃ, ᓯᐅᕆ ᕙᒃᔅ, ᐊᔾᔨᓕᐅᕆᔪ: ᐲᑕ ᐸᓪᓯᕗ.

ᓄᓇᙳᐊᓕᕆᕕᐅᔪᑉ ᑲᑎᒪᔨᖏᑦ

ᐃᑦᑕᖅ ᑐᑦᑕᕐᕕᒋᔭᐅᒻᒪᓗ ᑲᖏᖅᑐᒑᐱᐅᑉ ᓄᓇᙳᐊᓕᕆᕕᖓᓐᓄᑦ.

ᓄᓇᙳᐊᓕᕆᔾᔪᑎᐅᔪᖅ ᓴᐳᒻᒥᔾᔪᑎᒋᔭᐅᓯᓐᓇᕐᒪᑦ ᐊᒻᒪᓗ ᐊᑐᐃᓐᓇᐅᔪᓐᓇᖅᓯᑎᑕᐅᓯᒪᓪᓗᓂ ᐃᓕᒍᑕᐅᔪᓐᓇᕐᓗᓂ ᓴᖅᑭᑕᐅᓯᒪᓪᓗᓂ ᐃᑦᑕᒃᑯᓐᓄᑦ. ᖃᐅᔨᓴᕐᓂᖅᑕᖃᕈᒪᔭᕋᖓ ᐃᓕᒍᑕᐅᔪᓐᓇᖃᑦᑕᕐᒪᑕ ᐊᒻᒪᓗ ᐅᓂᒃᑳᑦᑎᓐᓂ ᓇᒻᒥᓂᖅ ᓴᖅᑭᔾᔪᑕᐅᔪᓐᓇᖅᑐᓂ.  ᖃᐅᔨᓴᕈᑕᐅᓚᐅᖅᓯᒪᔪᕕᓂᕐᓂᑦ ᑐᖅᑯᖅᓯᕕᑦᑕᕆᔪᓐᓇᖅᓯᓪᓗᑎᒍ ᐊᑐᐃᓐᓇᐅᓯᒪᓚᐅᖏᑦᑐᓂᑦ.  ᑲᔪᖏᖅᓴᐃᕙᓪᓕᐊᔪᒍᑦ ᒪᒃᑯᑦᑐᓄᑦ ᐃᓄᓐᓄᓪᓗ ᐊᑐᖅᑕᐅᔪᓐᓇᑦᑎᐊᓕᖅᓗᓂ ᑐᑭᓯᒋᐊᕈᒪᔭᒥᓐᓂᑦ ᐱᓕᕆᐊᖑᕙᓪᓕᐊᔪᓂᑦ ᐊᒻᒪᓗ ᐱᓕᕆᐊᖑᓯᒪᔪᓄᑦ ᐱᓗᐊᖅᑐᓂ.  ᐳᓚᕋᑉᐸᑦᑐᓄᑦ ᓴᖅᑭᑎᑦᑐᓐᓇᕐᓗᑎᒍ ᑐᑭᓯᑎᓪᓗᑎᒍᓗ ᐃᓄᖕᓄᑦ ᑐᑭᒧᐊᑦᑎᑕᐅᓯᒪᓂᖓ ᐱᓕᕆᐊᖑᓯᒪᔪ ᐱᓕᕆᐊᖑᕙᓪᓕᐊᓂᖓᓗ ᐱᓗᐊᖅᑐᒥᑦ ᐊᕙᑎᑦᑎᓐᓄᖓᔪᑦ.  ᓄᓇᙳᐊᓕᕆᕕᐅᔪᑦ ᐊᖏᓪᓕᕙᓪᓕᐊᖏᓐᓇᖅᑐᖅ ᐱᓕᕆᐊᖑᐃᓐᓇᕐᓂᐊᖅᑐᓂᓗ ᐃᓚᕙᓪᓕᐊᓗᒍ.